ಬನ್ನಿ ಗೆಳೆಯರೆ

Last Updated 31 ಆಗಸ್ಟ್ 2019, 19:45 IST

ಅಕ್ಷರ ಗಾತ್ರ

ಬನ್ನಿರಿ ಗೆಳೆಯರೆ ಆಡೋಣ
ನಾವು ನೀವು ಜೋಕಾಲಿ
ಅಕ್ಕತಂಗೇರು ಸೇರೋಣ
ಸೇರಿ ಆಡೋಣ ಜೋಕಾಲಿ

ಅಮ್ಮನು ಮಾಡಿದ ಗರಿಗರಿ
ಚಕ್ಕುಲಿ ತಿಂದು ನಾವು ಆಡೋಣ
ಅಜ್ಜಿಯು ಮಾಡಿದ ಕರ್ಚಿಕಾಯಿ
ಸವಿಯುತ ನಾವು ಹಾಡೋಣ

ಅಪ್ಪನು ತಂದ ಹೊಸಹೊಸ ಬಟ್ಟೆ
ತೊಟ್ಟು ನಾವು ಕುಣಿಯೋಣ
ಅಣ್ಣನು ಮಾಡಿದ ಕೊಬ್ಬರಿ
ಗಿರಿಕೆಯನ್ನು ಆಡೋಣ

ಅತ್ತಿಗೆ ತಂದ ಬೇಸನ ಉಂಡಿ
ಸವಿಯುತ ನಾವು ನಲಿಯೋಣ
ಮಾವನು ತಂದ ಬಣ್ಣದ ಬುಗರಿ
ಭರದಿಂದ ನಾವು ಆಡೋಣ

ಅಜ್ಜನು ಹೊಸೆದ ಹಗ್ಗದಿಂದ
ಜೋಕಾಲಿ ಕಟ್ಟೋಣ
ದೊಡ್ಡಪ್ಪನು ಮಾಡಿದ ಬಟ್ಟೆ ಚಂಡಲಿ
ದಪ್ಪೆದುಪ್ಪೆ ಆಡೋಣ

ಚಿಕ್ಕಮ್ಮ ಕೊಡುವ ಚಿನ್ನಿ ಸಕ್ಕರೆ
ಅಕ್ಕರೆಯಿಂದ ತಿನ್ನೋಣ
ಚಿಕ್ಕಪ್ಪ ಆಡಿಸುವ ಕುರಿಮರಿ
ಆಟ ಸರದಿ ಸಾಲಲ್ಲಿ ಅಡೋಣ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.