ಥಾಯ್ಲೆಂಡ್‌ ಮಾಸ್ಟರ್ಸ್‌: ಕಿರಣ್‌, ತರುಣ್‌ ಶುಭಾರಂಭ

ಬ್ಯಾಂಕಾಕ್ : ಭಾರತದ ಕಿರಣ್ ಜಾರ್ಜ್ ಹಾಗೂ ತರುಣ್ ಮನ್ನೆಪಲ್ಲಿ ಅವರು ಥಾಯ್ಲೆಂಡ್ ಮಾಸ್ಟರ್ಸ್ ಸೂಪರ್ 300 ಬ್ಯಾಡ್ಮಿಂಟನ್ ಟೂರ್ನಿಯ ಪುರುಷರ ಸಿಂಗಲ್ಸ್ನಲ್ಲಿ ಬುಧವಾರ ಶುಭಾರಂಭ ಮಾಡಿದರು.

. ಏಳನೇ ಶ್ರೇಯಾಂಕ ಪಡೆದಿರುವ ಕಿರಣ್, ಮೊದಲ ಸುತ್ತಿನ ಪಂದ್ಯದಲ್ಲಿ 21–15, 21–9ರಿಂದ ನೇರ ಆಟಗಳಲ್ಲಿ ಮಲೇಷ್ಯಾದ ಶೋಲೆ ಐದಿಲ್ ಅವರನ್ನು ಮಣಿಸಿದರು. ಕೊಚ್ಚಿಯ ಆಟಗಾರ ಕೇವಲ 27 ನಿಮಿಷಗಳಲ್ಲಿ ಪಂದ್ಯವನ್ನು ಗೆದ್ದುಕೊಂಡರು.

. ವಿಶ್ವಕ್ರಮಾಂಕದಲ್ಲಿ 60ನೇ ಸ್ಥಾನದಲ್ಲಿರುವ ಮಿಥುನ್ ಮಂಜುನಾಥ್ ಅವರು 21–12, 9–21, 21–17ರಿಂದ ಎಂಟನೇ ಶ್ರೇಯಾಂಕದ ಆಟಗಾರ, ಡೆನ್ಮಾರ್ಕ್ನ ಮ್ಯಾಗ್ನಸ್ ಜೊಹಾನಸನ್ ವಿರುದ್ಧ ಜಯ ಗಳಿಸಿದರು.

. ತರುಣ್ ಅವರು 22–20, 21–17ರಿಂದ ಆತಿಥೇಯ ರಾಷ್ಟ್ರದ ಕಾಂಟಫೊನ್ ವಾಂಗ್ಚರೋನ್ ಅವರನ್ನು ಸೋಲಿಸಿ, ಎರಡನೇ ಸುತ್ತಿಗೆ ಮುನ್ನಡೆದರು.

. ಆದರೆ, ಕಣದಲ್ಲಿದ್ದ ಭಾರತದ ಇತರ ಆಟಗಾರರಾದ ಪ್ರಿಯಾಂಶು ರಾಜಾವತ್, ಮನರಾಜ್ ಸಿಂಗ್ ಹಾಗೂ ಎಸ್.ಶಂಕರ್ ಮುತ್ತುಸ್ವಾಮಿ ಸುಬ್ರಮಣ್ಯನ್ ಅವರು ತಮ್ಮ ತಮ್ಮ ಪಂದ್ಯಗಳಲ್ಲಿ ಸೋತರು.

. ಮಹಿಳೆಯರ ಸಿಂಗಲ್ಸ್ನಲ್ಲಿ ಉದಯೋನ್ಮುಖ ಆಟಗಾರ್ತಿ ಅನ್ಮೋಲ್ ಖರ್ಬ್ ಅವರು 21–12, 21–12ರಿಂದ ಹಾಂಗ್ಕಾಂಗ್ನ ಲೊ ಸಿನ್ ಯಾನ್ ಹ್ಯಾಪಿ ವಿರುದ್ಧ ಸುಲಭ ಜಯ ಸಾಧಿಸಿದರು. ಇಶಾರಾಣಿ ಬರೂವಾ ಅವರು 21–12, 21–8ರಿಂದ ಸ್ವದೇಶದ ಮಾಳವಿಕಾ ಬನ್ಸೋದ್ ಎದುರು ನಿರಾಯಾಸವಾಗಿ ಗೆದ್ದರು.

. ಅನುಪಮಾ ಉಪಾಧ್ಯಾಯ ಅವರು 13–21, 20–22ರಲ್ಲಿ ತೈವಾನ್ನ ಪೆಂಗ್ ಯು ವೀಯಿ ವಿರುದ್ಧ ಸೋತರು. ಶ್ರೀಯಾಂಶಿ ವಾಲಿಶೆಟ್ಟಿ ಅವರು 14–21, 21–13, 21–19ರಿಂದ ಕೆನಡಾದ ವೆನ್ ಯು ಝಂಗ್ ವಿರುದ್ಧ ಜಯಿಸಿದರು.

. ತಾನ್ಯಾ ಹೇಮಂತ್ ಅವರು 11–21, 13–21ರಿಂದ ಏಳನೇ ಶ್ರೇಯಾಂಕದ ಆಟಗಾರ್ತಿ, ಡೆನ್ಮಾರ್ಕ್ನ ಜೂಲಿ ಜೇಕಬ್ಸನ್ ಅವರಿಗೆ ಶರಣಾದರು.

. ಮಿಶ್ರ ಡಬಲ್ಸ್ನಲ್ಲಿ ಧ್ರುವ್ ರಾವತ್ ಹಾಗೂ ಮನೀಷಾ ಕೆ. ಅವರು 16–21, 7–21ರಿಂದ ತೈವಾನ್ನ ಝಿ ವೀಯಿ ಹೆ– ಲಿಯಾಂಗ್ ಶಿಂಗ್ ಸನ್ ಜೋಡಿಗೆ ಮಣಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಥಾಯ್ಲೆಂಡ್‌ ಮಾಸ್ಟರ್ಸ್‌: ಕಿರಣ್‌, ತರುಣ್‌ ಶುಭಾರಂಭ

ಚಿನಕುರುಳಿ ಕಾರ್ಟೂನು: ಬುಧವಾರ, 28 ಜನವರಿ 2026

ವಿಮಾನ ದುರಂತದಲ್ಲಿ ಮಹಾರಾಷ್ಟ್ರ ಡಿಸಿಎಂ ಅಜಿತ್ ಪವಾರ್‌ ಸಾವು

ಚುರುಮುರಿ: ಗೇಮ್ ಪ್ಲಾನ್

ಡೆಲ್ಟಾ ಬೀಚ್‌ನಲ್ಲಿ ಮಗುಚಿ ಬಿದ್ದ ದೋಣಿ: ಯೂಟ್ಯೂಬರ್ ನಿಶಾ, ಮಧು ಗೌಡ ಗೆಳತಿ ಸಾವು