<p>ನಿನ್ನ ನೆರಳೂ ಕರಗುತ್ತಿದೆ<br />ಬಿಸಿಲ ಕೋಲಂತೆ ಕಂಗೊಳಿಸಿ<br />ಕಣ್ಣೊತ್ತಿನಲ್ಲೆ ಕುಲಗೆಡಿಸಿ<br />ಹಬ್ಬಿದ ಮಬ್ಬಿನಲ್ಲೇ ಸರಿ ಸರಿದು<br />ಸರ ಸರನೆ ಚಲಿಸುತ್ತಿದೆ...<br />ಕಾಲಸ್ವಾಮಿಯ ಮಹಾ ಕಥನದಲ್ಲಿ<br />ನಿನ್ನ ನೆರಳಿನ ಗತಿಯೂ ಹೀಗೇ...</p>.<p>ವಿಷದ ಮಡಕೆಯ ಸುತ್ತ<br />ಗಿರ ಗಿರನೆ ಸುತ್ತುವ ಬೆಂತರಾತ್ಮಗಳ ಸಂತೆ<br />ಬಹುಕೃತ ವೇಷದ, ವಿವಿಧ ರಂಗುಗಳ<br />ವಿವಿಧ ಆಕಾರಗಳ, ಅದ್ಭುತ ಮೇಕಪ್ಪಿನ<br />ಬಂಧದ ಕಬಂಧದಲ್ಲಿ<br />ಬಿಡುಗಡೆಯ ಹಸಿರೊಣಗಿ<br />ಅದರ ತರಗೆಲೆಯ ಮೇಲೆ<br />ನಿನ್ನ ಹೆಜ್ಜೆಯ ಪರ ಪರ ಸದ್ದು!</p>.<p>ಅರೆಬೆತ್ತಲೆಯನೂ ಸುಲಿದು<br />ಕತ್ತಲಿನ ಪೀತಾಂಬರ ಉಡಿಸಿ<br />ಕೈ ಕೋಲ ಕಸಿದು, ದಾರಿಗೆ ಮುಳ್ಳು ಸುರಿದು<br />ದಿಕ್ಕು ದಿಕ್ಕಿನಲ್ಲೂ ಕಾವಲಿನ ಮೊಳೆ ಹೊಡೆದು<br />ಅಂಬರಕೆ ತೂರಿ ಹಾರಿಸಿದಂತೆ<br />ನಿನ್ನ ಸ್ಥಿತಿಯೂ ಕಂಗಾಲು.</p>.<p>ಯಾರು ಬಂದವರಾಗ, ಯಾರು ಹೋದದ್ದೀಗ<br />ಚಕ್ರ ತಿರುಗಿದಂತೆ<br />ನೂತ ನೂಲೇ ಕುಣಿಕೆಯಾಗಿ<br />ಸಂದಣಿಸಿದ ಸೂತಕದಲ್ಲಿ<br />ಅಹಿಂಸೆ ಹಿಂಸೆ ವ್ಯತ್ಯಾಸವಳಿದು<br />ಬಟ್ಟೆ ತೊಟ್ಟೂ ಬರಿದೆ ಬೆತ್ತಲಾದ<br />ನಿನ್ನ ಪ್ರತಿಮೆಗಳ ಚೂರೂ<br />ಚಕಣಾ ಚೂರು<br />ಭುವಿಯ ಉದ್ದಗಲಕ್ಕೂ...</p>.<p>ಟೊಂಗೆ ಟೊಂಗೆಗಳಲ್ಲಿ<br />ಅರಳಿದ ಅಸಂಖ್ಯ ಬಣ್ಣದ ಮೋಹಕ ಹೂವುಗಳ<br />ಸೌಂದರ್ಯದ ಅಸಾಮಾನ್ಯ ನೋಟವೂ<br />ಮಂಕು ಮಂಕಾಗಿ<br />ಏಕ ವರ್ಣದ ಭೂತ ಕುಣಿಕುಣಿದು<br />ಕುಪ್ಪಳಿಸುವಾಗ<br />ಭೂಮ್ಯಾಕಾಶಗಳ ನುಂಗಿ ನೊಣೆಯುತ್ತಿರುವಾಗ<br />ನಿನ್ನ ನೆರಳೂ ನಡುಗುವುದ<br />ಕದ್ದೂ ಮುಚ್ಚಿ ನೋಡುತ್ತಲೇ ಇರುವೆ!</p>.<p>ತ್ರಿವರ್ಣಗಳು ಕಲೆಸಿ<br />ಜನಗಣ ಮನ ನಿರ್ಗುಣ<br />ಆಸೇತು ಹಿಮಾಚಲ ತಲ್ಲಣ<br />ದನದ ಸಂತೆಯಲ್ಲಿ<br />ದೇವರ ಗುಡಿಯ ಗೋಪುರದಲ್ಲಿ<br />ನೀತಿಯ ಹರಾಜಿನಲ್ಲಿ<br />ಅರಾಜಕದ ಪ್ರಭುಸಂಹಿತದ ಗಗನದೆತ್ತರದಲ್ಲಿ<br />ನಿನ್ನ ಅಸಂಖ್ಯಾತ ನಿರ್ಜೀವದ ಪ್ರತಿಕೃತಿಯ ಬಾವುಟ!