<p>ವಿಶ್ವದ ಅತಿ ಬುದ್ಧಿವಂತರು ಯಾರು? ಇಲ್ಲಿಯವರೆಗೂ ಈ ಪ್ರಶ್ನೆಗೆ ಇದ್ದ ಉತ್ತರ ವಿಜ್ಞಾನಿಗಳಾದ ಆಲ್ಬರ್ಟ್ ಐನ್ಸ್ಟೀನ್ ಹಾಗೂ ಸ್ಟೀಫನ್ ಹಾಕಿಂಗ್ಸ್. ಆದರೆ ಇವರನ್ನೂ ಮೀರಿಸಿದ ಬುದ್ದಿವಂತರೊಬ್ಬರು ಜಗತ್ತಿನಲ್ಲಿದ್ದಾರೆ ಎನ್ನುತ್ತಿದೆ ಇತ್ತೀಚೆಗೆ ನಡೆದ ಪ್ರತಿಷ್ಠಿತ ಮೆನ್ಸಾ ಬುದ್ಧಿಮತ್ತೆ ಪರೀಕ್ಷೆ. ಆ ಬುದ್ಧಿವಂತೆಯ ವಯಸ್ಸು ಕೇವಲ ಹನ್ನೆರಡು ವರ್ಷ. ಹೆಸರು ಒಲಿವಿಯಾ, ಬ್ರಿಟನ್ ವಿದ್ಯಾರ್ಥಿನಿ.<br /> <br /> ಮೆನ್ಸಾ ನಡೆಸಿದ ಪರೀಕ್ಷೆಯಲ್ಲಿ ಈಕೆ ಗಳಿಸಿದ ಗುಣಾಂಕ 162. ಅಂದರೆ ಐನ್ಸ್ಟೀನ್ ಅವರಿಗಿಂತ ಎರಡು ಅಂಕ ಹೆಚ್ಚು! ಈ ಮೂಲಕ ಜಗತ್ತಿನ ಶೇಕಡಾ ಒಂದರಷ್ಟು ಬುದ್ಧಿವಂತರಲ್ಲಿ ಮೊದಲ ಸ್ಥಾನ ಈಕೆಯ ಪಾಲಾಗಿದೆ.<br /> <br /> ಕೇವಲ ಮಾತಿನಲ್ಲಿ ಕೇಳಿಯೇ ಮ್ಯಾಕ್ಬೆತ್ ಸಾಲುಗಳನ್ನು ಪುನರುಚ್ಛರಿಸುವ ಶಕ್ತಿ ಈಕೆಗಿದೆ. ಹೋಂವರ್ಕ್ ಮಾಡಿಕೊಡಲು ಸಹಪಾಠಿಗಳು ಈಕೆಯ ದುಂಬಾಲು ಬೀಳುತ್ತಾರಂತೆ. ಕಾರಣ ಇವಳ ಹೋಂವರ್ಕ್ ಅಷ್ಟು ಅಚ್ಚುಕಟ್ಟು. <br /> <br /> ಮೆನ್ಸಾದಿಂದ ಪರೀಕ್ಷಾ ಫಲಿತಾಂಶ ಹೊರಬೀಳುತ್ತಿದ್ದಂತೆ ಶಾಲೆಯ ಗಣ್ಯವ್ಯಕ್ತಿಯಾಗಿ ಬಿಟ್ಟಿದ್ದಾಳೆ ಒಲಿವಿಯಾ ಎಂದು ಡೈಲಿ ಮೇಲ್ ವರದಿ ಮಾಡಿದೆ. ಫಲಿತಾಂಶ ನೋಡಿ ಮೂಕಳಾದೆ ಎಂದು ಪ್ರತಿಕ್ರಿಯಿದ್ದಾಳೆ ವಿಶ್ವದ ನಂಬರ್ ಒನ್ ಬುದ್ಧಿವಂತ ಹುಡುಗಿ. <br /> ಏನಿದು ಮೆನ್ಸಾ?<br /> <br /> ತೀಕ್ಷಣ ಬುದ್ಧಿಮತ್ತೆ ಪರೀಕ್ಷಿಸಲೆಂದೇ ಹುಟ್ಟಿಕೊಂಡಿರುವ ಅತಿ ಹಳೆಯ ಹಾಗೂ ಪ್ರಭಾವಿ ಐಕ್ಯೂ ಸಂಶೋಧನಾ ಸಂಸ್ಥೆ ಮೆನ್ಸಾ (MENSA). ಇದರ ಮೂಲ ಬ್ರಿಟನ್. ಮಾನವನ ಬುದ್ಧಿಮತ್ತೆಯನ್ನು ಮನುಕುಲದ ಒಳಿತಿಗಾಗಿ ಬಳಕೆ ಮಾಡುವುದೇ ಇದರ ಪ್ರಮುಖ ಗುರಿಯಂತೆ.