ಮೀಸಾ ಪರ ರಾಹುಲ್‌ ಪ್ರಚಾರ

‘ಮೇ 16ರಂದು ಮೀಸಾ ಭಾರತಿ ಮತ್ತು ಶತ್ರುಘ್ನ ಸಿನ್ಹಾ ಅವರ ಪರವಾಗಿ ರಾಹುಲ್‌ ಪ್ರಚಾರ ನಡೆಸಲಿದ್ದಾರೆ’ ಎಂದು ಕಾಂಗ್ರೆಸ್‌ನ ಬಿಹಾರ ಘಟಕದ ಅಧ್ಯಕ್ಷ ಮದನಮೋಹನ ಝಾ ತಿಳಿಸಿದ್ದಾರೆ. ಮೀಸಾ ಅವರು ಪಾಟಲೀಪುತ್ರ ಕ್ಷೇತ್ರದಿಂದ ಆರ್‌ಜೆಡಿ ಅಭ್ಯರ್ಥಿಯಾಗಿ ಮತ್ತು ಶತ್ರುಘ್ನ ಸಿನ್ಹಾ ಅವರು ಪಟ್ನಾಸಾಹಿಬ್‌ ಕ್ಷೇತ್ರದಿಂದ ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಸ್ಪರ್ಧಿಸುತ್ತಿದ್ದಾರೆ.

ಲೋಕಸಭೆಯ ಮಾಜಿ ಸ್ಪೀಕರ್‌ ಮೀರಾ ಕುಮಾರ್‌ ಅವರು ಸ್ಪರ್ಧಿಸಿರುವ ಸಸಾರಾಂ ಕ್ಷೇತ್ರದಲ್ಲೂ ರಾಹುಲ್‌ ಗಾಂಧಿ ಅವರ ರ್‍ಯಾಲಿ ಆಯೋಜಿಸುವ ಪ್ರಯತ್ನಗಳು ನಡೆಯುತ್ತಿವೆ ಎಂದು ಪಕ್ಷದ ಮೂಲಗಳು ತಿಳಿಸಿವೆ.