ಕಥೆ: ನಿಮ್ಮದು ಇಂಟರ್‌ ರಿಲೀಜಿಯನ್‌ ಮ್ಯಾರೇಜ್‌ ಅಲ್ವಾ?

ಯೇಜಸ್ ಪಾಷ ಅಜ್ಜಪನ ಹಳ್ಳಿ

. ಈಗ ಎಲ್ಲಿ ಹೋದರೂ ಸ್ನೇಹಿತರಿಂದ ಹಿಡಿದು, ಬಂಧು ಬಳಗದವರು ಸೇರಿ ನಮ್ಮಿಬ್ಬರಿಗೆ ಕೇಳುವ ಒಂದೇ ಪ್ರಶ್ನೆ

. ‘ನಿಮ್ಮದು ಇಂಟರ್ ರಿಲೀಜಿಯನ್ ಮ್ಯಾರೇಜ್ ಅಲ್ವಾ?’

. ಈ ಪ್ರಶ್ನೆ ಕೇಳುವಾಗ ನಾನು ಒಳ್ಳೆಯ ಗಂಡನಾ, ಜವಾಬ್ದಾರಿಯುತ ಮನುಷ್ಯನಾ, ಜೀವನ ಚೆನ್ನಾಗಿದೆಯಾ, ಅವಳು ಹೇಗಿದ್ದಾಳೆ ಇದ್ಯಾವುದು ಅವರಿಗೆ ಮುಖ್ಯವಲ್ಲ.

. ಅವಳು ಹಿಂದೂ, ನಾನು ಮುಸ್ಲಿಂ ಅಷ್ಟೇ ಅವರಿಗೆ ಮುಖ್ಯ.

. ಈ ಎರಡು ಪದಗಳ ಅಗತ್ಯ ನಮಗಿರಲಿಲ್ಲ.

. ಗುಡಿ ಮಸೀದಿ ಚರ್ಚುಗಳ ಬಿಟ್ಟು ಹೊರಬನ್ನಿ ಎಂಬ ಕುವೆಂಪುರವರ ಮಾತುಗಳಷ್ಟೇ ನಮಗೆ ಈಗಿನ ದ್ವೇಷ ಸಮಾಜದಲ್ಲಿ ಮುಖ್ಯವಾಗಿತ್ತು.

. ಇವುಗಳ ಹೊರತಾಗಿ ನಮಗೆ ಏನು ಕಾಣಲಿಲ್ಲ.

. ಪ್ರೀತಿಯನ್ನು ಮನೆಗೆ ಹೇಳಿದ ದಿನ ನನ್ನ ಮನೆಯೊಳಗೆ ಮೌನ ಮಾತನಾಡುತ್ತಿತ್ತು.

. ಆ ಮೌನ ಒಪ್ಪಿಗೆ ಇಲ್ಲದ-ನಿಷೇಧಕ್ಕೆ ಸ್ಪಷ್ಟವಾಗಿತ್ತು.

. ನಿನ್ನಿಂದ ನಮ್ಮ ಕುಟುಂಬದಲ್ಲಿ ತಲೆ ಎತ್ತಿ ಮಾತನಾಡಲು ಸಾಧ್ಯವಿಲ್ಲ ಅಮ್ಮನ ಮಾತು.

. ಆದರೆ ನಾನು ತಲೆ ಎತ್ತಿದ್ದೇನೆ. ಸಮಾಜದ ಬದಲಾವಣೆ ಶುರುವಾಗಲಿ ನಮ್ಮಿಂದಲೇ ಎನ್ನುತ್ತ.

. ಅವಳ ಮನೆಯಲ್ಲಿ ಕೂಡ ಇದೇ ಕಥೆ. ಅವಳ ಕಣ್ಣೀರ ಪ್ರೀತಿಯ ಕಥೆಗಳಿಗೆ ಬೆಲೆ ಇರಲಿಲ್ಲ.

. ಆಕೆಯ ಭಯ, ಒತ್ತಡ, ಅವಳ ಕೈ ಹಿಡಿದ ಕ್ಷಣದಲ್ಲಿ ಅರ್ಥವಾಗಿತ್ತು.

. ಇಬ್ಬರ ಮನಸ್ಸಲ್ಲಿ ಒಂದೇ ಗುರಿ ಈ ದಾರಿಯಲ್ಲಿ ಕಷ್ಟ ಇರಬಹುದು, ಸುಖ ಬರಬಹುದು ಆದರೆ ಹಿಂದೆ ಸರಿಯುವುದು ಬೇಡ.

. ಆ ದಿನ ಬೆಳಿಗ್ಗೆ ನನ್ನ ಮೊಬೈಲ್ಗೆ ಬಂದ ಸಂದೇಶ ನನಗೆ ಭಯ ಮೂಡಿಸಿತ್ತು.

. ಮನೆಯಲ್ಲಿ ಏನಾಗುತ್ತದೆ ಎಂಬ ಕಲ್ಪನೆಯೂ ನನಗಿಲ್ಲ, ಎಲ್ಲವನ್ನೂ ತೊರೆದು ಬರುತ್ತಿದ್ದೇನೆ.

. ನಾನಿದ್ದೇನೆ, ಬಾ ಅಷ್ಟೇ ನನ್ನ ಉತ್ತರವಾಗಿತ್ತು.

. ವಿಶೇಷ ವಿವಾಹ ಕಾಯಿದೆ ನಮಗೆ ಸಂವಿಧಾನ ಕೊಟ್ಟಿರುವ ಶಕ್ತಿ, ಕಾನೂನು ಕೊಟ್ಟ ದಾರಿ.

. ನಾವಿಬ್ಬರೂ ಸೀದಾ ನಡೆದದ್ದು ವಿವಾಹ ನೋಂದಣಿ ಕಚೇರಿಗೆ, ಆ ಕಚೇರಿಯಲ್ಲಿ ಕಾನೂನು ಮಾತ್ರ ಇರಲಿಲ್ಲ. ಸಮಾಜವು ಕುಳಿತಿತ್ತು.

. ‘ಇಂಟರ್ ರಿಲೀಜಿಯನ್ ಅಲ್ವಾ?’

. ನೋಂದಣಿ ಅಧಿಕಾರಿ ಕೇಳಿದರು.

. ಅದು ಕಾನೂನಿನ ಪ್ರಶ್ನೆಯಲ್ಲ. ಅನುಮಾನದ ಧ್ವನಿಯಾಗಿತ್ತು.

. ‘ನಾಳೆ ಜಗಳ ಗಿಗಳ ಆದರೆ ಕೋರ್ಟ್ಗೆ ಬರಬೇಡಿ. ಇವತ್ತು ಪ್ರೀತಿ ಗೀತಿ ಅಂತೀರ, ನಾಳೆ ದೂರು ತರುತ್ತೀರ’ ಎಂದರು.

. ಇವು ಸಲಹೆಗಳಂತೆ ಕಾಣಬಹುದು.

. ಆದರೆ ಅವು ಪ್ರೀತಿಗೆ ಹಾಕಿದ ಗಡಿ, ಗಡಿಗಳ ಮೀರಿ ಗೆಳೆತನ ಮಾಡೋಣ ಎನ್ನುವವರು ನಾವು, ಇದಕ್ಕೆಲ್ಲ ಅಂಜುವವರಲ್ಲ ಎಂದು ನನ್ನ ಮಾತು ಮುಂದುವರೆಸಿದೆ.

. ಸರ್, ನಿಮ್ಮ ಅಮೂಲ್ಯವಾದ ಸಲಹೆಗಳಿಗೆ ಧನ್ಯವಾದಗಳು. ನಮ್ಮ ಬದುಕಿನ ಹೊಣೆ ನಾವು ಹೊರುತ್ತೇವೆ ಎಂದು ಹೇಳಿದಾಗ ನನ್ನ ಧ್ವನಿ ನಡುಗಲಿಲ್ಲ.

. ಸಹಿ ಹಾಕಿದಾಗ ಖಡ್ಗ ಹಿಡಿದು ಯುದ್ಧಕ್ಕೆ ಹೊರಟ ರಾಜಕುಮಾರನಂತೆ ಕೈ ಲೇಖನಿಯನ್ನು ಗಟ್ಟಿಯಾಗಿ ಹಿಡಿದಿತ್ತು. ನನ್ನ ಬಾಯಿ ಬಿಟ್ಟೊಡನೆ ಅಧಿಕಾರಿಯ ಬಾಯಿ ಕಟ್ಟಿತ್ತು.

. ಆ ಸಹಿ ನನಗೆ ಗಂಡನ ಸ್ಥಾನ ಮಾತ್ರ ಕೊಡಲಿಲ್ಲ, ಓರ್ವ ಹೆಣ್ಣಿನ ಬದುಕಿನ ಹೊಣೆಯನ್ನು ಕೊಟ್ಟಿತ್ತು.

. ಮದುವೆ ನೋಂದಣಿ ನಂತರ ಎಲ್ಲವೂ ಸರಿಯಾಗುತ್ತದೆ ಎಂದುಕೊಂಡಿದ್ದೆ ಆದರೆ ಅದಾಗಲಿಲ್ಲ.

. ಮನೆ ಹುಡುಕುವಾಗ ನಿಮ್ಮ ಹೆಸರೇನು, ಜಾತಿ ಯಾವುದು, ಧರ್ಮ ಯಾವುದು, ನೀವು ಸಸ್ಯಹಾರಿಯಾ, ಮಾಂಸಹಾರಿಯಾ, ನಿಮ್ಮ ಹೆಸರು ಹೀಗೆ? ಅವರ ಹೆಸರು ಹಾಗೇ? ನಿಮ್ಮದು ಇಂಟರ್ ರಿಲೀಜಿಯನ್ ಮ್ಯಾರೇಜ? ಇದೇ ಪುನರಾವರ್ತನೆ ಪ್ರಶ್ನೆಗಳು

. ಆಸ್ಪತ್ರೆಯಲ್ಲಿ ‘ಹಸ್ಬೆಂಡ್ ಮುಸ್ಲಿಂನಾ’

. ಕಾನೂನು ನಮ್ಮನ್ನು ಗಂಡ -ಹೆಂಡತಿ ಎಂದು ಒಪ್ಪಿದೆ. ಸಮಾಜ ಇನ್ನೂ ಅನುಮಾನದಲ್ಲೆ ಇದೆ.

. ಇದು ಕೇವಲ ಪ್ರೀತಿಯ ಕಥೆಯಲ್ಲ.

. ಇದು ಸಂವಿಧಾನ ಕೊಟ್ಟ ಹಕ್ಕು ಮತ್ತು ಸಮಾಜ ಹೇರಿದ ಭಯ ಇವೆರಡರ ಮಧ್ಯೆ ನಿಂತ ಬದುಕು.

. ಈಗ ಎಲ್ಲಿ ಹೋದರು ಒಂದೇ ಪ್ರಶ್ನೆ ಕೇಳುತ್ತಾರೆ .

. ‘ನಿಮ್ಮದು ಇಂಟರ್ ರಿಲೀಜಿಯನ್ ಮ್ಯಾರೇಜಾ?’

. ಹೌದು, ನಾನು ಉತ್ತರ ಕೊಡುತ್ತೇನೆ.

. ಅದು ನನ್ನ ನಿಲುವು,

. ಅದೇ ನನ್ನ ಬದುಕು

. ‘ಹೌದಾ? ಹಾಗಾದರೇ ಮಗುವಿನ ಶಾಲೆಯ ಮಾತು ಬಂದಾಗ ಧರ್ಮದ ಕಾಲಮಿನಲ್ಲಿ ಏನು ಬರೆಯುತ್ತೀರಾ’

. ನೂರು ಮತದ ಹೊಟ್ಟ ತೂರಿ

. ಎಲ್ಲ ತತ್ತ್ವದೆಲ್ಲೇ ಮೀರಿ

. ನಿರ್ದಿಗಂತವಾಗಿ ಏರಿ

. ಓ ನನ್ನ ಚೇತನ ಆಗು ನೀ ಅನಿಕೇತನ!

