ಜಂಟಿ ಅಧಿವೇಶನ ಉದ್ದೇಶಿಸಿ ಭಾಷಣ ಮಾಡಲು ರಾಜ್ಯಪಾಲ ಗೆಹಲೋತ್ ನಿರಾಕರಣೆ

ರಾಜ್ಯಪಾಲರು ಬಾರದೇ ಇದ್ದರೆ ಅಥವಾ ಭಾಷಣ ಮಾಡದೆ ಇದ್ದರೆ ಅಧಿವೇಶನ ನಡೆಸುವಂತಿಲ್ಲ ಎಂದು ಎಲ್ಲಿ ಹೇಳಲಾಗಿದೆ? ಇಂತಹ ವಿಷಯಗಳು ಹೆಚ್ಚಾಗಿ ಕೋರ್ಟ್‌ಗೆ ಬಂದಿಲ್ಲ. ಆಂಧ್ರಪ್ರದೇಶ ಮತ್ತು ಪಶ್ಚಿಮ ಬಂಗಾಳದ ಪ್ರಕರಣಗಳು ಇವೆಯಾದರೂ ಅವುಗಳನ್ನು ಪೂರ್ವನಿದರ್ಶನ ಎನ್ನಲಾಗುವುದಿಲ್ಲ. ಒಂದು ವೇಳೆ ಸರ್ಕಾರ ರಾಜ್ಯಪಾಲರ ಅನುಪಸ್ಥಿತಿಯಲ್ಲೇ ಅಧಿವೇಶನ ನಡೆಸಿಬಿಟ್ಟರೆ ಅದನ್ನು ಪ್ರಶ್ನಿಸಿ ಕೋರ್ಟ್‌ಗೆ ಹೋಗುವವರು ಯಾರು? ಇದರಲ್ಲಿ ಕಾನೂನನ್ನು ಒರೆಗೆ ಹಚ್ಚಿ ನೋಡುವ ಮೊದಲು ಢಾಳಾಗಿ ಕಾಣುತ್ತಿರುವ ರಾಜಕೀಯವನ್ನು ಗಮನಿಸಬೇಕಿದೆ.

ರಾಜ್ಯಪಾಲರು ಭಾಷಣ ಓದದೆಯೇ ಅಧಿವೇಶನ ಆರಂಭಿಸುವುದು ಕಾನೂನುಬದ್ಧವಲ್ಲ. ಪಶ್ಚಿಮ ಬಂಗಾಳದಲ್ಲಿ 1966ರಲ್ಲಿ ನಡೆದಿದ್ದ ವಿಧಾನಸಭೆ ಅಧಿವೇಶನದ ಪ್ರಸಂಗ ಈ ಕಾನೂನು ಚೌಕಟ್ಟಿಗೆ ತಳಹದಿ. ಕೇಂದ್ರ ಸರ್ಕಾರವನ್ನು ರಾಜ್ಯಪಾಲರ ಬಾಯಲ್ಲಿ ದೂಷಿಸುವ, ರಾಜಕೀಯಕ್ಕೆ ಬಳಸಿಕೊಳ್ಳುವ ನಿಲುವು ಸರಿಯಲ್ಲ. ರಾಜ್ಯ ಸರ್ಕಾರ ತನ್ನ ನೀತಿಗಳು ಏನೆಂದು ಹೇಳಲಿ. ಆದರೆ, ಅವರ ಬಾಯಲ್ಲಿ ಹೇಳಿಸಿ ಯಾಕೆ ಮುಖಭಂಗ ಮಾಡಬೇಕು? ಈ ವಿಷಯವನ್ನು ಪ್ರತಿಷ್ಠೆಯ ಪ್ರಶ್ನೆ ಮಾಡುವುದು ತರವಲ್ಲ. ರಾಜ್ಯಪಾಲರು ತೆಗೆಯಬೇಕೆಂದು ಸೂಚಿಸಿರುವ ಪ್ಯಾರಾಗಳನ್ನು ತೆಗೆದು ಓದಿಸಬೇಕು. ಈ ನಿಟ್ಟಿನಲ್ಲಿ ಅವರ ಮನವೊಲಿಸಿ ರಾಜಕೀಯ ಮಾಡುವ ಪ್ರಯತ್ನವನ್ನು ನಿಲ್ಲಿಸಬೇಕು.

ಗುರುವಾರ ಬೆಳಿಗ್ಗೆ 11ಕ್ಕೆ ಅಧಿವೇಶನ ಆರಂಭವಾಗಲಿದೆ. ಭಾಷಣದಲ್ಲಿರುವ 11 ಪ್ಯಾರಾಗಳನ್ನು ಬದಲಾವಣೆ ಮಾಡಲು ರಾಜ್ಯಪಾಲರು ಹೇಳಿದ್ದರು. ಶಬ್ದಗಳ ತಿದ್ದುಪಡಿಯಷ್ಟೆ ಮಾಡುತ್ತೇವೆ. ಆದರೆ, ಎಲ್ಲವನ್ನೂ ಬದಲಾವಣೆ ಮಾಡಲು ಸಾಧ್ಯ ಇಲ್ಲ. ಬಡವರ ಪರವಾಗಿ ಇರುವ ಭಾಷಣ ಇದಾಗಿದೆ. ಅದನ್ನು ಓದಬೇಕೆಂದು ರಾಜ್ಯಪಾಲರಿಗೆ ಮನವಿ ಮಾಡುತ್ತೇವೆ