ಎನ್‌ಎಲ್‌ಸಿ: ಷೇರು ಮಾರಾಟಕ್ಕೆ ಒಪ್ಪಿಗೆ

ನವದೆಹಲಿ (ಪಿಟಿಐ): ನೈವೇಲಿ ಲಿಗ್ನೈಟ್ (ಎನ್‌ಎಲ್‌ಸಿ) ಕಂಪೆನಿಯಲ್ಲಿ ಸರ್ಕಾರ ಹೊಂದಿರುವ ಪಾಲಿನಲ್ಲಿ ಶೇ 5ರಷ್ಟು ಷೇರುಗಳನ್ನು ಮಾರಾಟ ಮಾಡಲು ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ (ಸಿಸಿಇಎ) ಶುಕ್ರವಾರ ಅನುಮತಿ ನೀಡಿದೆ.



ಆಫರ್ ಫಾರ್ ಸೇಲ್ (ಒಎಫ್‌ಎಸ್) ಮೂಲಕ ಈ ಷೇರುಗಳು  ಮಾರಾಟವಾಗಲಿದ್ದು ರೂ 466 ಕೋಟಿ ಸಂಗ್ರಹವಾಗುವ ನಿರೀಕ್ಷೆ ಇದೆ. ಒಟ್ಟು 7.8 ಕೋಟಿ ಷೇರುಗಳು ಮಾರಾಟವಾಗಲಿವೆ ಎಂದು ಷೇರು ವಿಕ್ರಯ ಇಲಾಖೆ ಹೇಳಿದೆ.