ಈಗಷ್ಟೇ ಟೆಲಿಗ್ರಾಂ ವಿಡಿಯೊ ಕರೆ ಅವಕಾಶ ನೀಡಿದ್ದು, ಮುಂದಿನ ದಿನಗಳಲ್ಲಿ ಗ್ರೂಪ್ ವಿಡಿಯೊ ಕಾಲಿಂಗ್ ಆಯ್ಕೆಯನ್ನೂ ಪರಿಚಯಿಸುವುದಾಗಿ ಹೇಳಿಕೊಂಡಿದೆ. ಪ್ರಸ್ತುತ ವಿಡಿಯೊ ಕರೆ ಮಾಡುತ್ತಲೇ ಚಾಟ್ ಮಾಡುವುದು, ಇತರೆ ಆ್ಯಪ್ಗಳ ನೋಟಿಫಿಕೇಷನ್ ಗಮನಿಸುವುದನ್ನು ಅಡಚಣೆ ಇಲ್ಲದೆ ನಡೆಸಬಹುದು. ವಿಡಿಯೊ ಕರೆಗಳೂ ಎಂಡ್–ಟು–ಎಂಡ್ ಎನ್ಕ್ರಿಪ್ಷನ್ಗೆ ಒಳಪಟ್ಟಿರುತ್ತವೆ ಎಂದು ಟೆಲಿಗ್ರಾಂ ತನ್ನ ಬ್ಲಾಗ್ನಲ್ಲಿ ವಿವರಿಸಿದೆ. ಸ್ಕ್ರೀನ್ ಮೇಲೆ ಕಾಣುವ ನಾಲ್ಕು ಎಮೋಜಿಗಳು ಹೊಂದಿಕೆಯಾಗುವುದನ್ನು ಗಮನಿಸುವ ಮೂಲಕ ವಿಡಿಯೊ ಕರೆ ಎನ್ಕ್ರಿಪ್ಟ್ ಆಗಿದೆ ಅಥವಾ ಇಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಬಹುದಾಗಿದೆ.