ಅಮ್ನೆಸ್ಟಿ ಇಂಟರ್ ನ್ಯಾಷನಲ್ ಅಲ್ಲ ಅದು ಆಂಟಿ ನ್ಯಾಷನಲ್

ಮೈಸೂರು: ಅಮ್ನೆಸ್ಟಿ ಇಂಟರ್ ನ್ಯಾಷನಲ್ ಅಲ್ಲ ಅದು ಆಂಟಿ ನ್ಯಾಷನಲ್ ಹಾಗೂ ಯುಪಿಎ ಸರ್ಕಾರದ ಚೇಲಾ ಎಂದು ಶ್ರೀರಾಮ ಸೇನೆಯ ರಾಷ್ಟ್ರೀಯ ಅಧ್ಯಕ್ಷ ಪ್ರಮೋದ್ ಮುತಾಲಿಕ್ ಬುಧವಾರ ಸುದ್ದಿಗೋಷ್ಟಿಯಲ್ಲಿ ಕಿಡಿಕಾರಿದರು.



ಕೂಡಲೇ ದೇಶದ ವಿರುದ್ಧ ಘೋಷಣೆ ಕೂಗಿದವರನ್ನು ಬಂಧಿಸಿ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು. ದೇಶ ದ್ರೋಹಿ ಎಂಬುದು ಕ್ಯಾನ್ಸರ್ ಇದ್ದಹಾಗೆ. ಈಗ ತುಮಕೂರಿನವರೆಗೂ ಬಂದಿದೆ. ಶೀಘ್ರವೆ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.



ಮೈಸೂರಿನಲ್ಲಿ ಆರ್ ಎಸ್ ಎಸ್ ಕಾರ್ಯಕರ್ತರ ರಾಜೀನಾಮೆ ಹತ್ಯೆಗೆ ಕಾರಣವಾಗಿರುವ ಸಂಘಟನೆಗಳನ್ನು ನಿಷೇಧಿಸಬೇಕು. ಈಚೆಗೆ ನಡೆಯುತ್ತಿರುವ ಹಿಂದೂಗಳ ಹತ್ಯೆ ಇಂತಹ ಸಂಘಟನೆಗಳ ವ್ಯವಸ್ಥಿತ ಪಿತೂರಿ ಎಂದು ಆರೋಪಿಸಿದರು.



ನಕಲಿ ಗೋ ರಕ್ಷಕರು ಎಂಬ ಪ್ರಧಾನಿ ಹೇಳಿಕೆಗೆ ಪ್ರತಿಕ್ರಿಯಿಸಿದ ಅವರು ಅಸಲು ಗೋರಕ್ಷಕರು ಪ್ರಧಾನಿಯಾಗಿದ್ದರೆ ಕೂಡಲೇ ಗೋಮಾಂಸ ರಫ್ತನ್ನು ನಿಷೇಧಿಸಲು ಎಂದು ಸವಾಲು ಹಾಕಿದರು.