. ವಿಶ್ವಮಾನವ ಧರ್ಮ ಎಂದು ಬರೆಯುತ್ತೇನೆ ಎಂದೇ.

. ಏಕೆಂದರೆ ಬದಲಾಗದಿದ್ದರೆ ನಾವಿಂದು ಜಗವ ಬದಲಾಯಿಸುವೆವೆಂದು ಹಾಡುಗಳೊಂದಿಗೆ ಬೆಳೆದವನು ನಾನು. ಕಟುತ್ತೇವೆ ಹೊಸ ನಾಡೊಂದನ್ನು, ಜಾತಿಯಿಲ್ಲದ ಭೀತಿಯಿಲ್ಲದ ನಾಡ ಕಟ್ಟುತ್ತೇನೆ, ಹೊಸ ಕನಸ ಕಟ್ಟುತ್ತೇವೆ ಹೊಸ ಸಮಾಜದೊಂದಿಗೆ ಕುಲವೆನ್ನದ ಮನುಜಕುಲದ ಹೊಸ ಹಾಡ ಬರೆಯುತ್ತ ಬದಲಾವಣೆಯೊಂದಿಗೆ ಸಾಗುತ್ತ.

. ***

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಥೆ: ನಿಮ್ಮದು ಇಂಟರ್‌ ರಿಲೀಜಿಯನ್‌ ಮ್ಯಾರೇಜ್‌ ಅಲ್ವಾ?

ಚಿನಕುರುಳಿ: ಶನಿವಾರ 21 ಫೆಬ್ರುವರಿ 2026

ಗುಂಡಣ್ಣ: ಶನಿವಾರ, 21 ಫೆಬ್ರುವರಿ 2026

ಚುರುಮುರಿ | ಬಿಟ್‌ ಬಿಟ್‌ ಪರೀಕ್ಷೆ!

ದಿನ ಭವಿಷ್ಯ: ಈ ರಾಶಿಯವರು ಹಣಕಾಸಿನ ಬಗ್ಗೆ ಜಾಗ್ರತೆ ವಹಿಸಿ

ಧ್ರುವ ಪ್ರಭಾಕರ್‌ ಶತಕ: ಮುಂಬೈ ಎದುರು ಕರ್ನಾಟಕ ಸಾಧಾರಣ ಮೊತ್ತ

ಏಷ್ಯನ್ ಕ್ರಾಸ್ ಕಂಟ್ರಿ: ಹರ್ಮನ್‌ಜ್ಯೋತ್ ಸಿಂಗ್‌ಗೆ ಬೆಳ್ಳಿ

T20 ವಿಶ್ವಕಪ್‌– ಸೂಪರ್ ಎಂಟು: ಭಾರತಕ್ಕೆ ಕಠಿಣ ಸವಾಲುಗಳುಂಟು!

ಪ್ರೊ ಲೀಗ್ ಹಾಕಿ: : ಸ್ಪೇನ್‌ ಎದುರು ಭಾರತಕ್ಕೆ ಸೋಲು

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಚಿನಕುರುಳಿ: ಶನಿವಾರ 21 ಫೆಬ್ರುವರಿ 2026

ಗುಂಡಣ್ಣ: ಶನಿವಾರ, 21 ಫೆಬ್ರುವರಿ 2026

ಚುರುಮುರಿ | ಬಿಟ್‌ ಬಿಟ್‌ ಪರೀಕ್ಷೆ!

ದಿನ ಭವಿಷ್ಯ: ಈ ರಾಶಿಯವರು ಹಣಕಾಸಿನ ಬಗ್ಗೆ ಜಾಗ್ರತೆ ವಹಿಸಿ