ವಾಷಿಂಗ್ಟನ್: ಕೋವಿಡ್–19 ಪಿಡುಗಿನ ವಿರುದ್ಧ ಹೋರಾಡುತ್ತಿರುವ ಭಾರತಕ್ಕೆ ₹ 740 ಕೋಟಿ ಮೌಲ್ಯದ (100 ದಶಲಕ್ಷ ಡಾಲರ್) ಪರಿಹಾರ ಸಾಮಗ್ರಿಗಳನ್ನು ಕಳುಹಿಸಲಾಗುವುದು. ಈ ಪೈಕಿ ಪರಿಹಾರ ಸಾಮಗ್ರಿಗಳನ್ನು ಹೊತ್ತ ಮೊದಲ ವಿಮಾನ ಭಾರತದತ್ತ ಪ್ರಯಾಣ ಬೆಳಸಿದೆ ಎಂದು ಶ್ವೇತಭವನ ತಿಳಿಸಿದೆ.
ವಿಶ್ವದ ಬೃಹತ್ ಯುದ್ಧವಿಮಾನವು ಟ್ರಾವಿಸ್ ವಾಯುನೆಲೆಯಿಂದ ಪ್ರಯಾಣ ಆರಂಭಿಸಿದೆ ಎಂದು ಯುಎಸ್ ಏಜೆನ್ಸಿ ಫಾರ್ ಇಂಟರ್ನ್ಯಾಷನಲ್ ಡೆವಲೆಪ್ಮೆಂಟ್ ಹೇಳಿದೆ.
ಈ ಪರಿಹಾರ ಸಾಮಗ್ರಿಗಳನ್ನು ಕ್ಯಾಲಿಫೋರ್ನಿಯಾ ರಾಜ್ಯ ನೀಡಿದೆ. 440 ಆಮ್ಲಜನಕ ಸಿಲಿಂಡರ್ಗಳು, ನಿಯಂತ್ರಕಗಳು, 9,60,000 ರ್ಯಾಪಿಡ್ ಡಯಾಗ್ನೊಸ್ಟಿಕ್ ಟೆಸ್ಟ್ ಕಿಟ್ಗಳು, 1 ಲಕ್ಷ ಎನ್–95 ಮಾಸ್ಕ್ಗಳನ್ನು ಈ ಮೊದಲ ವಿಮಾನ ಹೊತ್ತೊಯ್ದಿದೆ ಎಂದು ಸಂಸ್ಥೆ ತಿಳಿಸಿದೆ.
‘ಬರುವ ದಿನಗಳಲ್ಲಿ ಆಕ್ಸಿಜನ್ ಜನರೇಶನ್ ಯುನಿಟ್ (ಪಿಎಸ್ಎ ಸಿಸ್ಟಂಸ್), 1.5 ಕೋಟಿ ಎನ್–95 ಮಾಸ್ಕ್ಗಳು ಸೇರಿದಂತೆ ಇತರ ಸಾಮಗ್ರಿಗಳನ್ನು ಭಾರತಕ್ಕೆ ನೀಡಲಾಗುತ್ತದೆ’ ಎಂದೂ ಶ್ವೇತಭವನ ಪ್ರಕಟಣೆ ತಿಳಿಸಿದೆ.