ಅಖಿಲ ಭಾರತ ರೈಲ್ವೆ ದೇಹದಾರ್ಢ್ಯ ಸ್ಪರ್ಧೆ ಇಂದಿನಿಂದ

ಹುಬ್ಬಳ್ಳಿ: ನೈಋತ್ಯ ರೈಲ್ವೆ ಕ್ರೀಡಾ ಸಂಸ್ಥೆಯ ಆಶ್ರಯದಲ್ಲಿ ಮಾರ್ಚ್ 3 ಮತ್ತು 4ರಂದು ಅಖಿಲ ಭಾರತ ರೈಲ್ವೆ ದೇಹದಾರ್ಢ್ಯ ಸ್ಪರ್ಧೆ ನಡೆಯಲಿದೆ.



ಗದಗ ರಸ್ತೆಯ ಚಾಲುಕ್ಯ ರೈಲ್ವೆ ಸಂಸ್ಥೆಯಲ್ಲಿ ನಡೆಯಲಿರುವ ಸ್ಪರ್ಧೆಯಲ್ಲಿ ದೇಶದ ವಿವಿಧೆಡೆಯಿಂದ 120 ದೇಹದಾರ್ಢ್ಯಪಟುಗಳು ಭಾಗವಹಿಸಲಿದ್ದಾರೆ. ಹತ್ತು ವಿಭಾಗಗಳಲ್ಲಿ ಸ್ಪರ್ಧೆಗಳು ನಡೆಯಲಿವೆ.



55, 60, 65, 70, 75, 80, 85, 90, 100 ಮತ್ತು 100 ಕೆಜಿ ಮೇಲ್ಪಟ್ಟ ತೂಕದ ವಿಭಾಗಗಳಲ್ಲಿ ಸ್ಪರ್ಧೆಗಳು ಜರುಗಲಿವೆ.



ಗುರುವಾರ ಸಂಜೆ 5 ಗಂಟೆಗೆ  ಅರ್ಹತಾ ಸುತ್ತಿನ ಸ್ಪರ್ಧೆಗಳು ಆರಂಭವಾಗುತ್ತದೆ. ಮುಕ್ತಾಯ ಸಮಾರಂಭದವು 4ರಂದು ಸಂಜೆ 5ಕ್ಕೆ ನಡೆಯಲಿದೆ. ನೈಋತ್ಯ ರೈಲ್ವೆ ಮುಖ್ಯ ಪ್ರಬಂಧಕ ಕುಲದೀಪ್ ಚತುರ್ವೇದಿ ಪ್ರಶಸ್ತಿ ವಿತರಿಸುವರು ಎಂದು ಮುಖ್ಯ ಕಾರ್ಯದರ್ಶಿ ಎಸ್.ಕೆ. ಗುಪ್ತಾ ತಿಳಿಸಿದ್ದಾರೆ.