ಅಂತೆಯೇ ಜೀವನ ಕೂಡ. ಎಂದರೆ ನಮ್ಮ ಕಣ್ಣಿಗೆ ಯಶಸ್ಸು ಮಾತ್ರ ಕಾಣಿಸುತ್ತದೆ. ಆದರೆ ಅದರ ಹಿಂದಿರುವ ಆರಂಭ, ಅದರ ಜೊತೆಗೆ ಸಾಗಿದ ಪ್ರಯತ್ನ–ಸಾಧನೆಗಳು ಕಾಣವು. ಪರೀಕ್ಷೆಯಲ್ಲಿ ರ್ಯಾಂಕ್ ಬರಲು ಕಾರಣ ನಾವು ಬರೆದ ಪರೀಕ್ಷೆ ಮಾತ್ರವೇ ಕಾರಣವಲ್ಲವಷ್ಟೆ. ನಾವು ವರ್ಷಗಳ ಮೊದಲು ಶಾಲೆಗೆ ಸೇರಿದ್ದು, ಅಕ್ಷರಗಳನ್ನು ಕಲಿತಿದ್ದು, ದಿನವೂ ಪಾಠ ಕೇಳಿದ್ದು, ಶ್ರದ್ಧೆಯಿಂದ ಓದಿದ್ದು – ಹೀಗೆ ನಿರಂತರ ಪ್ರಯತ್ನದ ಫಲವಾಗಿಯೇ ಪರೀಕ್ಷೆಯಲ್ಲಿ ನಮಗೆ ಯಶಸ್ಸು ಸಿಗಲು ಸಾಧ್ಯ, ಅಲ್ಲವೆ?