ಕಾಗೆ ಕೋಗಿಲೆ

ಕಾಗೆ ಗೂಡನರಸಿ ಬಂತು
ಕಪ್ಪು ಕಪ್ಪು ಕೋಗಿಲೆ
ಇಲ್ಲೆ ಅಲ್ಲೇ ಸುಳಿಯುತ್ತಿತ್ತು
ಅನುದಿನವೂ ಕೋಗಿಲೆ

ಚುಕ್ಕೆ ಬಿಳಿಯನಿಟ್ಟುಕೊಂಡು
ಅದುರುತ್ತಿತ್ತು ಎಲೆ ಎಲೆ
ಎಲೆಯದಲ್ಲ ಬಣ್ಣ ಅದುವು
ಅರೆ! ಹೆಣ್ಣು ಕೋಗಿಲೆ
ಬಿಸಿಯ ಊಟ ರೆಡಿಯು ಆಗಿ
ಢಣಾ ಢಣಾ ಗಂಟೆಯಾಯ್ತು
ನಾವು ನಮ್ಮ ಗೆಳೆಯರೆಲ್ಲ
ಧಡಾ ಧಡಾ ಬಂದಾಯ್ತು

ನಾವು ಎಸೆದ ಅಗುಳ ಕಂಡು
ಕಾಗೆ ಬಂತು ಈಚೆಗೆ
ಪುರ್ರನೆ ಕೋಗಿಲೆ ಹಾರಿ
ಸೀದಾ ಹೋಯ್ತು ಗೂಡಿಗೆ

ಮೊಟ್ಟೆ ಇಟ್ಟು ಫಕ್ಕ ಬಂತು
ಚತುರ ಕಳ್ಳ ಕೋಗಿಲೆ
ಹೊಟ್ಟೆ ತುಂಬ ಉಂಡ ಕಾಗೆ
ಮೋಸ ಹೋಯ್ತು ಆಗಲೆ