ಯೂತ್ ವಿಶ್ವಕಪ್: ಪಾಕಿಸ್ತಾನವನ್ನು ಸೋಲಿಸಿ ಸೆಮಿಫೈನಲ್ ತಲುಪಿದ ಭಾರತ

ಬುಲವಾಯೊ : ಆಲ್ರೌಂಡರ್ ಕನಿಷ್ಕ್ ಚೌಹಾಣ್ ಅವರ ಅಮೋಘ ಆಟದ ಹಾಗೂ ವೇದಾಂತ್ ತ್ರಿವೇದಿ ಅರ್ಧಶತಕದ ಬಲದಿಂದ ಭಾರತ 19 ವರ್ಷದೊಳಗಿನವರ ತಂಡವು ಐಸಿಸಿ ಯೂತ್ ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ಎದುರು ಜಯಿಸಿತು. ಇದರೊಂದಿಗೆ ಭಾರತದ ಯುವಪಡೆ ಸೆಮಿಫೈನಲ್ಗೆ ಲಗ್ಗೆ ಇಟ್ಟಿತು.

. ಭಾನುವಾರ ಇಲ್ಲಿ ನಡೆದ ಸೂಪರ್ ಸಿಕ್ಸ್ ಪಂದ್ಯದಲ್ಲಿ ಭಾರತ ತಂಡವು 58 ರನ್ಗಳಿಂದ ಭರ್ಜರಿ ಗೆಲುವು ಸಾಧಿಸಿತು. ಸೆಮಿಫೈನಲ್ನಲ್ಲಿ ಆಯುಷ್ ಮ್ಹಾತ್ರೆ ನಾಯಕತ್ವದ ಭಾರತ ತಂಡವು ಅಫ್ಗಾನಿಸ್ತಾನ ಎದುರು ಕಣಕ್ಕಿಳಿಯಲಿದೆ.

. ಕನಿಷ್ಕ್ ಅವರು 29 ಎಸೆತಗಳಲ್ಲಿ 35 ರನ್ ಗಳಿಸಿದರು. ಅಲ್ಲದೇ ಎಂಟನೇ ವಿಕೆಟ್ ಜೊತೆಯಟದಲ್ಲಿ ಖಿಲಾನ್ ಪಟೇಲ್ (ಅಜೇಯ 21, 15ಎ) ಅವರೊಂದಿಗೆ 50 ರನ್ ಸೇರಿಸಿದರು. ಇದರಿಂದಾಗಿ ತಂಡವು 49.5 ಓವರ್ಗಳಲ್ಲಿ 252 ರನ್ ಗಳಿಸಿತು.

. ಪಾಕ್ ತಂಡವು ಸೆಮಿಫೈನಲ್ ಪ್ರವೇಶಿಸಲು ತನ್ನ ರನ್ರೇಟ್ ಕೂಡ ಉತ್ತಮಪಡಿಸಿಕೊಳ್ಳಬೇಕಾಗಿತ್ತು. ಅದಕ್ಕಾಗಿ 253 ರನ್ ಗುರಿಯನ್ನು 33.3 ಓವರ್ಗಳಲ್ಲಿ ಸಾಧಿಸಬೇಕಿತ್ತು. ಆದರೆ ತಂಡದ ಬ್ಯಾಟರ್ಗಳು ಅದಕ್ಕೆ ತಕ್ಕಂತೆ ಆಡಲಿಲ್ಲ. ಇದರಿಂದಾಗಿ ಪಾಕ್ ತಂಡವು 33.3 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 167 ರನ್ ಗಳಿಸಿತು.

. ಕನಿಷ್ಕ್ ಬೌಲಿಂಗ್ನಲ್ಲಿಯೂ ಮಿಂಚಿದರು. 10 ಓವರ್ಗಳಲ್ಲಿ ಕೇವಲ 10 ರನ್ ಕೊಟ್ಟು 1 ವಿಕೆಟ್ ಕೂಡ ಗಳಿಸಿದರು. 40 ಡಾಟ್ಬಾಲ್ಗಳನ್ನು ಹಾಕಿದರು.

. ಕಳೆದ ಯೂತ್ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಿಯ ಫೈನಲ್ನಲ್ಲಿ ಪಾಕ್ ತಂಡದ ಎದುರು ಭಾರತ ತಂಡ ಸೋತಿತ್ತು. ಇಲ್ಲಿ ಆಯುಷ್ ಬಳಗವು ಮುಯ್ಯಿ ತೀರಿಸಿಕೊಂಡಿತು.

. ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡದ ಆರಂಭಿಕ ಆಟಗಾರ ವೈಭವ್ ಸೂರ್ಯವಂಶಿ (30; 22ಎ) ತಮ್ಮ ಆಕ್ರಮಣಕಾರಿ ಶೈಲಿಯಲ್ಲಿ ಬ್ಯಾಟ್ ಬೀಸಿದರು. ಆದರೆ ಎಡಗೈ ವೇಗಿ ಮೊಹಮ್ಮದ್ ಸಯ್ಯಾಮ್ (69ಕ್ಕೆ2) ಬೌಲಿಂಗ್ನಲ್ಲಿ ಪುಲ್ ಹೊಡೆತ ಪ್ರಯೋಗಿಸಿ ಔಟಾದರು.

. ನಾಯಕ ಆಯುಷ್ ವೈಫಲ್ಯ ಮುಂದುವರಿಯಿತು. ಅವರು ಇಲ್ಲಿಯೂ ಮೊದಲ ಎಸೆತದಲ್ಲಿಯೇ ಔಟಾದರು. ಇದರಿಂದಾಗಿ 47ಕ್ಕೆ3 ವಿಕೆಟ್ ಕಳೆದುಕೊಂಡ ಸಂಕಷ್ಟಕ್ಕೊಳಗಾಯಿತು.

. ಈ ಹಂತದಲ್ಲಿ ವೇದಾಂತ್ ತ್ರಿವೇದಿ (68 ರನ್) ಅರ್ಧಶತಕ ಗಳಿಸಿದರು.

. ಸಂಕ್ಷಿಪ್ತ ಸ್ಕೋರು

ಭಾರತ: 49.5 ಓವರ್ಗಳಲ್ಲಿ 252 (ವೈಭವ್ ಸೂರ್ಯವಂಶಿ 30, ವೇದಾಂತ್ ತ್ರಿವೇದಿ 68, ಅಂಬರೀಶ್ 29, ಕನಿಷ್ಕ ಚೌಹಾಣ್ 35, ಖಿಲಾನ್ ಪಟೇಲ್ 21, ಮೊಹಮ್ಮದ್ ಸಯ್ಯದ್ 69ಕ್ಕೆ2, ಅಬ್ದುಲ್ ಸುಬಾನ್ 33ಕ್ಕೆ3)

ಪಾಕಿಸ್ತಾನ : 46.2 ಓವರ್ಗಳಲ್ಲಿ 194 (ಹಮ್ಜಾ ಝಹೂರ್ 42, ಉಸ್ಮಾನ್ ಖಾನ್ 66, ಫರ್ಹಾನ್ ಯೂಸುಫ್ 38, ಖಿಲಾನ್ ಪಟೇಲ್ 35ಕ್ಕೆ3, ಆಯುಷ್ ಮ್ಹಾತ್ರೆ 21ಕ್ಕೆ3)

ಫಲಿತಾಂಶ : ಭಾರತ ಯುವಪಡೆಗೆ 58 ರನ್ ಜಯ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೂತ್ ವಿಶ್ವಕಪ್: ಪಾಕಿಸ್ತಾನವನ್ನು ಸೋಲಿಸಿ ಸೆಮಿಫೈನಲ್ ತಲುಪಿದ ಭಾರತ

ಚಿನಕುರುಳಿ ಕಾರ್ಟೂನು: ಭಾನುವಾರ, 01 ಫೆಬ್ರವರಿ 2026

ಗುಂಡಣ್ಣ: 2026ರ ಫೆಬ್ರುವರಿ 1, ಭಾನುವಾರ

Union Budget 2026: ಆರ್ಥಿಕ ಬೆಳವಣಿಗೆ, ಕುಟುಂಬ ಆದಾಯದ ಹೆಚ್ಚಳವೇ ನಿರ್ಮಲಾ ಆಯವ್ಯಯದ ಸೂತ್ರ

ವಾರ ಭವಿಷ್ಯ: ವೃತ್ತಿಯ ಸ್ಥಳದಲ್ಲಿ ಹೊಸ ಸ್ಥಾನ ಸಿಗುವ ಸಾಧ್ಯತೆಯಿದೆ

ಚೆಸ್‌: ಪ್ರಶಸ್ತಿ ಸನಿಹದಲ್ಲಿ ನಾದಿರ್ಬೆಕ್