ಮಂಗಳವಾರ, 16 ಏಪ್ರಿಲ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕವಿತೆ: ಪಕ್ಕದ ಮನೆಯವರು

Published 17 ಫೆಬ್ರುವರಿ 2024, 23:48 IST
Last Updated 17 ಫೆಬ್ರುವರಿ 2024, 23:48 IST
ಅಕ್ಷರ ಗಾತ್ರ


ಒಳ್ಳೆಯವರೇ
ಆಗಿದ್ದರು
ಇತ್ತೀಚಿನವರೆಗೂ
ಸಕ್ಕರೆ ಹಾಲು ಕಾಫಿಪುಡಿ ಕಡ ಕೇಳುತ್ತಾ
ಕೊಡುತ್ತಾ ಹರಟುತ್ತಾ ಕಷ್ಟಸುಖ ಹಂಚಿಕೊಳ್ಳುತ್ತಾ
ಮಕ್ಕಳ ಶಾಲೆ ಕೆಲಸ ಮದುವೆ ಇತ್ಯಾದಿಗಳಲ್ಲಿ
ಇದ್ದೇ ಇದ್ದೇವೆ ಪರಸ್ಪರರ ಫೋಟೋಗಳಲ್ಲಿ
ಎಡಿಟ್ ಮಾಡಲಾಗದಂತೆ ಅಪ್ಪಿ ನಿಂತ ಭಂಗಿಗಳಲ್ಲಿ
ಸುನಾಮಿ ಬರುವ ಸೂಚನೆಯೇ ಇರಲಿಲ್ಲ
ಬಂತು ಎಲ್ಲ ಉರುಳಿಸುತ್ತಾ ಕಬಳಿಸುತ್ತಾ
ಅದು ಹೇಗೋ ನಡುವೆ ಬಂದು ಬಿತ್ತು ದೊಡ್ಡ ಗುಪ್ಪೆ
ಗಟ್ಟಿಗೊಂಡು ಗೋಡೆಯಾಗಿ ಕಾಣದಂತೆ ಆಚೀಚೆ
ನಡುವಿನ ಆಟದ ಮೈದಾನ ರಕ್ತಸಿಕ್ತ
ಆಚೆ ಈಚೆ ಕೊಳು ಕೊಡುಗೆ ನಿಂತು ಸದ್ದಿಲ್ಲ, ಮೌನ.
ಒಂದು ದಿನ ಅಕ್ಕಿಕಾಳು ಕೊಡಲು ಬಂದವರು ಹೇಳಿದರು
ಪಕ್ಕದಲ್ಲಿ ಮನೆಯಿಲ್ಲ. ಆಚೆ ಏನೂ ಇಲ್ಲ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT