ವಿಶ್ವಸಂಸ್ಥೆಯ ಅಮೆರಿಕದ ಮಾಜಿ ರಾಯಭಾರಿ ನಿಕ್ಕಿ ಹಾಲೆ, ಇಲ್ಲಿ ನಡೆಯುತ್ತಿರುವರಿಪಬ್ಲಿಕನ್ ನ್ಯಾಷನಲ್ ಕನ್ವೆನ್ಷನ್ನಲ್ಲಿ ಮಾತನಾಡಿ, ’ಡೆಮಾಕ್ರಟಿಕ್ ಪಕ್ಷದ ಬೈಡನ್ –ಕಮಲಾ ಜೋಡಿ, ಜಗತ್ತಿನ ಹಲವೆಡೆ ಈಗಾಗಲೇ ಸೋಲು ಅನುಭವಿಸಿರುವ ಸಮಾಜವಾದ ಸಿದ್ಧಾಂತವನ್ನು ಪ್ರತಿಪಾದಿಸುತ್ತಿದ್ದಾರೆ. ಈ ಜೋಡಿಯ ಪ್ರತಿಪಾದಿಸುವ ಸಿದ್ಧಾಂತ ಇರಾನ್, ಐಎಸ್ ಹಾಗೂ ಚೀನಾದಂತಹ ಕಮ್ಯೂನಿಸ್ಟ್ ರಾಷ್ಟ್ರಗಳಿಗೆ ಹೊಂದಬಹುದು’ ಎಂದು ಕುಟುಕಿದ್ದಾರೆ. ಆದರೆ, ಡೊನಾಲ್ಡ್ ಟ್ರಂಪ್ ಚೀನಾದ ವಿರುದ್ಧ ಕಠಿಣನಿಲುವು ತಳೆದಿದ್ದಾರೆ. ಐಎಸ್ ಉಗ್ರಗಾಮಿ ಚಟುವಟಿಕೆಗಳನ್ನು ಹತ್ತಿಕ್ಕಲು ಕಠಿಣ ಕ್ರಮಗಳನ್ನು ತಗೆದುಕೊಂಡಿದ್ದಾರೆ’ ಎಂದು ಹೇಳಿದ್ದಾರೆ.