ಭಾನುವಾರ, ಮಾರ್ಚ್ 7, 2021
27 °C

ಸಂಘಟನೆಯಿಂದ ಅಭಿವೃದ್ಧಿ ಸಾಧ್ಯ: ತಂಗಡಗಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸಂಘಟನೆಯಿಂದ ಅಭಿವೃದ್ಧಿ ಸಾಧ್ಯ: ತಂಗಡಗಿ

ಜೇವರ್ಗಿ: ಸಂಘಟಿತ ಹೋರಾಟದಿಂದ ಸಮಾಜದ ಸರ್ವಾಂಗೀಣ ಅಭಿವೃದ್ಧಿ ಸಾಧ್ಯ. ಆ ನಿಟ್ಟಿನಲ್ಲಿ ಸಮಾಜದ ಬಾಂಧವರು ಪಟ್ಟಣದಲ್ಲಿ ಶಿವಯೋಗಿ ಸಿದ್ಧರಾಮೇಶ್ವರರ ಜಯಂತ್ಯುತ್ಸವ ಕಾರ್ಯಕ್ರಮ ಆಯೋಜಿಸಿರುವುದು ಶ್ಲಾಘನೀಯ’ ಎಂದು ಸಣ್ಣ ನೀರಾವರಿ ಸಚಿವ ಶಿವರಾಜ್‌ ತಂಗಡಗಿ ಹೇಳಿದರು.



ಅವರು ಶನಿವಾರ ಪಟ್ಟಣದ ಹಳೆ ತಹಶೀಲ್ದಾರ್‌ ಕಚೇರಿ ಆವರಣದಲ್ಲಿ ತಾಲ್ಲೂಕು ಭೋವಿ (ವಡ್ಡರ್‌) ಸಮಾ­ಜದ ವತಿಯಿಂದ ಆಯೋಜಿಸಿದ್ದ ಶ್ರೀ ಶಿವಯೋಗಿ ಸಿದ್ಧರಾಮೇಶ್ವರರ 841­ನೇ ಜಯಂತ್ಯುತ್ಸವ ಹಾಗೂ ತಾಲ್ಲೂಕು ಭೋವಿ ವಡ್ಡರ್‌ ಸಮಾ­ಜದ ಬೃಹತ್‌ ಜನಜಾಗೃತಿ ಸಮಾ­ವೇಶವನ್ನು ಉದ್ಘಾ­ಟಿಸಿ ಮಾತನಾ­ಡಿದರು.



’ರಾಜ್ಯಾದ್ಯಂತ್‌ ಭೋವಿ ಸಮಾ­ಜದ ಸಂಘಟನೆ ಕಾರ್ಯ ಆರಂಭ­ವಾಗಿದೆ. ರಾಜ್ಯದ ಪ್ರತಿ ಜಿಲ್ಲೆ ಹಾಗೂ ಪ್ರತಿ ತಾಲ್ಲೂಕು ಕೇಂದ್ರಗಳಲ್ಲಿ ಸಮಾಜದ ಬಾಂಧವರು ಇಂಥಹ ಸಮಾವೇಶ­ವನ್ನು ಆಯೋಜಿಸಿ ಜನ­ಜಾಗೃತಿ ಮೂಡಿ­ಸಬೇಕು. ಸಮಾಜ­ವನ್ನು ಗುರು-­ತಿಸಿದ್ದರಿಂದಲೇ ನನಗೆ ರಾಜ್ಯ ಸರ್ಕಾ­ರದಲ್ಲಿ ಸಚಿವ ಸ್ಥಾನ ದೊರಕಿದೆ’ ಎಂದ ಅವರು, ’ರಾಜ್ಯ ಸರ್ಕಾರ ಭೋವಿ ಸಮಾಜದ ಅಭಿ­ವೃದ್ಧಿಗೆ ಪ್ರತಿ ತಾಲ್ಲೂ­ಕಿಗೆ ₨25ಲಕ್ಷ ಅನು­­ದಾನ ಬಿಡುಗಡೆ ಮಾಡಿದೆ’ ಎಂದರು.



