<p>ಸೂರ್ಯ<br />ಪಥ ಬದಲಿಸುವುದಿಲ್ಲ ನಮ್ಮಂತೆ!<br />ಅವಕಾಶ ಸಿಕ್ಕಾಗಲೆಲ್ಲ ನಾವೇ ವಾಲುತ್ತೇವೆ..<br />ಭೂಮಿಯಂತೆ!</p>.<p>ಈ ಪಕ್ಷದಿಂದ ಆ ಪಕ್ಷಕ್ಕೆ<br />ಆ ಪಕ್ಷದಿಂದ ಈ ಪಕ್ಷಕ್ಕೆ<br />ಎಡಕ್ಕೆ, ಬಲಕ್ಕೆ ಮತ್ತೊಮ್ಮೆ<br />ಎಡವೋ ಬಲವೋ ಒಂದೂ ತಿಳಿಯದೇ<br />ಸರ್ರನೇ ಸರಿದು, ಭರ್ರನೆ ಬಾಗಿ<br />ಜರ್ರನೇ ಜರಿದು<br />ಎಡಬಿಡಂಗಿಗಳಾಗುತ್ತೇವೆ!</p>.<p>ಸೂರ್ಯ<br />ಪಥ ಬದಲಿಸುವುದಿಲ್ಲ ನಮ್ಮಂತೆ<br />ಅಗತ್ಯ ಬಿದ್ದರೆ ನಾವೇ ವಾಲುತ್ತೇವೆ...<br />ಭೂಮಿಯಂತೆ!</p>.<p>ಭೂಮಿ ವಾಲುವುದೂ ನಿಜ!<br />ತನ್ನ ಸುತ್ತ ತಾನೇ ತಿರುಗುವ<br />ಲಯ ಕಂಡುಕೊಳ್ಳುವುದಕ್ಕೆ,<br />ಗುರುತ್ವದ ಸಮತೋಲನ<br />ಸಾಧಿಸುವುದಕ್ಕೆ!<br />ನಾವೂ ವಾಲುತ್ತೇವೆ...<br />ಪದವಿ ಪರಮಾಧಿಕಾರದ ಮೋಹಕ್ಕೆ<br />ಪ್ರತಿಷ್ಠೆ, ಪುರಸ್ಕಾರದ ಲೋಭಕ್ಕೆ<br />ಆಯ ತಪ್ಪಿ ಬಿದ್ದರೂ<br />ಜಯ ಸಾಧಿಸಿದೆವೆಂದು ಬೀಗುವುದಕ್ಕೆ!<br />ಇರುಳು ಕಂಡ ಬಾವಿಗೆ<br />ಹಗಲೇ ಬೀಳುತ್ತೇವೆ!</p>.<p>ಸೂರ್ಯ ಪಥ<br />ಬದಲಿಸುವುದಿಲ್ಲ ನಮ್ಮಂತೆ<br />ನಮ್ಮಂತೆ ಭರವಸೆ ಭಾಷಣ ಬಿಗಿದು<br />ತೊಡೆ ತಟ್ಟಿ, ಎದೆ ಮುಟ್ಟಿ<br />ಶಪಥಗೈಯ್ಯುವುದಿಲ್ಲ...<br />ಪಥ ಭ್ರಷ್ಟರ ಕಂಡು ನಗುತ್ತಾನೆ!</p>.<p>ಸಂಕ್ರಾಂತಿಯ ಶುಭಾಶಯಗಳನೆಲ್ಲ<br />ಭೂತಾಯಿಗಿತ್ತು ನಮಿಸುತ್ತಾನೆ...</p>.<p>ಅವಳ ಕಂಬನಿಗಳನ್ನು<br />ಆಕೆಯ ಚೊಚ್ಚಿಲು ಮಕ್ಕಳ<br />ಕಂಗಳಲ್ಲಿ ಕಂಡು</p>.<p>ಈ ಕ್ರೌರ್ಯಕೆ<br />ಕೊನೆಯೆಂದೋ...</p>.<p>ಎಂದು<br />ನಿಡುಸುಯ್ಯುತ್ತಾನೆ!<br />ಸೂರ್ಯ<br />ಪಥ ಬದಲಿಸುವುದಿಲ್ಲ,<br />ನಾವೇ ವಾಲುತ್ತೇವೆ..</p>.<p>ಭೂಮಿಯಂತೆ...<br />ವಾಲಿದರೂ<br />ಭೂಮಿಯಂತಾಗದೇ<br />ಉರಿದು ಉದುರಿ ಬೀಳುತ್ತೇವೆ...<br />ಉಲ್ಕೆಯಂತೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸೂರ್ಯ<br />ಪಥ ಬದಲಿಸುವುದಿಲ್ಲ ನಮ್ಮಂತೆ!