ಸೋಮವಾರ, ಮಾರ್ಚ್ 8, 2021
31 °C

ಉ.ಕೊರಿಯಾ ವಿಶ್ವಕ್ಕೆ ಭೀತಿ ಒಡ್ಡಿದೆ: ಜಾನ್‌ ಕೆರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಉ.ಕೊರಿಯಾ ವಿಶ್ವಕ್ಕೆ ಭೀತಿ ಒಡ್ಡಿದೆ: ಜಾನ್‌ ಕೆರಿ

ಬೀಜಿಂಗ್‌ (ಎಎಫ್‌ಪಿ): ಅಣ್ವಸ್ತ್ರ ಸಜ್ಜಿತ ರಾಷ್ಟ್ರ ಉತ್ತರ ಕೊರಿಯಾ ‘ಜಗತ್ತಿಗೆ ಎದುರಾಗಿರುವ ಪ್ರತ್ಯಕ್ಷ್ಯ, ಘೋಷಿತ ಬೆದರಿಕೆ’ಯಾಗಿದೆ ಎಂದು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಜಾನ್ ಕೆರಿ ಅವರು ತಿಳಿಸಿದ್ದಾರೆ.

ಉತ್ತರ ಕೊರಿಯಾ ನಡೆಸಿದ ನಾಲ್ಕನೇ ಅಣ್ವಸ್ತ್ರ ಪರೀಕ್ಷೆಯ ಕುರಿತು ಚೀನಾ ವಿದೇಶಾಂಗ ಸಚಿವ ವಾಂಗ್ ಯೀ ಅವರೊಂದಿಗೆ ಚರ್ಚಿಸಿದ ಬಳಿಕ ಅವರು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.

‘ಸ್ವದೇಶ ಹಾಗೂ ಸ್ನೇಹಿತರನ್ನು ಮತ್ತು ಮೈತ್ರಿ ರಾಷ್ಟ್ರಗಳ ರಕ್ಷಣೆಗಾಗಿ ಅಮೆರಿಕವು ಅಗತ್ಯ ಇರುವ ಎಲ್ಲವನ್ನೂ ಅಮೆರಿಕ ಮಾಡಲಿದೆ’ ಎಂದು ವಾಂಗ್ ಜತೆಗಿನ ಜಂಟಿ ಸುದ್ದಿಗೋಷ್ಠಿಯಲ್ಲಿ ಕೆರಿ ನುಡಿದರು.

ಜನವರಿ 6ರಂದು ಉತ್ತರ ಕೊರಿಯಾ ‘ಜಲಜನಕ ಬಾಂಬ್’ ಸ್ಪೋಟ ಪರೀಕ್ಷೆ ನಡೆಸಿತ್ತು. ಇದು ವಿಶ್ವದ ಕೆಂಗಣ್ಣಿಗೆ ಕಾರಣವಾಗುವ ಜತೆಗೆ ಅಪಾರ ಆತಂಕವನ್ನೂ ಒಡ್ಡಿತ್ತು.

ಉತ್ತರ ಕೊರಿಯಾದ ನಡೆಯನ್ನು ಅಮೆರಿಕ ಸೇರಿದಂತೆ ವಿಶ್ವದ ಬಹುತೇಕ ರಾಷ್ಟ್ರಗಳು ಖಂಡಿಸಿದ್ದವು. ಚೀನಾ ಕೂಡ ಜಲಜನಕ ಬಾಂಬ್‌ ಪರೀಕ್ಷೆಯನ್ನು ಕಟುವಾಗಿ ಟೀಕಿಸಿತ್ತು. ಆದರೂ, ಉತ್ತರ ಕೊರಿಯಾ ಕುರಿತು ಚೀನಾ ಯಾವಾಗಲೂ ನಮ್ಯ ನೀತಿಯನ್ನೇ ಅನುಸರಿಸುತ್ತ ಬಂದಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.