ಪ್ರಶಸ್ತಿಗೆ ಆಹ್ವಾನ| ನೇಚರ್ ಇನ್‍ಫೋಕಸ್ ಸಿನಿಮಾ ಪ್ರಶಸ್ತಿ

ನೇಚರ್ ಇನ್‍ಫೋಕಸ್ ವನ್ಯಜೀವಿ ಸಿನಿಮಾ ಪ್ರಶಸ್ತಿಗೆ ವೃತ್ತಿಪರ ಹಾಗೂ ಉದಯೋನ್ಮುಖ ಚಿತ್ರ ನಿರ್ಮಾಪಕರಿಬ್ಬರಿಂದಲೂ ಪ್ರವೇಶ ಆಹ್ವಾನಿಸಲಾಗಿದೆ. ಈ ಎರಡೂ ವಿಭಾಗದಲ್ಲಿ ನೇಚರ್ ಹಿಸ್ಟರಿ ಹಾಗೂ ಕನ್ಸರ್ವೇಷನ್ ಎಂಬ ಇನ್ನೆರಡು ಉಪ ವಿಭಾಗಗಳಿವೆ.

ಉದಯೋನ್ಮುಖ ಚಿತ್ರ ನಿರ್ಮಾಪಕರು ನೇಚರ್ ಹಿಸ್ಟರಿ ವಿಭಾಗದಲ್ಲಿ ಒಂದು ಪ್ರಾಣಿಯ, ಸಸ್ಯದ ಅಥವಾ ಆವಾಸ ಸ್ಥಾನದ ಕತೆಯನ್ನು 5 ನಿಮಿಷಗಳಲ್ಲಿ ಹೇಳಬೇಕು. ಅಥವಾ ಕನ್ಸರ್ವೇಷನ್ ವಿಭಾಗದಲ್ಲಿ ಸ್ಪರ್ಧೆಗೆ ಪಾಲ್ಗೊಳ್ಳುವವರು ಪ್ರಕೃತಿ ಸಂರಕ್ಷಣೆಗೆ ಸಂಬಂಧಿಸಿದ 5 ನಿಮಿಷದೊಳಗಿನ ಕಿರುಚಿತ್ರ ಸಲ್ಲಿಸಬೇಕು. ಮೊಬೈಲ್ ಮೊಮೆಂಟ್ಸ್ ಎಂಬ ಇನ್ನೊಂದು ವಿಭಾಗದಲ್ಲೂ ಸ್ಪರ್ಧಿಗಳು ಭಾಗವಹಿಸಬಹುದಾಗಿದ್ದು, ಅದರಲ್ಲಿ ಮೊಬೈಲ್‍ನಲ್ಲಿ ಸೆರೆಹಿಡಿಯಲಾದ ಪ್ರಾಣಿಯೊಂದರ ನಡವಳಿಕೆಯ ಎಡಿಟೆಡ್ ಅಥವಾ ಅನ್‍ಎಡಿಟೆಡ್ ವಿಡಿಯೋ ಕ್ಲಿಪ್‍ಗಳನ್ನು ಸಲ್ಲಿಕೆ ಮಾಡಬಹುದು. http://awards.natureinfocus.in/ ಮೂಲಕ ಮಾತ್ರ ಸ್ಪರ್ಧಿಗಳು ತಮ್ಮ ಪ್ರವೇಶಗಳನ್ನು ಸಲ್ಲಿಕೆ ಮಾಡಬೇಕು.

ಉದಯೋನ್ಮುಖ ಪ್ರತಿಭೆ ಮತ್ತು ವೃತ್ತಿಪರ ವಿಭಾಗದಲ್ಲಿ ವಿಜೇತರಿಗೆ ಪ್ರತ್ಯೇಕವಾಗಿ ₹50 ಸಾವಿರ, ನಗದು, ಮೊಬೈಲ್ ಮೊಮೆಂಟ್ ವಿಭಾಗದಲ್ಲಿ ವಿಜೇತರಿಗೆ ₹10ಸಾವಿರ ನಗದು ಬಹುಮಾನವಿದೆ. ಹೆಚ್ಚಿನ ಮಾಹಿತಿಗೆ ಇಮೇಲ್: contests@natureinfocus.in