<br />ಅವಕಾಶ ಸಿಕ್ಕಾಗಲೆಲ್ಲ ನಾವೇ ವಾಲುತ್ತೇವೆ..<br />ಭೂಮಿಯಂತೆ!</p>.<p>ಈ ಪಕ್ಷದಿಂದ ಆ ಪಕ್ಷಕ್ಕೆ<br />ಆ ಪಕ್ಷದಿಂದ ಈ ಪಕ್ಷಕ್ಕೆ<br />ಎಡಕ್ಕೆ, ಬಲಕ್ಕೆ ಮತ್ತೊಮ್ಮೆ<br />ಎಡವೋ ಬಲವೋ ಒಂದೂ ತಿಳಿಯದೇ<br />ಸರ್ರನೇ ಸರಿದು, ಭರ್ರನೆ ಬಾಗಿ<br />ಜರ್ರನೇ ಜರಿದು<br />ಎಡಬಿಡಂಗಿಗಳಾಗುತ್ತೇವೆ!</p>.<p>ಸೂರ್ಯ<br />ಪಥ ಬದಲಿಸುವುದಿಲ್ಲ ನಮ್ಮಂತೆ<br />ಅಗತ್ಯ ಬಿದ್ದರೆ ನಾವೇ ವಾಲುತ್ತೇವೆ...<br />ಭೂಮಿಯಂತೆ!</p>.<p>ಭೂಮಿ ವಾಲುವುದೂ ನಿಜ!<br />ತನ್ನ ಸುತ್ತ ತಾನೇ ತಿರುಗುವ<br />ಲಯ ಕಂಡುಕೊಳ್ಳುವುದಕ್ಕೆ,<br />ಗುರುತ್ವದ ಸಮತೋಲನ<br />ಸಾಧಿಸುವುದಕ್ಕೆ!<br />ನಾವೂ ವಾಲುತ್ತೇವೆ...<br />ಪದವಿ ಪರಮಾಧಿಕಾರದ ಮೋಹಕ್ಕೆ<br />ಪ್ರತಿಷ್ಠೆ, ಪುರಸ್ಕಾರದ ಲೋಭಕ್ಕೆ<br />ಆಯ ತಪ್ಪಿ ಬಿದ್ದರೂ<br />ಜಯ ಸಾಧಿಸಿದೆವೆಂದು ಬೀಗುವುದಕ್ಕೆ!<br />ಇರುಳು ಕಂಡ ಬಾವಿಗೆ<br />ಹಗಲೇ ಬೀಳುತ್ತೇವೆ!</p>.<p>ಸೂರ್ಯ ಪಥ<br />ಬದಲಿಸುವುದಿಲ್ಲ ನಮ್ಮಂತೆ<br />ನಮ್ಮಂತೆ ಭರವಸೆ ಭಾಷಣ ಬಿಗಿದು<br />ತೊಡೆ ತಟ್ಟಿ, ಎದೆ ಮುಟ್ಟಿ<br />ಶಪಥಗೈಯ್ಯುವುದಿಲ್ಲ...<br />ಪಥ ಭ್ರಷ್ಟರ ಕಂಡು ನಗುತ್ತಾನೆ!</p>.<p>ಸಂಕ್ರಾಂತಿಯ ಶುಭಾಶಯಗಳನೆಲ್ಲ<br />ಭೂತಾಯಿಗಿತ್ತು ನಮಿಸುತ್ತಾನೆ...</p>.<p>ಅವಳ ಕಂಬನಿಗಳನ್ನು<br />ಆಕೆಯ ಚೊಚ್ಚಿಲು ಮಕ್ಕಳ<br />ಕಂಗಳಲ್ಲಿ ಕಂಡು</p>.<p>ಈ ಕ್ರೌರ್ಯಕೆ<br />ಕೊನೆಯೆಂದೋ...</p>.<p>ಎಂದು<br />ನಿಡುಸುಯ್ಯುತ್ತಾನೆ!<br />ಸೂರ್ಯ<br />ಪಥ ಬದಲಿಸುವುದಿಲ್ಲ,<br />ನಾವೇ ವಾಲುತ್ತೇವೆ..</p>.<p>ಭೂಮಿಯಂತೆ...<br />ವಾಲಿದರೂ<br />ಭೂಮಿಯಂತಾಗದೇ<br />ಉರಿದು ಉದುರಿ ಬೀಳುತ್ತೇವೆ...<br />ಉಲ್ಕೆಯಂತೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>