ಭಾನುವಾರ, ಡಿಸೆಂಬರ್ 8, 2019
20 °C

ಕೃಷ್ಣಾ ನದಿ ನಡುಗಡ್ಡೆಯಲ್ಲಿ ಸಿಲುಕಿದ್ದ 6 ಕುರಿಗಾಹಿಗಳು, 200 ಕುರಿ ರಕ್ಷಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರಾಯಚೂರು: ಜಿಲ್ಲೆಯ ದೇವದುರ್ಗ ತಾಲ್ಲೂಕು ಚಿಂಚೋಡಿ ಪಕ್ಕ ಕೃಷ್ಣಾ ನದಿಯ ನಡುಗಡ್ಡೆಯಲ್ಲಿ ಸಿಲುಕಿದ್ದ ಆರು ಮಂದಿ ಕುರಿಗಾಹಿಗಳು ಮತ್ತು 200 ಕುರಿಗಳನ್ನು ಗುರುವಾರ ಬೆಳಿಗ್ಗೆ ಅಗ್ನಿಶಾಮಕ ಸಿಬ್ಬಂದಿ ಮತ್ತು ಪೊಲೀಸರು ಬೋಟ್ ಮೂಲಕ ಸುರಕ್ಷಿತ ಸ್ಥಳಕ್ಕೆ ತಲುಪಿಸಿದ್ದಾರೆ.

ಬುಧವಾರ ಬೆಳಿಗ್ಗೆ ನದಿಯಲ್ಲಿ ನೀರು ತುಂಬಾ ಕಡಿಮೆ ಪ್ರಮಾಣದಲ್ಲಿ ಇದ್ದದರಿಂದ ಕುರಿಗಳೊಂದಿಗೆ 11 ಕುರಿಗಾಹಿಗಳು ನಡುಗಡ್ಡೆಗೆ ಹೋಗಿದ್ದರು. ಮಧ್ಯಾಹ್ನ ಇದ್ದಕ್ಕಿದ್ದಂತೆ ನಾರಾಯಣಪುರ ಜಲಾಶಯದಿಂದ 1.05 ಲಕ್ಷ ಕ್ಯುಸೆಕ್ ನೀರು ಹರಿಬಿಡಲಾಗಿತ್ತು. ಕುರಿಗಾಹಿಗಳು ನಡುಗಡ್ಡೆಯಲ್ಲಿರುವ ವಿಷಯ ಗ್ರಾನಸ್ಥರಿಗೆ ಸಂಜೆ ಗೊತ್ತಾಗಿತ್ತು. 

ಗ್ರಾಮಸ್ಥರು ತೆಪ್ಪ ಬಳಸಿ ಐದು ಮಂದಿಯನ್ನು ಕರೆ ತಂದಿದ್ದರು ಮತ್ತು ಇನ್ನುಳಿದ ಜನರಿಗೆ ಅಗತ್ಯ ಆಹಾರ ಪೂರೈಕೆ ಮಾಡಿದ್ದರು. ಸಂಜೆ ಸುದ್ದಿ ತಿಳಿದು ಸ್ಥಳಕ್ಕೆ ಬಂದಿದ್ದ ತಾಲ್ಲೂಕು ತಹಸೀಲ್ದಾರ್, ಎಲ್ಲರನ್ನು ವಾಪಸ್ ಕರೆತರುವ ವ್ಯವಸ್ಥೆ ಮಾಡಲಾಗುವುದು ಎಂದು ತಿಳಿಸಿ ಹೋಗಿದ್ದರು. ಗುರುವಾರ ಬೆಳಿಗ್ಗೆಯೇ ಕಾರ್ಯಾಚರಣೆ ನಡೆಸಲಾಯಿತು.

ಜನವಸತಿಯಿಲ್ಲದ ಈ ನಡುಗಡ್ಡೆ ಸುಮಾರು 300 ಎಕರೆ ವಿಸ್ತಾರವಾಗಿದ್ದು, ಕೃಷಿ ಜಮೀನುಗಳಿವೆ.
 

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು