<p>ಕ್ಲೌಡ್ ಕಂಪ್ಯೂಟಿಂಗ್ ಹೆಚ್ಚಾದಂತೆಲ್ಲಾ ಡೇಟಾ ಎಂಬುದು ಡಿವೈಸ್ಗಳಿಂದ ಕ್ಲೌಡ್ಗೆ ವರ್ಗಾವಣೆಗೊಳ್ಳುವುದು ಹೆಚ್ಚಾಗುತ್ತಿದೆ. ಕ್ಲೌಡ್ ಕಂಪ್ಯೂಟಿಂಗ್ ಎಂದರೆ ಏನೆಂದು ಗೊತ್ತಿಲ್ಲದವರೂ ಕೂಡ ಅದನ್ನು ಬಳಸುತ್ತಿರುತ್ತಾರೆ! ನೀವು ಯಾವುದೇ ಇಮೇಲ್ ಐಡಿ ಹೊಂದಿದ್ದೀರಿ ಎಂದಾದರೆ ನೀವು ಕ್ಲೌಡ್ ಕಂಪ್ಯೂಟಿಂಗ್ ಬಳಕೆದಾರರು ಎಂದೇ ಅರ್ಥ.<br /> <br /> ನಿಮ್ಮ ಮೊಬೈಲ್, ಟ್ಯಾಬ್ನಲ್ಲಿ ಆಟೊ ಸಿಂಕ್ ಸೆಟ್ಟಿಂಗ್ ಮಾಡಿದ್ದರೆ ಅಲ್ಲಿನ ಡೇಟಾ ಕ್ಲೌಡ್ನಲ್ಲಿ ಸೇವ್ ಆಗುತ್ತಿರುತ್ತದೆ. ನಿಮ್ಮ ಡಿವೈಸ್ನಲ್ಲಿರುವ ಫೋಟೊಗಳು ನೀವು ಬಳಸುವ ಇಮೇಲ್ಗೆ ಹೊಂದಿಕೊಂಡಿರುವ ಡ್ರೈವ್ನಲ್ಲಿ ಸೇವ್ ಆಗುತ್ತಿರುತ್ತವೆ.</p>.<p>ನೀವು ಕಳಿಸುವ ಹಾಗೂ ನಿಮ್ಮ ಇನ್ಬಾಕ್ಸ್ಗೆ ಬರುವ ಇಮೇಲ್ಗಳು ಕೂಡ ಕ್ಲೌಡ್ನಲ್ಲಿರುತ್ತವೆ. ಎಲ್ಲಿಯವರೆಗೂ ನೀವು ಈ ಡೇಟಾ ಡಿಲೀಟ್ ಮಾಡುವುದಿಲ್ಲವೋ ಅಲ್ಲಿಯವರೆಗೂ ಅವು ಆಯಾ ಸೇವಾದಾರರ ಸರ್ವರ್ನಲ್ಲಿ ಸುರಕ್ಷಿತವಾಗಿರುತ್ತವೆ.<br /> <br /> ಜಿಮೇಲ್, ಗೂಗಲ್ ಡ್ರೈವ್, ಗೂಗಲ್ ಫೋಟೊಸ್ ಸೇರಿದಂತೆ ಗೂಗಲ್ ಸದ್ಯ 15 ಜಿಬಿ ಉಚಿತ ಸ್ಟೋರೇಜ್ ನೀಡುತ್ತಿದೆ. ಗೂಗಲ್ ಅಕೌಂಟ್ ಹೊಂದಿರುವ ಎಲ್ಲರೂ ಗೂಗಲ್ ಡ್ರೈವ್ ಬಳಕೆ ಮಾಡಬಹುದು. ಯಾಹೂ ಗೂಗಲ್ಗಿಂತ ಸ್ವಲ್ಪ ಹೆಚ್ಚೇ ಉದಾರವಾಗಿ 1 ಟಿಬಿ (1000 ಜಿಬಿ) ಸ್ಟೋರೇಜ್ ಉಚಿತವಾಗಿ ನೀಡುತ್ತಿದೆ. ಈ ಕ್ಲೌಡ್ ಸ್ಟೋರೇಜ್ನಲ್ಲಿ ನೀವು ನಿಮ್ಮ ಅತಿಮುಖ್ಯ ಡೇಟಾ ಸೇವ್ ಮಾಡಿಕೊಳ್ಳಬಹುದು. ಆದರೆ ನಿಜವಾದ ಸಮಸ್ಯೆ ಇರುವುದು ಈ ಡ್ರೈವ್ ಸ್ಟೋರೇಜ್ ನಿರ್ವಹಣೆ ಮಾಡುವುದರಲ್ಲಿ.<br /> <br /> ಪ್ರತಿದಿನ ಇನ್ಬಾಕ್ಸ್ಗೆ ಬಂದು ಬೀಳುವ ನೂರಾರು ಇಮೇಲ್ಗಳು, ನಿಮ್ಮ ಡಿವೈಸ್ನಿಂದ ಆಟೊ ಸಿಂಕ್ ಆಗುತ್ತಿರುವ ಫೋಟೊಗಳು, ನೀವು ಡ್ರೈವ್ಗೆ ಅಪ್ಲೋಡ್ ಮಾಡಿದ ಡೇಟಾ ಇವೆಲ್ಲಾ ದಿನ ಕಳೆದಂತೆ ಸ್ಟೋರೇಜ್ನಲ್ಲಿ ರಾಶಿಯಾಗುತ್ತಾ ಹೋಗುತ್ತಿರುತ್ತವೆ. ಈ ರಾಶಿಯನ್ನು ಸರಿಯಾಗಿ ನಿರ್ವಹಣೆ ಮಾಡದೇ ಇದ್ದರೆ ಮುಂದೊಂದು ದಿನ ಈ ಸ್ಟೋರೇಜ್ನಲ್ಲಿ ಇರುವ ಡೇಟಾ ಹುಡುಕುವುದೇ ದೊಡ್ಡ ತಲೆನೋವಾಗಿ ಕಾಡಬಹುದು.<br /> <br /> ಸ್ಟೋರೇಜ್ ನಿರ್ವಹಣೆಗಾಗಿ ಮೊದಲು ನಿಮ್ಮ ಇಮೇಲ್ ಅಕೌಂಟ್ ನಿರ್ವಹಣೆ ಸರಿಯಾಗಿ ಮಾಡಿ. ಪ್ರತಿನಿತ್ಯ ಬರುವ ಮೇಲ್ಗಳಲ್ಲಿ ಅತಿ ಮುಖ್ಯವಾದುವನ್ನು ಉಳಿಸಿಕೊಂಡು ಉಳಿದೆಲ್ಲಾ ಮೇಲ್ಗಳನ್ನು ಡಿಲೀಟ್ ಮಾಡಿ. ಪ್ರೊಮೋಷನ್, ಅಪ್ಡೇಟ್ಸ್ ಮೇಲ್ಗಳನ್ನು ಅಂದಂದೇ ನೋಡಿ ಖಾಲಿ ಮಾಡಿ.<br /> <br /> ಡ್ರೈವ್ನಲ್ಲಿ ವರ್ಷ ಮತ್ತು ಅದರೊಳಗೆ ತಿಂಗಳಿನ ಫೋಲ್ಡರ್ಗಳನ್ನು ಕ್ರಿಯೇಟ್ ಮಾಡಿ. ಅಲ್ಲಿ ಆಯಾ ಡೇಟಾ ಸೇವ್ ಮಾಡುತ್ತಾ ಬನ್ನಿ. ಡ್ರೈವ್ನಲ್ಲಿ ಆಟೊ ಸಿಂಕ್ ಆಗಿ ಸೇವ್ ಆಗಿರುವ ಫೋಟೊಗಳಲ್ಲಿ ನಿಮಗೆ ಯಾವ್ಯಾವ ಫೋಟೊಗಳು ಬೇಡವೋ ಅವನ್ನೆಲ್ಲಾ ಡಿಲೀಟ್ ಮಾಡಿ.<br /> <br /> ಡ್ರೈವ್ನಲ್ಲಿರುವ ಅನಗತ್ಯ ಡಾಕ್ಯುಮೆಂಟ್ ಫೈಲ್ಗಳು, ಬೇಕಿಲ್ಲದ ಆಡಿಯೊ, ವಿಡಿಯೊ ಫೈಲ್ಗಳನ್ನೆಲ್ಲಾ ಡಿಲೀಟ್ ಮಾಡಿ. ಹೀಗೆ ಮಾಡುವುದರಿಂದ ನಿಮ್ಮ ಡ್ರೈವ್ ಸ್ಟೋರೇಜ್ ನಿರ್ವಹಣೆ ಸುಲಭವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕ್ಲೌಡ್ ಕಂಪ್ಯೂಟಿಂಗ್ ಹೆಚ್ಚಾದಂತೆಲ್ಲಾ ಡೇಟಾ ಎಂಬುದು ಡಿವೈಸ್ಗಳಿಂದ ಕ್ಲೌಡ್ಗೆ ವರ್ಗಾವಣೆಗೊಳ್ಳುವುದು ಹೆಚ್ಚಾಗುತ್ತಿದೆ. ಕ್ಲೌಡ್ ಕಂಪ್ಯೂಟಿಂಗ್ ಎಂದರೆ ಏನೆಂದು ಗೊತ್ತಿಲ್ಲದವರೂ ಕೂಡ ಅದನ್ನು ಬಳಸುತ್ತಿರುತ್ತಾರೆ! ನೀವು ಯಾವುದೇ ಇಮೇಲ್ ಐಡಿ ಹೊಂದಿದ್ದೀರಿ ಎಂದಾದರೆ ನೀವು ಕ್ಲೌಡ್ ಕಂಪ್ಯೂಟಿಂಗ್ ಬಳಕೆದಾರರು ಎಂದೇ ಅರ್ಥ.<br /> <br /> ನಿಮ್ಮ ಮೊಬೈಲ್, ಟ್ಯಾಬ್ನಲ್ಲಿ ಆಟೊ ಸಿಂಕ್ ಸೆಟ್ಟಿಂಗ್ ಮಾಡಿದ್ದರೆ ಅಲ್ಲಿನ ಡೇಟಾ ಕ್ಲೌಡ್ನಲ್ಲಿ ಸೇವ್ ಆಗುತ್ತಿರುತ್ತದೆ. ನಿಮ್ಮ ಡಿವೈಸ್ನಲ್ಲಿರುವ ಫೋಟೊಗಳು ನೀವು ಬಳಸುವ ಇಮೇಲ್ಗೆ ಹೊಂದಿಕೊಂಡಿರುವ ಡ್ರೈವ್ನಲ್ಲಿ ಸೇವ್ ಆಗುತ್ತಿರುತ್ತವೆ.</p>.<p>ನೀವು ಕಳಿಸುವ ಹಾಗೂ ನಿಮ್ಮ ಇನ್ಬಾಕ್ಸ್ಗೆ ಬರುವ ಇಮೇಲ್ಗಳು ಕೂಡ ಕ್ಲೌಡ್ನಲ್ಲಿರುತ್ತವೆ. ಎಲ್ಲಿಯವರೆಗೂ ನೀವು ಈ ಡೇಟಾ ಡಿಲೀಟ್ ಮಾಡುವುದಿಲ್ಲವೋ ಅಲ್ಲಿಯವರೆಗೂ ಅವು ಆಯಾ ಸೇವಾದಾರರ ಸರ್ವರ್ನಲ್ಲಿ ಸುರಕ್ಷಿತವಾಗಿರುತ್ತವೆ.<br /> <br /> ಜಿಮೇಲ್, ಗೂಗಲ್ ಡ್ರೈವ್, ಗೂಗಲ್ ಫೋಟೊಸ್ ಸೇರಿದಂತೆ ಗೂಗಲ್ ಸದ್ಯ 15 ಜಿಬಿ ಉಚಿತ ಸ್ಟೋರೇಜ್ ನೀಡುತ್ತಿದೆ. ಗೂಗಲ್ ಅಕೌಂಟ್ ಹೊಂದಿರುವ ಎಲ್ಲರೂ ಗೂಗಲ್ ಡ್ರೈವ್ ಬಳಕೆ ಮಾಡಬಹುದು. ಯಾಹೂ ಗೂಗಲ್ಗಿಂತ ಸ್ವಲ್ಪ ಹೆಚ್ಚೇ ಉದಾರವಾಗಿ 1 ಟಿಬಿ (1000 ಜಿಬಿ) ಸ್ಟೋರೇಜ್ ಉಚಿತವಾಗಿ ನೀಡುತ್ತಿದೆ. ಈ ಕ್ಲೌಡ್ ಸ್ಟೋರೇಜ್ನಲ್ಲಿ ನೀವು ನಿಮ್ಮ ಅತಿಮುಖ್ಯ ಡೇಟಾ ಸೇವ್ ಮಾಡಿಕೊಳ್ಳಬಹುದು. ಆದರೆ ನಿಜವಾದ ಸಮಸ್ಯೆ ಇರುವುದು ಈ ಡ್ರೈವ್ ಸ್ಟೋರೇಜ್ ನಿರ್ವಹಣೆ ಮಾಡುವುದರಲ್ಲಿ.