</p>.<p>ಹಸಿ ಹಣತೆಗೆ ಅದ್ವಾನದ ಬತ್ತಿ ಹೊಸೆದು<br />ಭಂಗದ ಎಣ್ಣೆ ಸುರಿದು, ಭ್ರಮೆಯ ಬೆಳಕಲ್ಲಿ<br />ಹೊಯ್ದಾಡುವ ಗಾಳಿಯ ಹುಚ್ಚು ರಭಸದಲ್ಲಿ<br />ಅಯೋಮಯ ದಿಗ್ಭ್ರಮೆಯ ದೋಣಿ<br />ತೇಲುವ ಮುಳುಗುವ ಆಟ<br />ಇಲ್ಲದ ಹರಿವಿನ ನದಿಯ ಒಡಲಲ್ಲಿ!</p>.<p>ನಮ್ಮದೇ ಶವದ ವಾಸನೆ<br />ನಮ್ಮದೇ ಉಸಿರ ದುರ್ಗಂಧ<br />ನಮ್ಮದೇ ಕಣ್ಣೋಟದ ಕಳಂಕ<br />ಸೆಂಟು ಪೂಸಿ, ಕರ್ಪೂರದಾರತಿ ಎತ್ತಿ<br />ಚಟ್ಟ ಸಿಂಗಾರದ ಅರಮನೆಯಲ್ಲಿ<br />ಇನ್ನೆಷ್ಟು ದಿನ, ಇನ್ನೆಷ್ಟು ಕಾಲ<br />ಜ್ಯೋತಿ ಆರದಂತೆ<br />ಮೈಗೆಡಲೀಯದಂತೆ<br />ನಮ್ಮಾತ್ಮಗಳ ಜತನ.</p>.<p>ಬೆವರಿನ ಹೊದಿಕೆ ಹೊದ್ದಿದ್ದೇನೆ<br />ಗದಗುಡುವ ಭಯದ ನೆರಳ ಹಾಸಿದ್ದೇನೆ<br />ಕಾಯುತ್ತಲೇ ಇದ್ದೇನೆ<br />ನಿನ್ನ ನಿಜಾಕೃತಿಯ ದರ್ಶನಕ್ಕಾಗಿ<br />ಅಪಾರ ಶಾಂತಿಯ ನೆಮ್ಮದಿಗಾಗಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಿನ್ನ ನೆರಳೂ ಕರಗುತ್ತಿದೆ<br />ಬಿಸಿಲ ಕೋಲಂತೆ ಕಂಗೊಳಿಸಿ<br />ಕಣ್ಣೊತ್ತಿನಲ್ಲೆ ಕುಲಗೆಡಿಸಿ<br />ಹಬ್ಬಿದ ಮಬ್ಬಿನಲ್ಲೇ ಸರಿ ಸರಿದು<br />ಸರ ಸರನೆ ಚಲಿಸುತ್ತಿದೆ...<br />ಕಾಲಸ್ವಾಮಿಯ ಮಹಾ ಕಥನದಲ್ಲಿ<br />ನಿನ್ನ ನೆರಳಿನ ಗತಿಯೂ ಹೀಗೇ...</p>.<p>ವಿಷದ ಮಡಕೆಯ ಸುತ್ತ<br />ಗಿರ ಗಿರನೆ ಸುತ್ತುವ ಬೆಂತರಾತ್ಮಗಳ ಸಂತೆ<br />ಬಹುಕೃತ ವೇಷದ, ವಿವಿಧ ರಂಗುಗಳ<br />ವಿವಿಧ ಆಕಾರಗಳ, ಅದ್ಭುತ ಮೇಕಪ್ಪಿನ<br />ಬಂಧದ ಕಬಂಧದಲ್ಲಿ<br />ಬಿಡುಗಡೆಯ ಹಸಿರೊಣಗಿ<br />ಅದರ ತರಗೆಲೆಯ ಮೇಲೆ<br />ನಿನ್ನ ಹೆಜ್ಜೆಯ ಪರ ಪರ ಸದ್ದು!</p>.<p>ಅರೆಬೆತ್ತಲೆಯನೂ ಸುಲಿದು<br />ಕತ್ತಲಿನ ಪೀತಾಂಬರ ಉಡಿಸಿ<br />ಕೈ ಕೋಲ ಕಸಿದು, ದಾರಿಗೆ ಮುಳ್ಳು ಸುರಿದು<br />ದಿಕ್ಕು ದಿಕ್ಕಿನಲ್ಲೂ ಕಾವಲಿನ ಮೊಳೆ ಹೊಡೆದು<br />ಅಂಬರಕೆ ತೂರಿ ಹಾರಿಸಿದಂತೆ<br />ನಿನ್ನ ಸ್ಥಿತಿಯೂ ಕಂಗಾಲು.</p>.