ಈಜು: ಭಾರತಕ್ಕೆ ಮತ್ತೆ ಎರಡು ಸ್ವರ್ಣ ಪದಕ

ನವದೆಹಲಿ (ಪಿಟಿಐ): ಭಾರತದ ಈಜು ಸ್ಪರ್ಧಿಗಳು ಜಕಾರ್ತಾದಲ್ಲಿ ನಡೆಯುತ್ತಿರುವ ಏಳನೇ ಏಷ್ಯನ್ ವಯೋವರ್ಗ ಈಜು ಚಾಂಪಿಯನ್‌ಷಿಪ್‌ನಲ್ಲಿ ಮೂರನೇ ದಿನವಾದ ಬುಧವಾರವೂ ಪ್ರಾಬಲ್ಯ ಮೆರೆದರು.



ಎರಡು ಸ್ವರ್ಣ, ಮೂರು ಬೆಳ್ಳಿ ಹಾಗೂ ಎರಡು ಕಂಚಿನ ಪದಕ ಗೆಲ್ಲುವುದರೊಂದಿಗೆ ಈ ಚಾಂಪಿಯನ್‌ಷಿಪ್‌ನಲ್ಲಿ ಗೆದ್ದ ಒಟ್ಟು ಪದಕಗಳ ಸಂಖ್ಯೆಯನ್ನು ಭಾರತದವರು 24 ಆಗಿಸಿಕೊಂಡರು.



ವೀರ್‌ಧವಳ್ ಖಾಡೆ ಭಾರತದ ಖಾತೆಗೆ ಏಳು ಸ್ವರ್ಣ ಹಾಗೂ ಎರಡು ಬೆಳ್ಳಿ ಪಕದ ಸೇರಿಸಿದ್ದಾರೆ. ಖಾಡೆ 100 ಮೀ. ಫ್ರೀಸ್ಟೈಲ್ ಸ್ಪರ್ಧೆಯಲ್ಲಿ (ಕಾಲ: 0:50.31 ಸೆ.) ಬುಧವಾರ ಅಗ್ರಸ್ಥಾನದ ಗೌರವ ಪಡೆದರು. ಮೂರನೇ ದಿನ ಭಾರತಕ್ಕೆ ಇನ್ನೊಂದು ಬಂಗಾರ ಬಂದಿದ್ದು ರಿಚಾ ಮಿಶ್ರಾ ಪ್ರಯತ್ನದಿಂದ. ಅವರು 400 ಮೀ. ವೈಯಕ್ತಿಕ ಮೆಡ್ಲೆಯಲ್ಲಿ (4:33.77 ಸೆ.) ಮೊದಲಿಗರಾಗಿ ಗುರಿ ಮುಟ್ಟಿದರು.