ನನ್ನ ಕನಸು

Last Updated 10 ಮಾರ್ಚ್ 2019, 20:02 IST

ಅಕ್ಷರ ಗಾತ್ರ

ಅಮ್ಮ ನಾನೂ ನೀನು
ಆಕಾಶಕೆ ಹಾರೋಣವೇನು?
ಹಕ್ಕಿಯ ಕಣ್ಣಲಿ ಭೂಮಿ
ಹೇಗಿರುವುದು ನೋಡೋಣವೇನು?

ದೇವರು ಬರೆದಿಹ ಚಿತ್ರಪ್ರಕೃತಿ ಸುರಿದಿಹ ಬಣ್ಣ
ಹಾರುತ ಹಾರುತ ನೋಡಿ
ತುಂಬಿಸಿಕೊಳ್ಳೋಣ ಕಣ್ಣ!

ಮೋಡದ ಮೈಯಲಿ ತೂರಿ
ಮಳೆಯನು ಮಾತಾಡಿಸೋಣ
ಹದ್ದಿನ ಪಕ್ಕಕೆ ಹಾರಿ ಒಂದುಹಾಯ್ ಹೇ
ಳಿಬಿಡೋಣ!

ಓಝೋನ್ ಪದರದ ತೂತು
ಸಾಧ್ಯವಾದರೆ ಹೊಲಿದುಬಿಡೋಣ
‘ಹೊಗೆಯನು ಬಿಡದಿರು ಹೆಚ್ಚು’
ವಿಮಾನದ ಕಿವಿ ಹಿಂಡೋಣ!

ಅಮ್ಮ ಇದು ನನ್ನ ಕನಸೇ
ಹೇಳೇ ಈಡೇರುವುದೇನು?
ಭೂಮಿಯ ಜಂಜಡ ಮರೆತು
ಸೇರೋಣ ನಾವು ಬಾನು!

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.