<p><strong>ಚಿತ್ರದ ಬೆನ್ನು</strong></p>.<p>ಈ ಇರುವೆಯ ಮೇಲೆ<br /> ನನ್ನ ಭಾರದ ಹೆಜ್ಜೆಯನ್ನಿಟ್ಟೆ<br /> ತುಸು ಕಾಲದ ನಂತರ ತೆಗೆದೆ<br /> ಇರುವೆ ಮತ್ತೆ ಚಲಿಸುತ್ತಿದೆ<br /> ಏ ಸೂಜಿಯ ಗಾತ್ರದ <br /> ಜೀವವೇ <br /> ನನ್ನ ಭಾರ ಹೊರುವ ನಿನ್ನ <br /> ಬೆನ್ನಿಗೆ ಶರಣು</p>.<p>ಆ ಬೇಲಿಯ ದಡದಿ<br /> ನಿಧಾನಕ್ಕೆ ತೆವಳುತ್ತಿರುವ<br /> ಬಸವನ ಹುಳುವೇ<br /> ನನ್ನ ಭಾರ ಹೊರಲಾರದ <br /> ನಿನ್ನ ಮೃದುತ್ವಕ್ಕೆ <br /> ಶರಣು</p>.<p>ಅಲ್ಲಿ ಆ ಗಿಡದಲ್ಲಿ<br /> ನೂಲಿನ ಗಾತ್ರದ ಕಡ್ಡಿಯ ಮೇಲೆ<br /> ಉಯ್ಯಾಲೆಯಾಡುವ ಹಕ್ಕಿಯೇ<br /> ಕಡ್ಡಿ ಮುರಿಯದೆ ಆಡುವ ನಿನ್ನ <br /> ತೂಕಕ್ಕೆ ಶರಣು</p>.<p>ಅಗ್ನಿ ಮಾಂಸದ ಕುಲುಮೆಯಲಿ<br /> ನನ್ನ ಕಾಯಿಸಿ ಬಣ್ಣವ ಮಾಡಿ<br /> ಮರಳಿ ನನ್ನ ರೂಪವನೇ ಕಡೆವ<br /> ಏ ನನ್ನಾಳದ ಅಳುವೇ<br /> ನನ್ನ ಚಿತ್ರಕೇಕೆ ಬೆನ್ನು ಬರೆವೆ<br /> <br /> <strong>ಹೆಜ್ಜೆಯ ಹಿಂದೆ...</strong></p>.<p>ಬಾ ಗೆಳತಿ <br /> ಚೂರಾದ ಮುಖಗಳನು ಆಯೋಣ<br /> ಎಲ್ಲಾದರೂ <br /> ನಗು ಮೆತ್ತಿಕೊಂಡಿದ್ದರೆ, <br /> ನಮ್ಮ ತುಟಿಗಳಿಗೆ ತುಂಬಿಕೊಳ್ಳೋಣ... <br /> <br /> ಎಲ್ಲಾದರೂ <br /> ಅಳು ಅಂಟಿಕೊಂಡಿದ್ದರೆ, <br /> ನಮ್ಮ ಕಣ್ಣುಗಳಿಗೆ ಬಸಿದುಕೊಳ್ಳೋಣ...<br /> <br /> ಬಾ ಗೆಳತಿ <br /> ಚೂರಾದ ಎದೆಗಳನು ಆಯೋಣ <br /> ಎಲ್ಲಾದರೂ ಹದವಿದ್ದರೆ, <br /> ಅಲ್ಲಿ ಬೀಜಗಳಾಗಿ ಮೊಳೆಯೋಣ...<br /> <br /> <strong>ಅವ್ವ ನಿಂತೇಯಿದ್ದಾಳೆ</strong></p>.<p>ಕಿಟಕಿಯ ಕಂಬಿಗಳ ಹಿಂದೆ<br /> ಅವ್ವ ನಿಂತಿದ್ದಾಳೆ<br /> ಕಣ್ಣಲ್ಲಿ ನೀರು ಈಚಲು ಮರದಲ್ಲಿ <br /> ಸೇಂಧಿ ತೊಟ್ಟಿಕ್ಕುವಂತೆ</p>.<p>ಅವಳ ಕಣ್ಣೀರ ಆತುಕೊಳ್ಳಲು ಹೋದೆ<br /> ಕೈ ಸುಟ್ಟಿತು<br /> ಮನೆ ತುಂಬ ಹೊಗೆಯ ಬಲೆ<br /> ಮುರಿದ ತೀರುಗಳ ತೂರಿ ಬರುವ <br /> ಸೂರ್ಯನಾಲಗೆ<br /> ನಿಂತಲ್ಲೇ ಉರಿಯುವೆನು<br /> ಯಾರಿಟ್ಟ ಕಿಚ್ಚಿಗೋ...