ಅಧ್ಯಕ್ಷತೆ ವಹಿಸಿದ್ದ ಶಾಸಕ ಅಜ­ಯಸಿಂಗ್‌, ಪಟ್ಟಣದಲ್ಲಿ ನಿರ್ಮಿ­­­­ಸಲು ಉದ್ದೇಶಿಸಿರುವ ಭೋವಿ ಸಮಾಜದ ಸಮುದಾಯ ಭವನಕ್ಕೆ ಶಾಸಕರ ಪ್ರದೇಶಾಭಿವೃದ್ಧಿ ನಿಧಿಯಿಂದ 10ಲಕ್ಷ ಅನುದಾನ ಬಿಡುಗಡೆ ಮಾಡುವೆ’ ಎಂದು ತಿಳಿಸಿದರು. ಬಾಗ­ಲ­­ಕೋಟೆ ಹಾಗೂ ಚಿತ್ರ­ದುರ್ಗದ ಭೋವಿ­ ಗುರುಪೀಠದ ಸಿದ್ಧ­ರಾಮೇಶ್ವರ ಸ್ವಾಮೀ­ಜಿ, ಸೊನ್ನದ ಶಿವಾ­­­­­­ನಂದ ಸ್ವಾಮೀಜಿ, ಚಿಗರಳ್ಳಿಯ ಸಿದ್ಧ­ಬಸವ ಕಬೀ­ರ್‌ ಸ್ವಾಮೀಜಿ ಸಾನಿಧ್ಯ ವಹಿಸಿದ್ದರು

ಶಾಸಕ ಮಾನಪ್ಪ ವಜ್ಜಲ್‌ ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ್‌ ನರಿಬೋಳ, ಜಿಡಿಸಿಸಿ ಬ್ಯಾಂಕ್‌ ನಿರ್ದೇಶಕ ಕೇದಾರಲಿಂಗಯ್ಯ ಹಿರೇಮಠ, ಸಮಾಜದ ಜಿಲ್ಲಾಧ್ಯಕ್ಷ ಸುಭಾಷ ಪವಾರ, ಮಲ್ಲಿಕಾರ್ಜುನ ಕುಸ್ತಿ, ಸೋಮಯ್ಯ ಗುತ್ತೇದಾರ್‌, ರಾಜ­­­­­ಶೇಖರ ಸೀರಿ, ಶಿವರಾಜ್‌ ಪಾಟೀ­ಲ್‌, ಶಾಂತಗೌಡ ದುಮ್ಮದ್ರಿ, ಖಾಸಿಂ­­ಪಟೇಲ್‌ ಮುದವಾಳ ಅತಿಥಿಗಳಾಗಿ ದ್ದರು. ಪ್ರಾಧ್ಯಾಪಕಿ ಭಾಗ್ಯಮ್ಮ ವೈಷ್ಣವಿ, ತಾಲ್ಲೂಕು ಕಸಾಪ ಅಧ್ಯಕ್ಷ ಶಿವಕವಿ ಹಿರೇಮಠ ಜೋಗೂರ ಉಪನ್ಯಾಸ ನೀಡಿದರು.



ಭೋವಿ ಸಮಾಜದ ಜಿಲ್ಲಾ ಉಪಾ­ಧ್ಯಕ್ಷ ರಾಜು ವ್ಹಿ.ಗುತ್ತೇದಾರ್‌ ಭೋವಿ ಸಮಾಜದ ತಾಲ್ಲೂಕು ಅಧ್ಯಕ್ಷ ಶಿವ­ಕುಮಾರ ಗುತ್ತೇದಾರ್‌, ಸೋಮಯ್ಯ ಗುತ್ತೇದಾರ್‌, ನಾಗಪ್ಪ ಅರಳಗುಂಡಗಿ, ತಿಮ್ಮಯ್ಯ ಮಂಜುಳಕರ್‌, ಹಣಮಂತ ಬಿಳವಾರ, ಭೀಮಯ್ಯ ಗುತ್ತೇದಾರ್‌,  ಭೋವಿ ಸಮಾಜದ ಬಾಂಧವರು, ಮಹಿಳೆಯರು ಪಾಲ್ಗೊಂಡಿದ್ದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.