<p>ಯಾರು ಬಂದವರಾಗ, ಯಾರು ಹೋದದ್ದೀಗ<br />ಚಕ್ರ ತಿರುಗಿದಂತೆ<br />ನೂತ ನೂಲೇ ಕುಣಿಕೆಯಾಗಿ<br />ಸಂದಣಿಸಿದ ಸೂತಕದಲ್ಲಿ<br />ಅಹಿಂಸೆ ಹಿಂಸೆ ವ್ಯತ್ಯಾಸವಳಿದು<br />ಬಟ್ಟೆ ತೊಟ್ಟೂ ಬರಿದೆ ಬೆತ್ತಲಾದ<br />ನಿನ್ನ ಪ್ರತಿಮೆಗಳ ಚೂರೂ<br />ಚಕಣಾ ಚೂರು<br />ಭುವಿಯ ಉದ್ದಗಲಕ್ಕೂ...</p>.<p>ಟೊಂಗೆ ಟೊಂಗೆಗಳಲ್ಲಿ<br />ಅರಳಿದ ಅಸಂಖ್ಯ ಬಣ್ಣದ ಮೋಹಕ ಹೂವುಗಳ<br />ಸೌಂದರ್ಯದ ಅಸಾಮಾನ್ಯ ನೋಟವೂ<br />ಮಂಕು ಮಂಕಾಗಿ<br />ಏಕ ವರ್ಣದ ಭೂತ ಕುಣಿಕುಣಿದು<br />ಕುಪ್ಪಳಿಸುವಾಗ<br />ಭೂಮ್ಯಾಕಾಶಗಳ ನುಂಗಿ ನೊಣೆಯುತ್ತಿರುವಾಗ<br />ನಿನ್ನ ನೆರಳೂ ನಡುಗುವುದ<br />ಕದ್ದೂ ಮುಚ್ಚಿ ನೋಡುತ್ತಲೇ ಇರುವೆ!</p>.<p>ತ್ರಿವರ್ಣಗಳು ಕಲೆಸಿ<br />ಜನಗಣ ಮನ ನಿರ್ಗುಣ<br />ಆಸೇತು ಹಿಮಾಚಲ ತಲ್ಲಣ<br />ದನದ ಸಂತೆಯಲ್ಲಿ<br />ದೇವರ ಗುಡಿಯ ಗೋಪುರದಲ್ಲಿ<br />ನೀತಿಯ ಹರಾಜಿನಲ್ಲಿ<br />ಅರಾಜಕದ ಪ್ರಭುಸಂಹಿತದ ಗಗನದೆತ್ತರದಲ್ಲಿ<br />ನಿನ್ನ ಅಸಂಖ್ಯಾತ ನಿರ್ಜೀವದ ಪ್ರತಿಕೃತಿಯ ಬಾವುಟ!</p>.<p>ಹಸಿ ಹಣತೆಗೆ ಅದ್ವಾನದ ಬತ್ತಿ ಹೊಸೆದು<br />ಭಂಗದ ಎಣ್ಣೆ ಸುರಿದು, ಭ್ರಮೆಯ ಬೆಳಕಲ್ಲಿ<br />ಹೊಯ್ದಾಡುವ ಗಾಳಿಯ ಹುಚ್ಚು ರಭಸದಲ್ಲಿ<br />ಅಯೋಮಯ ದಿಗ್ಭ್ರಮೆಯ ದೋಣಿ<br />ತೇಲುವ ಮುಳುಗುವ ಆಟ<br />ಇಲ್ಲದ ಹರಿವಿನ ನದಿಯ ಒಡಲಲ್ಲಿ!</p>.<p>ನಮ್ಮದೇ ಶವದ ವಾಸನೆ<br />ನಮ್ಮದೇ ಉಸಿರ ದುರ್ಗಂಧ<br />ನಮ್ಮದೇ ಕಣ್ಣೋಟದ ಕಳಂಕ<br />ಸೆಂಟು ಪೂಸಿ, ಕರ್ಪೂರದಾರತಿ ಎತ್ತಿ<br />ಚಟ್ಟ ಸಿಂಗಾರದ ಅರಮನೆಯಲ್ಲಿ<br />ಇನ್ನೆಷ್ಟು ದಿನ, ಇನ್ನೆಷ್ಟು ಕಾಲ<br />ಜ್ಯೋತಿ ಆರದಂತೆ<br />ಮೈಗೆಡಲೀಯದಂತೆ<br />ನಮ್ಮಾತ್ಮಗಳ ಜತನ.</p>.<p>ಬೆವರಿನ ಹೊದಿಕೆ ಹೊದ್ದಿದ್ದೇನೆ<br />ಗದಗುಡುವ ಭಯದ ನೆರಳ ಹಾಸಿದ್ದೇನೆ<br />ಕಾಯುತ್ತಲೇ ಇದ್ದೇನೆ<br />ನಿನ್ನ ನಿಜಾಕೃತಿಯ ದರ್ಶನಕ್ಕಾಗಿ<br />ಅಪಾರ ಶಾಂತಿಯ ನೆಮ್ಮದಿಗಾಗಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
