ಅಕ್ಕ–ತಂಗಿ ಇಬ್ಬರು
ಒಬ್ಬರು ಬಿಟ್ಟು ಒಬ್ಬರು ಇರೊಲ್ಲ
ಒಬ್ಬರ ಮನೆಗೆ ಒಬ್ಬರು ಹೋಗೊಲ್ಲ
ಜಗವು ಕಾಣಲು ಇವರೆ ಮುಖ್ಯ
ಹೇಳಲು ಬಹುಮಾನದ ಸಖ್ಯ. -(ಉತ್ತರ: ಕಣ್ಣು)
ನನಗಿರುವುದು ಹಳದಿ ಬಣ್ಣ
ಅಡಿಗೆಗೂ ನನ್ನ ಬಳಸುವರಲ್ಲ
ರಕ್ತ–ಶುದ್ಧಿಗೂ ನಾ ಕಾರಣ
ಗಾಯಕೂ ನನ್ನ ಲೇಪಿಸುವರಲ್ಲ
ಈಗ ನನ್ನ ಹೆಸರು ಹೇಳಬೇಕಲ್ಲ -(ಉತ್ತರ: ಅರಿಶಿಣ)
ಅಕ್ಕ–ತಂಗಿ ಕೂಡಿಯೇ ಇರ್ತಾರೆ
ಅಕ್ಕನ ಮನೆಗೆ ತಂಗಿ ಬರತಾಳೆ
ತಂಗಿ ಮನೆಗೆ ಅಕ್ಕ ಹೋಗಲ್ಲ
ಇವರಿಬ್ಬರೂ ಅಳತೆಗೆ ಸೇರುವರಲ್ಲ
ಯಾರೆಂದು ಹೇಳಿದರೆ ನೀವು ಜಾಣರು. -(ಉತ್ತರ: ಸೇರು–ಪಾವು)
ನನ್ನ ಎದುರು ನಿಲ್ಲಲು
ನಿನ್ನನ್ನೇ ನೀ ಕಾಣುತ್ತೀ
ಎಲ್ಲರೂ ನನ್ನ ಬಳಿ ಬರುವವರೆ
ತಮ್ಮನ್ನು ತಾವು ನೋಡುವವರೆ
ನಾನು ಯಾರೆಂದು ತಾವು ಹೇಳಬಲ್ಲಿರ? -(ಉತ್ತರ: ಕನ್ನಡಿ)
ಉದ್ದಕೂ ನಾನು ಬಿದ್ದಿರುವೆ
ಊರಿಂದೂರಿಗೆ ಮುಟ್ಟಿಸುವೆ
ನನ್ನ ಮೇಲೆ ಓಡಾಡುವಿರಿ
ತಗ್ಗು–ದಿನ್ನೆ ಆದರೆ ಕಿರಿಕಿರಿ
ಒಗಟ–ಬಿಡಿಸಲು ನೀ ಜಾಣಮರಿ -(ಉತ್ತರ: ರಸ್ತೆ)