<br /> <br /> ಪ್ರತಿದಿನ ಇನ್ಬಾಕ್ಸ್ಗೆ ಬಂದು ಬೀಳುವ ನೂರಾರು ಇಮೇಲ್ಗಳು, ನಿಮ್ಮ ಡಿವೈಸ್ನಿಂದ ಆಟೊ ಸಿಂಕ್ ಆಗುತ್ತಿರುವ ಫೋಟೊಗಳು, ನೀವು ಡ್ರೈವ್ಗೆ ಅಪ್ಲೋಡ್ ಮಾಡಿದ ಡೇಟಾ ಇವೆಲ್ಲಾ ದಿನ ಕಳೆದಂತೆ ಸ್ಟೋರೇಜ್ನಲ್ಲಿ ರಾಶಿಯಾಗುತ್ತಾ ಹೋಗುತ್ತಿರುತ್ತವೆ. ಈ ರಾಶಿಯನ್ನು ಸರಿಯಾಗಿ ನಿರ್ವಹಣೆ ಮಾಡದೇ ಇದ್ದರೆ ಮುಂದೊಂದು ದಿನ ಈ ಸ್ಟೋರೇಜ್ನಲ್ಲಿ ಇರುವ ಡೇಟಾ ಹುಡುಕುವುದೇ ದೊಡ್ಡ ತಲೆನೋವಾಗಿ ಕಾಡಬಹುದು.<br /> <br /> ಸ್ಟೋರೇಜ್ ನಿರ್ವಹಣೆಗಾಗಿ ಮೊದಲು ನಿಮ್ಮ ಇಮೇಲ್ ಅಕೌಂಟ್ ನಿರ್ವಹಣೆ ಸರಿಯಾಗಿ ಮಾಡಿ. ಪ್ರತಿನಿತ್ಯ ಬರುವ ಮೇಲ್ಗಳಲ್ಲಿ ಅತಿ ಮುಖ್ಯವಾದುವನ್ನು ಉಳಿಸಿಕೊಂಡು ಉಳಿದೆಲ್ಲಾ ಮೇಲ್ಗಳನ್ನು ಡಿಲೀಟ್ ಮಾಡಿ. ಪ್ರೊಮೋಷನ್, ಅಪ್ಡೇಟ್ಸ್ ಮೇಲ್ಗಳನ್ನು ಅಂದಂದೇ ನೋಡಿ ಖಾಲಿ ಮಾಡಿ.<br /> <br /> ಡ್ರೈವ್ನಲ್ಲಿ ವರ್ಷ ಮತ್ತು ಅದರೊಳಗೆ ತಿಂಗಳಿನ ಫೋಲ್ಡರ್ಗಳನ್ನು ಕ್ರಿಯೇಟ್ ಮಾಡಿ. ಅಲ್ಲಿ ಆಯಾ ಡೇಟಾ ಸೇವ್ ಮಾಡುತ್ತಾ ಬನ್ನಿ. ಡ್ರೈವ್ನಲ್ಲಿ ಆಟೊ ಸಿಂಕ್ ಆಗಿ ಸೇವ್ ಆಗಿರುವ ಫೋಟೊಗಳಲ್ಲಿ ನಿಮಗೆ ಯಾವ್ಯಾವ ಫೋಟೊಗಳು ಬೇಡವೋ ಅವನ್ನೆಲ್ಲಾ ಡಿಲೀಟ್ ಮಾಡಿ.<br /> <br /> ಡ್ರೈವ್ನಲ್ಲಿರುವ ಅನಗತ್ಯ ಡಾಕ್ಯುಮೆಂಟ್ ಫೈಲ್ಗಳು, ಬೇಕಿಲ್ಲದ ಆಡಿಯೊ, ವಿಡಿಯೊ ಫೈಲ್ಗಳನ್ನೆಲ್ಲಾ ಡಿಲೀಟ್ ಮಾಡಿ. ಹೀಗೆ ಮಾಡುವುದರಿಂದ ನಿಮ್ಮ ಡ್ರೈವ್ ಸ್ಟೋರೇಜ್ ನಿರ್ವಹಣೆ ಸುಲಭವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
