ಬಿನೋಯ್‌ ವಿನೋದಿನಿ ಬಾಲಕೃಷ್ಣನ್ ಆರೋಪಿಯಾಗಿದ್ದು, ಹಿಂದೆ ದುಬೈನಲ್ಲಿ ಬಾರ್ ಡಾನ್ಸರ್ ಆಗಿದ್ದ 33 ವರ್ಷ ವಯಸ್ಸಿನ ಮಹಿಳೆಯೊಬ್ಬರು ಇವರ ವಿರುದ್ಧ ದೂರು ನೀಡಿದ್ದಾರೆ. ‘ಬಿನೋಯ್‌ ಜೊತೆಗಿನ ಸಂಬಂಧದಿಂದ ಒಬ್ಬ ಮಗ ಹುಟ್ಟಿದ್ದು ಆತ ಈಗ 8 ವರ್ಷದವನಾಗಿದ್ದಾನೆ’ ಎಂದೂ ಮಹಿಳೆ ಹೇಳಿದ್ದಾರೆ. ಅತ್ಯಾಚಾರ, ವಂಚನೆ ಆರೋಪದಡಿ ಮುಂಬೈನ ಒಶಿವಾರ ಠಾಣೆ ಪೊಲೀಸರು ದೂರು ದಾಖಲಿಸಿದ್ದಾರೆ. ಬಿನೋಯ್‌ ಈ ಹಿಂದೆ ದುಬೈನಲ್ಲಿ ಕೆಲಸ ಮಾಡುತ್ತಿದ್ದರು. ‘ದೂರು ನೀಡಿರುವ ಮಹಿಳೆಯ ಪರಿಚಯವಿದೆ’ ಎಂದು ಒಪ್ಪಿಕೊಂಡಿರುವ ಬಿನೋಯ್‌, ‘ಇದೊಂದು ಬ್ಲ್ಯಾಕ್‌ಮೇಲ್‌ ತಂತ್ರ. ₹ 5 ಕೋಟಿ ನೀಡುವಂತೆ ಆ ಮಹಿಳೆ ಕಳೆದ ಏಪ್ರಿಲ್‌ನಲ್ಲಿ ನನಗೆ ನೋಟಿಸ್‌ ಕಳುಹಿಸಿದ್ದರು. ಅವರ ವಿರುದ್ಧ ಕೇರಳ ಪೊಲೀಸರಿಗೆ ದೂರು ನೀಡಿದ್ದೇನೆ’ ಎಂದು ಬಿನೋಯ್‌ ಪ್ರತಿಕ್ರಿಯಿಸಿದ್ದಾರೆ.
