‘ಸಿಕ್ಸ್‌ ಟಿ’ಯ ಸಂಕಟ

ಎಷ್ಟೋ ಮಕ್ಕಳು ಯಾಕೋ ನನ್ನ ಸಿಕ್ ಟಿ! ಸಿಕ್ ಟಿ! ಅಂತಾರೆ! ತುಂಬಾ ತುಂಬಾ ಬೇಜಾರಾಗ್ತಿದೆ ಜೋರಾಗಳಬೇಕನ್ನಿಸಿದೆ!

. ಚೆನ್ನಾಗೇ ನಾನ್ ಇದ್ದೀನಲ್ಲ... ಯಾವುದೇ ರೋಗವೂ ನಂಗಿಲ್ಲ! ಟೀಯೂ ಅಲ್ಲ, ಕಾಫಿಯೂ ಅಲ್ಲ ಏನನೂ ಕುಡಿಯುವ ಚಟವಿಲ್ಲ!

. ಯಾವ್ ಗಳಿಗೇಲಿ ಇಟ್ಟರೋ ನಂಗೆ ‘ಸಿಕ್ಸ್ ಟೀ’ ಅನ್ನುವ ಹೆಸರನ್ನ! ಮಕ್ಕಳ ಬಾಯಿಗೆ ಕಲ್ ಸಿಕ್ಕಂತೆ ತಿನ್ನಲು ಪಾಪ, ಮೊಸರನ್ನ!

. ‘ಕುಡಿಯಲು ಆರು ಟೀ ಕೊಡಿ’ ಅನ್ನೋ ವಿಪರೀತಾರ್ಥಕೂ ಎಡೆಯುಂಟು! ಇಂಥ ವಿಚಿತ್ರ ಸಂಕಟದಿಂದ ಬಿಡಿಸೋರಾದ್ರೂ ಯಾರುಂಟು?

. ಎಳೆಯರು ಹೋಗಲಿ, ಹಿರಿಯರಿಗೂನೂ ‘ಸಿಕ್ಸ್ ಟೀ’ ಅನ್ನಲು ಮನಸಿಲ್ಲ! ಸಣ್ಣವರಾಗಿಯೇ ಉಳಿಯುವ ಆಸೆ ಎಂಥವರನ್ನೂ ಬಿಟ್ಟಿಲ್ಲ!

. ಯಾರನು ದೂರಲಿ, ಯಾರಿಗೆ ಹೇಳಲಿ ನನ್ನೀ ಹೆಸರಿನ ತೊಡಕನ್ನ? ಲಂಡನ್ ಕ್ವೀನಿಗೆ ಈಗಲೇ ಈ ಮೇಲ್ ಟೈಪಿಸಿ ಕಳಿಸುವೆ ಮನವೀನ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.