</p>.<p>ಅವ್ವ ನಿಂತೇ ಇದ್ದಾಳೆ<br /> ಕಪ್ಪು ಜಡೆ ಉದುರಿ ಒಣ ಗರಿಕೆಯಂತಾಗಿ<br /> ಶಿಲೆಯಂತೆ<br /> ಹತ್ತಿರ ಹೋಗಿ ಅವಳ ಕಿಟಕಿ ದಾಟಿದ<br /> ನೋಟವನೇರಿ ನೋಡಿದರೆ<br /> ಆಚೆ ಆ ಕೊಪ್ಪಲಲಿ ಅವನು ಮಲಗಿದ್ದಾನೆ<br /> ನಿನ್ನೆ ಮದುವೆಯಾದ ಹೆಂಡಿರೊಡನೆ<br /> ಮೊಲೆ ಚೆಂಡಿನೊಡನೆ</p>.<p>ಅವನೇ ನಾನು ನಿದ್ದೆಗಣ್ಣಲಿ ಎದ್ದಾಗ<br /> ಸೇಬು ಕೊಟ್ಟವನು<br /> ಅಪ್ಪನ ಹೆಣ ಬೀದಿಯಲಿ ಸಾಗುವಾಗ <br /> ಅಳುವ ಅವ್ವನ ತುಟಿಗೆ ನಗುವ <br /> ಬಳಿದವನು</p>.<p>ಹೊಲಸ ಕೆರೆ ತೊರೆದು ವಲಸೆ ಹೋದ ಹಕ್ಕಿ ನಾನು<br /> ಮತ್ತೆ ಬಂದಿರುವೆ ಮೈ ಸುಟ್ಟು<br /> ಅವ್ವ ನಿಂತೇಯಿದ್ದಾಳೆ<br /> ನೀರಿಲ್ಲದ ಕೆರೆಯಲ್ಲಿ ಒಣಗಿದ ಏಡಿಯಂತೆ<br /> ನನ್ನ ನೋಡದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಿತ್ರದ ಬೆನ್ನು</strong></p>.<p>ಈ ಇರುವೆಯ ಮೇಲೆ<br /> ನನ್ನ ಭಾರದ ಹೆಜ್ಜೆಯನ್ನಿಟ್ಟೆ<br /> ತುಸು ಕಾಲದ ನಂತರ ತೆಗೆದೆ<br /> ಇರುವೆ ಮತ್ತೆ ಚಲಿಸುತ್ತಿದೆ<br /> ಏ ಸೂಜಿಯ ಗಾತ್ರದ <br /> ಜೀವವೇ <br /> ನನ್ನ ಭಾರ ಹೊರುವ ನಿನ್ನ <br /> ಬೆನ್ನಿಗೆ ಶರಣು</p>.<p>ಆ ಬೇಲಿಯ ದಡದಿ<br /> ನಿಧಾನಕ್ಕೆ ತೆವಳುತ್ತಿರುವ<br /> ಬಸವನ ಹುಳುವೇ<br /> ನನ್ನ ಭಾರ ಹೊರಲಾರದ <br /> ನಿನ್ನ ಮೃದುತ್ವಕ್ಕೆ <br /> ಶರಣು</p>.<p>ಅಲ್ಲಿ ಆ ಗಿಡದಲ್ಲಿ<br /> ನೂಲಿನ ಗಾತ್ರದ ಕಡ್ಡಿಯ ಮೇಲೆ<br /> ಉಯ್ಯಾಲೆಯಾಡುವ ಹಕ್ಕಿಯೇ<br /> ಕಡ್ಡಿ ಮುರಿಯದೆ ಆಡುವ ನಿನ್ನ <br /> ತೂಕಕ್ಕೆ ಶರಣು</p>.<p>ಅಗ್ನಿ ಮಾಂಸದ ಕುಲುಮೆಯಲಿ<br /> ನನ್ನ ಕಾಯಿಸಿ ಬಣ್ಣವ ಮಾಡಿ<br /> ಮರಳಿ ನನ್ನ ರೂಪವನೇ ಕಡೆವ<br /> ಏ ನನ್ನಾಳದ ಅಳುವೇ<br /> ನನ್ನ ಚಿತ್ರಕೇಕೆ ಬೆನ್ನು ಬರೆವೆ<br /> <br /> <strong>ಹೆಜ್ಜೆಯ ಹಿಂದೆ...