<br /> <br /> ಆಸ್ಟ್ರೇಲಿಯಾದ ಬ್ಯಾರಿಸ್ಟರ್ ರೊನಾಲ್ಡ್ ಬೆರಿಲ್ ಹಾಗೂ ಬ್ರಿಟನ್ ಮೂಲದ ವಿಜ್ಞಾನಿ ಡಾ. ಲ್ಯಾನ್ಕ್ಲಾಟ್ ವೇರ್ 1946ಲ್ಲಿ ಈ ಸಂಸ್ಥೆಯನ್ನು ಸ್ಥಾಪಿಸಿದರು. ಜನ್ಮಸ್ಥಳ ಇಂಗ್ಲೆಂಡ್ನ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯ. ನಂತರ ಭಾರತ, ಅಮೆರಿಕ, ಕೆನಡಾ ಸೇರಿದಂತೆ ವಿಶ್ವದ ವಿವಿಧೆಡೆ ಶಾಖಾ ಕಚೇರಿಗಳು ಆರಂಭವಾಗಿವೆ. ಒಂದು ಲಕ್ಷಕ್ಕೂ ಅಧಿಕ ಮಂದಿ ಸಂಸ್ಥೆಯ ಸದಸ್ಯರು. <br /> <br /> ನೀವೂ ಸದಸ್ಯತ್ವ ಪಡೆಯಬೇಕೆ ಹಾಗಿದ್ದರೆ ಅದು ನಡೆಸುವ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು. ಹೆಚ್ಚು ಬುದ್ದಿಮತ್ತೆ ಇರುವ ಸದಸ್ಯರು ಇದರ ಸದಸ್ಯರಾಗಲು ಅರ್ಹರು. ಈ ಸದಸ್ಯರಿಗೆ ಬೌದ್ಧಿಕ ಹಾಗೂ ಸಾಮಾಜಿಕ ಅವಕಾಶ ಸಿಗುವಂತೆ ಮಾಡುವುದು ಆ ಮೂಲಕ ಮನುಕುಲದ ಏಳಿಗೆಗೆ ಅವರನ್ನು ದುಡಿಸುವುದು ಅದರ ಕರ್ತವ್ಯ. <br /> <br /> ಒಮ್ಮೆ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಸಿಗುವ ಅವಕಾಶಗಳು ಅಸಂಖ್ಯ. ಜತೆಗೆ ತಮ್ಮ ಆಸಕ್ತಿಯ ಕ್ಷೇತ್ರದಲ್ಲಿ ತೊಡಗಿಕೊಳ್ಳಬಹುದು. <br /> <br /> ಎಂಜಿನಿಯರ್, ವೈದ್ಯರು, ಪ್ರಾಧ್ಯಾಪಕರು ಮಾತ್ರವಲ್ಲದೆ ಟ್ರಕ್ ಚಾಲಕರು, ಕಲಾವಿದರು, ಪೊಲೀಸ್ ಅಧಿಕಾರಿಗಳು, ಸೈನಿಕರು, ರೈತರು ಕೂಡ ಇದರ ಸದಸ್ಯರು. <br /> ಅಂದಹಾಗೆ ಬೆಂಗಳೂರಿನಲ್ಲಿ ಕೂಡ ಮೆನ್ಸಾ ಅಸ್ತಿತ್ವದಲ್ಲಿದೆ. ನಾಡಿನ ಬುದ್ಧಿವಂತರು ಕೂಡ ಮೆನ್ಸಾ ಸದಸ್ಯರಾಗಬಹುದು. ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಬಹುದಾದ ವೆಬ್ಸೈಟ್: <a href="http://www.mensabangalore.org/">www.mensabangalore.org/</a> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಿಶ್ವದ ಅತಿ ಬುದ್ಧಿವಂತರು ಯಾರು? ಇಲ್ಲಿಯವರೆಗೂ ಈ ಪ್ರಶ್ನೆಗೆ ಇದ್ದ ಉತ್ತರ ವಿಜ್ಞಾನಿಗಳಾದ ಆಲ್ಬರ್ಟ್ ಐನ್ಸ್ಟೀನ್ ಹಾಗೂ ಸ್ಟೀಫನ್ ಹಾಕಿಂಗ್ಸ್. ಆದರೆ ಇವರನ್ನೂ ಮೀರಿಸಿದ ಬುದ್ದಿವಂತರೊಬ್ಬರು ಜಗತ್ತಿನಲ್ಲಿದ್ದಾರೆ ಎನ್ನುತ್ತಿದೆ ಇತ್ತೀಚೆಗೆ ನಡೆದ ಪ್ರತಿಷ್ಠಿತ ಮೆನ್ಸಾ ಬುದ್ಧಿಮತ್ತೆ ಪರೀಕ್ಷೆ. ಆ ಬುದ್ಧಿವಂತೆಯ ವಯಸ್ಸು ಕೇವಲ ಹನ್ನೆರಡು ವರ್ಷ. ಹೆಸರು ಒಲಿವಿಯಾ, ಬ್ರಿಟನ್ ವಿದ್ಯಾರ್ಥಿನಿ.<br /> <br /> ಮೆನ್ಸಾ ನಡೆಸಿದ ಪರೀಕ್ಷೆಯಲ್ಲಿ ಈಕೆ ಗಳಿಸಿದ ಗುಣಾಂಕ 162. ಅಂದರೆ ಐನ್ಸ್ಟೀನ್ ಅವರಿಗಿಂತ ಎರಡು ಅಂಕ ಹೆಚ್ಚು! ಈ ಮೂಲಕ ಜಗತ್ತಿನ ಶೇಕಡಾ ಒಂದರಷ್ಟು ಬುದ್ಧಿವಂತರಲ್ಲಿ ಮೊದಲ ಸ್ಥಾನ ಈಕೆಯ ಪಾಲಾಗಿದೆ.<br /> <br /> ಕೇವಲ ಮಾತಿನಲ್ಲಿ ಕೇಳಿಯೇ ಮ್ಯಾಕ್ಬೆತ್ ಸಾಲುಗಳನ್ನು ಪುನರುಚ್ಛರಿಸುವ ಶಕ್ತಿ ಈಕೆಗಿದೆ. ಹೋಂವರ್ಕ್ ಮಾಡಿಕೊಡಲು ಸಹಪಾಠಿಗಳು ಈಕೆಯ ದುಂಬಾಲು ಬೀಳುತ್ತಾರಂತೆ. ಕಾರಣ ಇವಳ ಹೋಂವರ್ಕ್ ಅಷ್ಟು ಅಚ್ಚುಕಟ್ಟು. <br /> <br /> ಮೆನ್ಸಾದಿಂದ ಪರೀಕ್ಷಾ ಫಲಿತಾಂಶ ಹೊರಬೀಳುತ್ತಿದ್ದಂತೆ ಶಾಲೆಯ ಗಣ್ಯವ್ಯಕ್ತಿಯಾಗಿ ಬಿಟ್ಟಿದ್ದಾಳೆ ಒಲಿವಿಯಾ ಎಂದು ಡೈಲಿ ಮೇಲ್ ವರದಿ ಮಾಡಿದೆ. ಫಲಿತಾಂಶ ನೋಡಿ ಮೂಕಳಾದೆ ಎಂದು ಪ್ರತಿಕ್ರಿಯಿದ್ದಾಳೆ ವಿಶ್ವದ ನಂಬರ್ ಒನ್ ಬುದ್ಧಿವಂತ ಹುಡುಗಿ. <br /> ಏನಿದು ಮೆನ್ಸಾ?<br /> <br /> ತೀಕ್ಷಣ ಬುದ್ಧಿಮತ್ತೆ ಪರೀಕ್ಷಿಸಲೆಂದೇ ಹುಟ್ಟಿಕೊಂಡಿರುವ ಅತಿ ಹಳೆಯ ಹಾಗೂ ಪ್ರಭಾವಿ ಐಕ್ಯೂ ಸಂಶೋಧನಾ ಸಂಸ್ಥೆ ಮೆನ್ಸಾ (MENSA). ಇದರ ಮೂಲ ಬ್ರಿಟನ್. ಮಾನವನ ಬುದ್ಧಿಮತ್ತೆಯನ್ನು ಮನುಕುಲದ ಒಳಿತಿಗಾಗಿ ಬಳಕೆ ಮಾಡುವುದೇ ಇದರ ಪ್ರಮುಖ ಗುರಿಯಂತೆ.