ಯೋಗದಿಂದ ರೋಗಮುಕ್ತ ಸಮಾಜ

ಗುರುವಾರ , ಮೇ 23, 2019
28 °C

ಫಲಿತಾಂಶ (ಮುನ್ನಡೆ+ಗೆಲುವು) 0/542LIVE

ಯೋಗದಿಂದ ರೋಗಮುಕ್ತ ಸಮಾಜ

Published:
Updated:

ಆಳಂದ: ನಮ್ಮ ಸಂಸ್ಕೃತಿಯಲ್ಲಿ ಸದೃಢ ಆರೋಗ್ಯಕ್ಕೆ ಬಹುಮಹತ್ವವಿದೆ. ಇಂದು ಹಲವು ದುಶ್ಚಟಗಳಿಂದ ಯುವಕರಲ್ಲಿ ಆರೋಗ್ಯ ಪೂರ್ಣವಾದ ವ್ಯಕ್ತಿತ್ವದ ಕೊರತೆ ಕಾಣುತ್ತಿದೆ. ಪತಂಜಲಿ ಯೋಗ ಶಿಬಿರದಿಂದ ರೋಗ ಮುಕ್ತ ಸಮಾಜ ನಿರ್ಮಾಣ ಮಾಡುವ ಸಂಕಲ್ಪ ಹೊಂದಲಾಗಿದೆ ಎಂದು ಜಿಲ್ಲಾ ಪತಂಜಲಿ ಯೋಗ ಸಮಿತಿಯ ಅಧ್ಯಕ್ಷ ಶಿವಾನಂದ ಸಾಲಿಮಠ ತಿಳಿಸಿದರು.



ಪಟ್ಟಣದ ಏಕಾಂತರಾಮಯ್ಯ ಮಂದಿರದಲ್ಲಿ ಶನಿವಾರ ಪತಂಜಲಿ ಯೋಗ ಸಮಿತಿ ತಾಲ್ಲೂಕು ಘಟಕದ ಆಶ್ರಯದಲ್ಲಿ ಯೋಗ ಕುರಿತು ಮಾಹಿತಿಯನ್ನು ನೀಡುತ್ತ ಮಾತನಾಡುತ್ತಿದ್ದರು.



ಪ್ರತಿ ಗ್ರಾಮಗಳಿಗೂ ಯೋಗದ ಅರಿವು ಮೂಡಿಸಬೇಕಾಗಿದೆ. ಯೋಗದಿಂದ ಆರೋಗ್ಯ, ಮಾನಸಿಕ ನೆಮ್ಮದಿ ಮತ್ತು ಆರ್ಥಿಕ ಸಬಲತೆಯನ್ನು ಸಾಧಿಸಬಹುದು ಎಂದು ಸಾಲಿಮಠ ಅಭಿಪ್ರಾಯಪಟ್ಟರು.



ಯೋಗ ಶಿಬಿರದ ಪ್ರಾದೇಶಿಕ ವಕ್ತಾರ ಹರಿಶರಣಜೀ ಹರಿದ್ವಾರ ಮಾತನಾಡಿ ಸದೃಡ ಯುವಜನಾಂಗದ ನಿರ್ಮಾಣಕ್ಕೆ ಕಂಕಣಬದ್ಧರಾಗಿರುವ ಗುರುರಾಮದೇವ ಬಾಬಾ ಅವರ ನೇತೃತ್ವದಲ್ಲಿ ಕಾರ್ಯಕ್ರಮಗಳನ್ನು ದೇಶಾದ್ಯಂತ ಆಯೋಜಿಸಲಾಗುತ್ತಿದೆ. ಭ್ರಷ್ಟಾಚಾರ ಮುಕ್ತ ಮತ್ತು ಸ್ವಾಸ್ಥಯುಕ್ತ ಸಮಾಜ ಸೃಷ್ಠಿ ಇದರ ಉದ್ದೇಶವಾಗಿದೆ.

 

ರೋಗಕ್ಕಿಂತ ಮೊದಲು ಯೋಗ ಮಾಡಿ ಹಾಗೂ ವಿದೇಶಿಯರು ಕೂಡ ಯೋಗಕ್ಕೆ ಮಾರುಹೋಗುತ್ತಿದ್ದಾರೆ. ಭವಿಷ್ಯದಲ್ಲಿ ಯೋಗ ಜಗತ್ತಿನ ಉತ್ತಮ ಆರೋಗ್ಯದ ಸಾಧನವಾಗಲಿದೆ ಎಂದರು.



ಜಿಲ್ಲಾ ಪತಂಜಲಿ ಯೋಗ ಸಮಿತಿಯ ಕಾರ್ಯದರ್ಶಿ ಶರಣು ಹೀರಾ, ತಾಲ್ಲೂಕು ಸಮಿತಿ ಅಧ್ಯಕ್ಷ ಬಾಬುರಾವ ಮಡ್ಡೆ ಮಾತನಾಡಿದರು. ಪ್ರಮುಖರಾದ ಶ್ರೀಮಂತರಾವ ಪಾಟೀಲ್, ಸಂಘಟಕ ಪ್ರಭಾಕರ ಸಲಗರೆ, ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷ ವಿಶ್ವನಾಥ್ ಭಕರೆ, ಚುಸಾಪ ಅಧ್ಯಕ್ಷ ಗುರುರಾಜ ಮಾಲಿಪಾಟೀಲ್, ರಾಜೇಂದ್ರ ಮೀಸ್ಕಿನ್, ಮಲ್ಲಿನಾಥ ತುಕಾಣೆ, ಅಪ್ಪಾಸಾಹೇಬ ತೀರ್ಥೆ, ಎಲ್‌ಎಸ್ ಬೀದಿ, ಮಹಾಂತೇಶ ಸೋಮಾ, ಸಂಜಯ ಮೋರೆ ಸೇರಿದಂತೆ ಮಹಿಳೆಯರು ಮತ್ತು ಹಿರಿಯರು ಪಾಲ್ಗೊಂಡಿದರು.



ಗುರುಲಿಂಗಯ್ಯ ಅಳ್ಳೋಳ್ಳಿಮಠ ನಿರೂಪಿಸಿದರು. ಯೋಗ ಶಿಬಿರದ ಅಂಗವಾಗಿ ಅಕ್ಟೋಬರ್ 8ರಿಂದ 1 ವಾರಗಳ ಕಾಲ ಸ್ಥಳೀಯ ಆರ್ಯ ಸಮಾಜದಲ್ಲಿ ಉಚಿತ ಯೋಗ ಶಿಬಿರ ಆಯೋಜಿಸಲಾಗಿದೆ. ಆಸಕ್ತರು ತಾಲ್ಲೂಕು ಅಧ್ಯಕ್ಷ ಬಾಬುರಾವ ಮಡ್ಡೆ 9449619036  ಸಂಪರ್ಕಿಸಬಹುದು ಎಂದು ಸಂಘಟಕರು ಕೋರಿದ್ದಾರೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry