ತಪಾಸಣಾ ವರದಿ ಬಂದರೆ ಪ್ರಕರಣ ಸಂಖ್ಯೆ ಹೆಚ್ಚಳ: ಎಚ್‌.ಕೆ. ಪಾಟೀಲ

ಕೋವಿಡ್-19ರ ತಪಾಸಣೆಯಲ್ಲಿ ವಿಳಂಬ ಆಗುತ್ತಿರುವ ಬಗ್ಗೆ ಮುಖ್ಯಮಂತ್ರಿ ಅವರನ್ನು ಸೋಮವಾರ ಭೇಟಿ ಮಾಡಿದ ಪಾಟೀಲರು ಈ ವಿಷಯವನ್ನು ಗಮನಕ್ಕೆ ತಂದಿದ್ದಾರೆ. ಆಗ ಮುಖ್ಯಮಂತ್ರಿ ಈ ಭರವಸೆ ನೀಡಿದರು.

‘ಕೋವಿಡ್‌ ನಿಯಂತ್ರಣ ಮತ್ತು ಹರಡುವಿಕೆ ತಡೆಗಟ್ಟಲು ತಪಾಸಣೆ ಮತ್ತು ಕ್ವಾರಂಟೈನ್ ಸಿದ್ದ ಔಷಧ. ಆದರೆ, ರಾಜ್ಯದಲ್ಲಿ ನಿರೀಕ್ಷಿತ ಪ್ರಮಾಣದಲ್ಲಿ ತಪಾಸಣೆ ಆಗುತ್ತಿಲ್ಲ. 7,500ಕ್ಕೂ ಹೆಚ್ಚು ತಪಾಸಣಾ ವರದಿ ಬಾಕಿ ಇವೆ. ಏ. 12 ನಂತರ ಸಂಗ್ರಹಿಸಿರುವ ಮಾದರಿಗಳ ಫಲಿತಾಂಶ ಪ್ರಕಟವಾದರೆ ಪ್ರಕರಣ
ಗಳ ಸಂಖ್ಯೆ 2–3 ಪಟ್ಟು ಹೆಚ್ಚುವ ಸಾಧ್ಯತೆಗಳಿವೆ’ ಎಂದೂ ಪಾಟೀಲ ಕಳವಳ ವ್ಯಕ್ತಪಡಿಸಿದ್ದಾರೆ.

‘ಕ್ಷಿಪ್ರಗತಿಯ ಪರೀಕ್ಷೆಯ ಕಿಟ್‌ಗಳು ರಾಜ್ಯಕ್ಕೆ ಪೂರೈಕೆ ಆಗಿಲ್ಲ. ಹೀಗಾಗಿ, ಇನ್ನೂ ಪರೀಕ್ಷೆ ಆರಂಭವಾಗಿಲ್ಲ’ ಎಂದ ಅವರು, ‘ಜಿಲ್ಲಾ ಕೇಂದ್ರಗಳಲ್ಲಿ ತಪಾಸಣಾ ಕೇಂದ್ರಗಳು ಕಾರ್ಯನಿರ್ವಹಿಸುವಂತೆ ಮಾಡಬೇಕು‘ ಎಂದೂ ಒತ್ತಾಯಿಸಿದರು.