<br /> <br /> ಆಸ್ಟ್ರೇಲಿಯಾದ ಬ್ಯಾರಿಸ್ಟರ್ ರೊನಾಲ್ಡ್ ಬೆರಿಲ್ ಹಾಗೂ ಬ್ರಿಟನ್ ಮೂಲದ ವಿಜ್ಞಾನಿ ಡಾ. ಲ್ಯಾನ್ಕ್ಲಾಟ್ ವೇರ್ 1946ಲ್ಲಿ ಈ ಸಂಸ್ಥೆಯನ್ನು ಸ್ಥಾಪಿಸಿದರು. ಜನ್ಮಸ್ಥಳ ಇಂಗ್ಲೆಂಡ್ನ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯ. ನಂತರ ಭಾರತ, ಅಮೆರಿಕ, ಕೆನಡಾ ಸೇರಿದಂತೆ ವಿಶ್ವದ ವಿವಿಧೆಡೆ ಶಾಖಾ ಕಚೇರಿಗಳು ಆರಂಭವಾಗಿವೆ. ಒಂದು ಲಕ್ಷಕ್ಕೂ ಅಧಿಕ ಮಂದಿ ಸಂಸ್ಥೆಯ ಸದಸ್ಯರು. <br /> <br /> ನೀವೂ ಸದಸ್ಯತ್ವ ಪಡೆಯಬೇಕೆ ಹಾಗಿದ್ದರೆ ಅದು ನಡೆಸುವ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು. ಹೆಚ್ಚು ಬುದ್ದಿಮತ್ತೆ ಇರುವ ಸದಸ್ಯರು ಇದರ ಸದಸ್ಯರಾಗಲು ಅರ್ಹರು. ಈ ಸದಸ್ಯರಿಗೆ ಬೌದ್ಧಿಕ ಹಾಗೂ ಸಾಮಾಜಿಕ ಅವಕಾಶ ಸಿಗುವಂತೆ ಮಾಡುವುದು ಆ ಮೂಲಕ ಮನುಕುಲದ ಏಳಿಗೆಗೆ ಅವರನ್ನು ದುಡಿಸುವುದು ಅದರ ಕರ್ತವ್ಯ. <br /> <br /> ಒಮ್ಮೆ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ ಸಿಗುವ ಅವಕಾಶಗಳು ಅಸಂಖ್ಯ. ಜತೆಗೆ ತಮ್ಮ ಆಸಕ್ತಿಯ ಕ್ಷೇತ್ರದಲ್ಲಿ ತೊಡಗಿಕೊಳ್ಳಬಹುದು. <br /> <br /> ಎಂಜಿನಿಯರ್, ವೈದ್ಯರು, ಪ್ರಾಧ್ಯಾಪಕರು ಮಾತ್ರವಲ್ಲದೆ ಟ್ರಕ್ ಚಾಲಕರು, ಕಲಾವಿದರು, ಪೊಲೀಸ್ ಅಧಿಕಾರಿಗಳು, ಸೈನಿಕರು, ರೈತರು ಕೂಡ ಇದರ ಸದಸ್ಯರು. <br /> ಅಂದಹಾಗೆ ಬೆಂಗಳೂರಿನಲ್ಲಿ ಕೂಡ ಮೆನ್ಸಾ ಅಸ್ತಿತ್ವದಲ್ಲಿದೆ. ನಾಡಿನ ಬುದ್ಧಿವಂತರು ಕೂಡ ಮೆನ್ಸಾ ಸದಸ್ಯರಾಗಬಹುದು. ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಬಹುದಾದ ವೆಬ್ಸೈಟ್: <a href="http://www.mensabangalore.org/">www.mensabangalore.org/</a> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
