ಬೇಸಿಗೆಯ ಮೂರು ಚಿತ್ರಗಳು

ಬಂತು ಬೇಸಗೆ ಸುಡು ಸುಡು ಬಿಸಿಲು; ನೆತ್ತಿ ಚುರು ಚುರು ನೀರಿಗೆ ಗೋಳು..!

. 1 ಬಾಯಾರಿದ ಜಿಂಕೆಮರಿ ಊರ ಹೊಕ್ಕಿತು ಹಳ್ಳ ಕೊಳ್ಳ ಸುತ್ತು ಹಾಕಿ ಸಾಕುಗೊಂಡಿತು

. ಬಾವಿಯೊಂದರಲ್ಲಿಯೆಲ್ಲೋ ರಾಡಿನೀರ ಕಂಡಿತು ಆಸೆಗೊಂಡು ಆಳಕಿಳಿದು ಮೂತಿಯಿಕ್ಕಿತು

. ಬೀದಿನಾಯಿ–ಗುಂಪುಜನ ದಾಳಿಯಿಟ್ಟರು ಪಾಲು ಮಾಡಿ ತಿಂದು ತೇಗಿ ಡರ್... ಎಂದರು!

. 2 ಮರದಲಿದ್ದ ಕೋತಿಯೊಂದು ಮನೆಗೆ ನುಸುಳಿತು ಹಂಡೆಯೊಳಗೆ ಕತ್ತು ತೂರಿ ನೀರ ಹುಡುಕಿತು

. ಕೊರಳು ಸಿಕ್ಕು ವಿಲವಿಲೆಂದು ಕಿರುಚಹತ್ತಿತು ನಿಷ್ಕರುಣಿಯ ಬಂದೂಕು ಢಂ...ಎಂದಿತು

. ನೀರು... ನೀರು... ಶೋಕರಾಗ ಮುಗಿಲು ಮುಟ್ಟಿತು!

. 3 ಹಾರಾಡುವ ಹಕ್ಕಿಕುಲಕೂ ನೀರದಾಹವು ಹಾರಿ ಹಾರಿ ಏರಿ ಏರಿ ಬಸವಳಿದವು

. ರೆಕ್ಕೆ ಸೋತು ನೆಲಕೆ ಇಳಿದು ಕುಸಿದು ಬಿದ್ದವು ನೀರದಾರಿ ಕಾಣದಾಗಿ ಉಸಿರಬಿಟ್ಟವು..! ***

. ಕರುಣೆರಹಿತ ಬದುಕಪಥವು ನಮ್ಮದಾಗಿದೆ; ಇದನು ತೊರೆವ ನಡೆನುಡಿ ತೋರಬೇಕಿದೆ!

. ಸಕಲ ಜೀವ – ಸಸ್ಯಕುಲವು ನಮ್ಮಂತೆಯೇ; ಅವಕೂ ಬದುಕ ಹಕ್ಕಿದೆ ನಿಮ್ಮಂತೆಯೇ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.