ಚಿಕ್ಕಮಲ್ಕಿ, ದೊಡ್ಡಮಲ್ಕಿ, ಆಕಾಶಬರೆ ಸಮೀಪ ಬೆಂಕಿ ಆವರಿಸಿತ್ತು. ನಂತರ ಒಣ ಉದುರೆಲೆ, ಅಲ್ಲಲ್ಲಿ ಕಂಡುಬರುವ ಸೋಲಾ ಅರಣ್ಯ, ಬೆಟ್ಟದ ಅಕ್ಕಪಕ್ಕದ ಸವನ್ನಾ ಹುಲ್ಲುಗಾವಲು ಹಾಗೂ ಬನದ ತಳಭಾಗದಲ್ಲಿ ಕಂಡುಬರುವ ಉದುರೆಲೆ ಕಾನನದ ಸುತ್ತಮುತ್ತ ಹೊಗೆ ಆವರಿಸಿತ್ತು. ಅಡವಿಯ ತುಂಬ ಬೆಳೆದಿರುವ ಲಂಟಾನ ಸಹ ಬೆಂಕಿ ಅವಘಡ ತೀವ್ರವಾಗಲು ಕಾರಣವಾಗಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದರು. ಸಂಜೆ 5ರ ವೇಳೆಗೆ ಕಾಳ್ಗಿಚ್ಚು ನಿಯಂತ್ರಣಕ್ಕೆ ಬಂದಿದೆ ಎಂದು ಯಳಂದೂರು ವಲಯ ಅರಣ್ಯ ಅಧಿಕಾರಿ ಮಾಹಿತಿ ನೀಡಿದರು.