</strong></p>.<p>ಬಾ ಗೆಳತಿ <br /> ಚೂರಾದ ಮುಖಗಳನು ಆಯೋಣ<br /> ಎಲ್ಲಾದರೂ <br /> ನಗು ಮೆತ್ತಿಕೊಂಡಿದ್ದರೆ, <br /> ನಮ್ಮ ತುಟಿಗಳಿಗೆ ತುಂಬಿಕೊಳ್ಳೋಣ... <br /> <br /> ಎಲ್ಲಾದರೂ <br /> ಅಳು ಅಂಟಿಕೊಂಡಿದ್ದರೆ, <br /> ನಮ್ಮ ಕಣ್ಣುಗಳಿಗೆ ಬಸಿದುಕೊಳ್ಳೋಣ...<br /> <br /> ಬಾ ಗೆಳತಿ <br /> ಚೂರಾದ ಎದೆಗಳನು ಆಯೋಣ <br /> ಎಲ್ಲಾದರೂ ಹದವಿದ್ದರೆ, <br /> ಅಲ್ಲಿ ಬೀಜಗಳಾಗಿ ಮೊಳೆಯೋಣ...<br /> <br /> <strong>ಅವ್ವ ನಿಂತೇಯಿದ್ದಾಳೆ</strong></p>.<p>ಕಿಟಕಿಯ ಕಂಬಿಗಳ ಹಿಂದೆ<br /> ಅವ್ವ ನಿಂತಿದ್ದಾಳೆ<br /> ಕಣ್ಣಲ್ಲಿ ನೀರು ಈಚಲು ಮರದಲ್ಲಿ <br /> ಸೇಂಧಿ ತೊಟ್ಟಿಕ್ಕುವಂತೆ</p>.<p>ಅವಳ ಕಣ್ಣೀರ ಆತುಕೊಳ್ಳಲು ಹೋದೆ<br /> ಕೈ ಸುಟ್ಟಿತು<br /> ಮನೆ ತುಂಬ ಹೊಗೆಯ ಬಲೆ<br /> ಮುರಿದ ತೀರುಗಳ ತೂರಿ ಬರುವ <br /> ಸೂರ್ಯನಾಲಗೆ<br /> ನಿಂತಲ್ಲೇ ಉರಿಯುವೆನು<br /> ಯಾರಿಟ್ಟ ಕಿಚ್ಚಿಗೋ...</p>.<p>ಅವ್ವ ನಿಂತೇ ಇದ್ದಾಳೆ<br /> ಕಪ್ಪು ಜಡೆ ಉದುರಿ ಒಣ ಗರಿಕೆಯಂತಾಗಿ<br /> ಶಿಲೆಯಂತೆ<br /> ಹತ್ತಿರ ಹೋಗಿ ಅವಳ ಕಿಟಕಿ ದಾಟಿದ<br /> ನೋಟವನೇರಿ ನೋಡಿದರೆ<br /> ಆಚೆ ಆ ಕೊಪ್ಪಲಲಿ ಅವನು ಮಲಗಿದ್ದಾನೆ<br /> ನಿನ್ನೆ ಮದುವೆಯಾದ ಹೆಂಡಿರೊಡನೆ<br /> ಮೊಲೆ ಚೆಂಡಿನೊಡನೆ</p>.<p>ಅವನೇ ನಾನು ನಿದ್ದೆಗಣ್ಣಲಿ ಎದ್ದಾಗ<br /> ಸೇಬು ಕೊಟ್ಟವನು<br /> ಅಪ್ಪನ ಹೆಣ ಬೀದಿಯಲಿ ಸಾಗುವಾಗ <br /> ಅಳುವ ಅವ್ವನ ತುಟಿಗೆ ನಗುವ <br /> ಬಳಿದವನು</p>.<p>ಹೊಲಸ ಕೆರೆ ತೊರೆದು ವಲಸೆ ಹೋದ ಹಕ್ಕಿ ನಾನು<br /> ಮತ್ತೆ ಬಂದಿರುವೆ ಮೈ ಸುಟ್ಟು<br /> ಅವ್ವ ನಿಂತೇಯಿದ್ದಾಳೆ<br /> ನೀರಿಲ್ಲದ ಕೆರೆಯಲ್ಲಿ ಒಣಗಿದ ಏಡಿಯಂತೆ<br /> ನನ್ನ ನೋಡದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
