ಎರಡು ಹಂತದ ಆಡಳಿತಕ್ಕೆ ಒತ್ತಾಯ

ಬೆಂಗಳೂರು: `ಕೆಎಸ್‌ಆರ್‌ಟಿಸಿಯಲ್ಲಿರುವ ಮೂರು ಹಂತದ ಆಡಳಿತವನ್ನು ರದ್ದುಪಡಿಸಿ ಎರಡು ಹಂತದ ಆಡಳಿತವನ್ನು ಜಾರಿಗೆ ತರಬೇಕು~ ಎಂದು ರಾಜ್ಯ ರಸ್ತೆ ಸಾರಿಗೆ ಮಜ್ದೂರು ಸಂಘ ಒಕ್ಕೂಟ ಸಾರಿಗೆ ಸಚಿವರನ್ನು ಆಗ್ರಹಿಸಿದೆ.



ಸಾರಿಗೆ ಸಚಿವರನ್ನು ಒಕ್ಕೂಟದ ಪದಾಧಿಕಾರಿಗಳು ಸೋಮವಾರ ಭೇಟಿ ಮಾಡಿ ಮನವಿ ಸಲ್ಲಿಸಿ, `ಈ ಹಿಂದೆ ಬಿಎಂಟಿಸಿ ಎರಡು ಹಂತದ ಆಡಳಿತ ವ್ಯವಸ್ಥೆಯಲ್ಲಿ ಪ್ರತಿ ವರ್ಷ ರೂ 200 ಕೋಟಿ ಲಾಭ ಗಳಿಸುತ್ತಿತ್ತು. ