ಉತ್ತರ ಪತ್ರಿಕೆ ಕೊಡತಾ ಇದ್ದರು
ಲೆಕ್ಕದ ಮೇಷ್ಟ್ರು ಇವತ್ತು
ಮುಖ ಗಂಟಿಕ್ಕಿತ್ತು!
ಕಣ್ಣಲ್ಲೀಟಿ!
ಬೆತ್ತವು ಮೇಜಲ್ಲಿತ್ತು!
ಎಲ್ಲರ ಕತ್ತು ನೆಲ ನೋಡ್ತಿತ್ತು
ಇನ್ನೇನ್... ಸ್ಫೋಟದ ಹೊತ್ತು!
ಆ ಹೊತ್ತಲ್ಲೇ ಕಾಣಿಸ್ತು ಅದು
ಎಲ್ಲರ ಕಣ್ಣಿಗು ಬಿತ್ತು!
ಹಾಳೆಗಳನ್ನ ದಾರದ ಜೊತೆಗೆ
ಎಡಬದಿ ತೂತಿನ ಒಳಗೆ
ಕಟ್ಟಿದ್ನಲ್ಲಾ?
ಆ ತೂತಲ್ಲೇ
ಆರಡಿ ಉದ್ದದ ಕೂದಲು! ಅರರೇ!
ಸೇರ್ಕೊಂಡಿದ್ದು ಹೇಗೆ?
ಮೆಲ್ಲಗೆ ಅರಳಿತು ಮೇಷ್ಟ್ರ ಮೊಗದಲಿ
ಎಂದೂ ಇಣುಕದ ನಗುವು!
ಮುಖ–ಮುಖ ನೋಡಿ ನಾವೂ ನಕ್ಕೆವು
ಹೇಗೋ ಧೈರ್ಯವ ಮಾಡಿ!
