Covid-19 World Update| ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 40 ಲಕ್ಷ ಸನಿಹಕ್ಕೆ

ಸದ್ಯ ಅಮೆರಿಕದಲ್ಲಿ 39,73,370 ಸೋಂಕಿತರಿದ್ದು, 1,43,446 ಮಂದಿ ಮೃತಪಟ್ಟಿದ್ದಾರೆ. ಬ್ರೆಜಿಲ್‌ನಲ್ಲಿ ಸೋಂಕಿತರ ಸಂಖ್ಯೆ 22,27,514 ಆಗಿದ್ದು, 82,771 ಮಂದಿ ಮೃತಪಟ್ಟಿದ್ದಾರೆ. ನಂತರದ ಸ್ಥಾನದಲ್ಲಿ ಭಾರತ ಇದ್ದು 12,38,798 ಸೋಂಕಿತರಾಗಿದ್ದಾರೆ. 29,861 ಮಂದಿ ಸಾವಿಗೀಡಿದ್ದಾರೆ.

ರಷ್ಯಾದಲ್ಲಿ 7,93,720 ಪ್ರಕರಣಗಳಿದೆ. ಕೊರೊನಾ ವೈರಸ್‌ನ ಹೊಸಾ ಹಾಟ್‌ಸ್ಪಾಟ್‌ ಎನಿಸಿಕೊಂಡಿರುವ ದಕ್ಷಿಣ ಆಫ್ರಿಕಾದಲ್ಲಿ ಸೋಂಕಿತರ ಸಂಖ್ಯೆ 4 ಲಕ್ಷ ಸನಿಹಕ್ಕೆ ಬಂದಿದೆ. ಅಲ್ಲಿ 3,94,948 ಸೋಂಕಿತರಿದ್ದಾರೆ. ದಕ್ಷಿಣ ಆಫ್ರಿಕಾದಲ್ಲಿ 5,940 ಮಂದಿ ಸಾವಿಗೀಡಾಗಿದ್ದಾರೆ.

ಕೊರೊನಾ ವೈರಸ್‌ನ ಮೂಲ ಎನಿಸಿಕೊಂಡಿರುವ ಚೀನಾದಲ್ಲಿ ಮಾತ್ರ ಇಂದು ಕೇವಲ 18 ಹೊಸ ಕೊರೊನಾ ವೈರಸ್‌ ಸೊಂಕು ಪ್ರಕರಣಗಳು ಪತ್ತೆಯಾಗಿವೆ. ನೆರೆಯ ಪಾಕಿಸ್ತಾನದಲ್ಲಿ ಗುರುವಾರ 1763 ಕೋವಿಡ್‌ ಪ್ರಕರಣಗಳು ವರದಿಯಾಗಿದ್ದು, ಸೋಂಕಿತರ ಸಂಖ್ಯೆ 269,191 ಗೆ ಏರಿದೆ. ಪಾಕಿಸ್ತಾನದ ಒಟ್ಟಾರೆ ಸಾವಿನ ಸಂಖ್ಯೆ 5,709.

ಕೆಲವೇ ದೇಶಗಳಲ್ಲಿ ತೀವ್ರ ಪ್ರಸರಣೆ

‘ಜಗತ್ತಿನ ಕೆಲವೇ ಕೆಲವು ರಾಷ್ಟ್ರಗಳಲ್ಲಿ ಮಾತ್ರ ಕೊರೊನಾ ವೈರಸ್‌ ಅತಿ ವೇಗವಾಗಿ ಪ್ರಸರಣೆಗೊಳ್ಳುತ್ತಿದೆ. ಜಗತ್ತಿನಲ್ಲಿ ಈ ವರೆಗೆ ವರದಿಯಾದ ಎಲ್ಲಾ ಪ್ರಕರಣಗಳ ಪೈಕಿ ಅರ್ಧದಷ್ಟು ಕೇವಲ ಮೂರು ದೇಶಗಳಿಂದ ಬಂದವಾಗಿವೆ,’ ಎಂದು ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಟೆಡ್ರೊಸ್ ಅದಾನೊಮ್ ಗೆಬ್ರೆಯೆಸಸ್ ಗುರುವಾರ ಹೇಳಿದ್ದಾರೆ.