ಕವಿತೆ: ಒಂದಾನೊಂದು ಕಾಲದಲ್ಲಿ

ಒಂದಾನೊಂದ ಕಾಲದಲ್ಲಿ, ಮಗನೆ ಅವರು ಅವರ ಹೃದಯದಿಂದ ನಗುತ್ತಿದ್ದರು ಮತ್ತವರ ನಯನಗಳಿಂದ ನಗುತ್ತಿದ್ದರು, ಆದರೀಗವರು ಕೇವಲ ತಮ್ಮ ದಂತಗಳಿಂದ ನಗುತ್ತಾರೆ ಅವರ ಭಾವರಹಿತ ನೇತ್ರಗಳು ನನ್ನ ನೆರಳಿನ ಹಿಂದೆ ಹುಡುಕಾಡುತ್ತವೆ.

. ಒಂದು ಕಾಲವಿತ್ತು - ಅಲ್ಲಿ ಅವರು ಅವರ ಹೃದಯದಿಂದ ಹಸ್ತಲಾಘವ ನೀಡುತ್ತಿದ್ದರು ಆದರದು ಹೋಯಿತು, ಮಗನೆ ಈಗವರದ್ದು ಹೃದಯವಿರದ ಹಸ್ತಲಾಘವ, ಆಗವರ ಎಡ ಹಸ್ತ ತಡಕಾಡುತ್ತದೆ ನನ್ನ ಖಾಲಿ ಕಿಸೆಗಳನ್ನು.

. ‘ನಿಮ್ಮದೇ ಮನೆಯೆಂದು ಭಾವಿಸಿ!’, ‘ಮತ್ತೆ ಬನ್ನಿ’ ಎನ್ನುತ್ತಾರೆ ಮತ್ತು ನಾ ಬಂದರೆ ಪುನಃ ಹಾಗೆ ಭಾವಿಸಿದರೆ ಮನೆಯಂತೆಂದು ಒಮ್ಮೆ, ಇನ್ನೊಮ್ಮೆ, ಅಲ್ಲಿ ಮಗದೊಮ್ಮೆ ಇರುವುದಿಲ್ಲ ನನಗಲ್ಲಿ ಬಾಗಿಲುಗಳು ಬಂದಾಗಿದ್ದನ್ನು ಕಾಣುತ್ತೇನೆ.

. ಹೀಗೆ ಹಲವು ಸಂಗತಿಗಳನ್ನು ಕಲಿತೆ, ಮಗನೆ ಅನೇಕ ಮುಖಗಳನ್ನು ಧರಿಸುವುದನ್ನು ಕಲಿತೆ ನಾನು ವೇಷತೊಟ್ಟಂತೆ - ಮನೆಯ ಮುಖ ಕಛೇರಿಯ ಮುಖ - ಹಾದಿ ವದನ - ಅತಿಥೇಯ ಮುಖ ಕಾಕ್ಟೈಲ್ ಮುಖ, ಅವುಗಳಿಗೊಪ್ಪುವಂತೆ ನಗು ಚಿತ್ರಪಟದ ನಿಶ್ಚಲ ನಗುವಿನಂತೆ.

. ಮತ್ತೆ ನಾನೂ ಸಹ ಕಲಿತೆ, ದಂತಪಂಕ್ತಿಗಳಿಂದಷ್ಟೇ ನಗುವುದನ್ನು ಹಾಗೇ ಹೃದಯರಹಿತ ಹಸ್ತಲಾಘವ ನೀಡುವುದನ್ನು ‘ಶುಭ ವಿದಾಯ’ವೆನ್ನುವುದನ್ನು ಸಹ ಕಲಿತೆ ‘ಒಳ್ಳೆಯ ಬಿಡುಗಡೆ’ ಎಂದರ್ಥವಾದಾಗ. ‘ಭೇಟಿಯಾದದ್ದು ಸಂತೋಷ’ ಎನ್ನುವುದು ಸಂತೋಷವಿರದಿದ್ದರೂ, ‘ನಿಮ್ಮೊಂದಿಗಿನ ಮಾತು ಹಿತವಾಗಿತ್ತು’ ಎನ್ನುವುದನ್ನು -ಬೇಸರಗೊಂಡ ಅನಂತರ.

. ಆದರೆ ನನ್ನನ್ನು ನಂಬು, ಮಗನೆ, ನಾನು ಹೇಗಿದ್ದೆನೋ ಹಾಗೇ ಇರಬೇಕು ನಾನು, ನಿನ್ನಂತೆ ಇದ್ದಾಗ ಎಂದುಕೊಳ್ಳುತ್ತೇನೆ. ನಾನು ಈ ಜಡ ಸಂಗತಿಗಳಿಂದ ಬಿಡುಗಡೆ ಪಡೆಯಲಿಚ್ಛಿಸುತ್ತೇನೆ ಬಹಳಷ್ಟು ಪುನಃ ಕಲಿಯಲು ನಗುವುದು ಹೇಗೆಂದು, ನನ್ನ ನಗು ದರ್ಪಣದಲ್ಲಿ ಕಾಣಿಸುತ್ತದೆ - ನನ್ನ ದಂತ ಕೇವಲ ಹಾವಿನ ನಗ್ನ ಹಲ್ಲುಗಳಂತೆ !

. ಆದ್ದರಿಂದ ತೋರು ನನಗೆ, ಮಗನೆ ನಗುವುದು ಹೇಗೆಂದು’ ತೋರು ನನಗೆ ಹೇಗೆ ಹೇಗೆ ನಗುತ್ತಿದ್ದೆ ಹಾಗೆ ನಿನ್ನಂತಿದ್ದಾಗ ಹೇಗೆ ಒಂದಾನೊಂದು ಕಾಲದಲ್ಲಿ ನಗುತ್ತಿದ್ದೆ ಎಂಬುದನ್ನು

. ಮೂಲ : ಗೇಬ್ರಿಯಲ್ ಒಕಾರ, (ನೈಜೀರಿಯನ್ ಕವಿ) ಕನ್ನಡಕ್ಕೆ : ರವೀಂದ್ರ ಭಟ್ಟ ಕುಳಿಬೀಡು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವಿತೆ: ಒಂದಾನೊಂದು ಕಾಲದಲ್ಲಿ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು