ಅರಣ್ಯ ಒತ್ತುವರಿದಾರರ ಬೃಹತ್‌ ಪ್ರತಿಭಟನೆ

ಗುರುವಾರ , ಮಾರ್ಚ್ 21, 2019
32 °C
ಹಕ್ಕು ಪತ್ರಕ್ಕೆ ಆಗ್ರಹ; ಸ್ವಯಂ ಪೊಲೀಸ್‌ ಬಂಧನಕ್ಕೆ ಒಳಗಾದ ಪ್ರತಿಭಟನಾಕಾರರು

ಅರಣ್ಯ ಒತ್ತುವರಿದಾರರ ಬೃಹತ್‌ ಪ್ರತಿಭಟನೆ

Published:
Updated:
Prajavani

ಕುಮಟಾ (ಉತ್ತರ ಕನ್ನಡ): ಅರಣ್ಯ ಅತಿಕ್ರಮಣಕಾರರಿಗೆ ಹಕ್ಕುಪತ್ರ ನೀಡುವಂತೆ ಒತ್ತಾಯಿಸಿ ಪಟ್ಟಣದಲ್ಲಿ ಶನಿವಾರ ಬೃಹತ್ ಪ್ರತಿಭಟನೆ ನಡೆಯಿತು.

ಜಿಲ್ಲೆಯ ವಿವಿಧ ತಾಲ್ಲೂಕುಗಳಿಂದ ಬಂದಿದ್ದ ಸಾವಿರಾರು ಪ್ರತಿಭಟನಾಕಾರರು, ಪ್ರಖರ ಬಿಸಿಲಿನಲ್ಲೂ ಪ್ರಮುಖ ರಸ್ತೆಗಳಲ್ಲಿ ಮೆರವಣಿಗೆಯಲ್ಲಿ ಸಾಗಿದರು. ಬಳಿಕ ಸ್ವಯಂ ಪೊಲೀಸ್ ಬಂಧನಕ್ಕೆ ಒಳಗಾದರು.

ಇದಕ್ಕೂ ಮೊದಲು ಮಣಕಿ ಮೈದಾನದಲ್ಲಿ ಬಹಿರಂಗ ಸಮಾವೇಶ ನಡೆಯಿತು. ಪ್ರತಿಭಟನಾಕಾರರನ್ನು ಉದ್ದೇಶಿಸಿ  ಮಾತನಾಡಿದ ಅರಣ್ಯ ಅತಿಕ್ರಮಣ ಹೋರಾಟಗಾರರ ಸಂಘಟನೆಯ ಅಧ್ಯಕ್ಷ ಎ.ರವೀಂದ್ರ ನಾಯ್ಕ, ಒತ್ತುವರಿದಾರರಿಗೆ ಹಕ್ಕುಪತ್ರ ಕೊಡದಿರುವ ಸರ್ಕಾರಗಳ ನಡೆಯನ್ನು ಖಂಡಿಸಿದರು. ಅಲ್ಲದೇ ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಮತದಾನ ಬಹಿಷ್ಕರಿಸುವ ಬಗ್ಗೆ ಚಿಂತನೆ ನಡೆಯುತ್ತಿದೆ ಎಂದರು.

‘ಅರಣ್ಯ ಅತಿಕ್ರಮಣಕಾರರು ಭಯೋತ್ಪಾದಕರಲ್ಲ, ನಕ್ಸಲರೂ ಅಲ್ಲ. ಆದರೆ, ನಾವು ಅತಿಕ್ರಮಣ ಮಾಡಿಕೊಂಡ ನೆಲಕ್ಕೆ ಕೈ ಹಾಕಲು ಬಂದರೆ ಅತ್ಯುಗ್ರ ಸ್ವರೂಪದ ಹೋರಾಟ ಮಾಡಬೇಕಾಗುತ್ತದೆ. ಅತಿಕ್ರಮಣಕಾರರು ಪ್ರಾಣ ಬಿಟ್ಟಾರೆಯೇ ವಿನಾ  ಭೂಮಿ ಬಿಡರು’ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

‘ಜಿಲ್ಲೆಯ ಸಂಸದರು ಹಾಗೂ ಇಬ್ಬರು ಶಾಸಕರು, 113 ಜನ ಇತರ ಜನಪ್ರತಿನಿಧಿಗಳು ಅರಣ್ಯ ಅತಿಕ್ರಮಣ ನಡೆಸಿದ್ದಾರೆ’ ಎಂದು ಯಾರ ಹೆಸರನ್ನೂ ಹೇಳದೆ ಅವರು ಆರೋಪಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 1

    Frustrated
  • 0

    Angry

Comments:

0 comments

Write the first review for this !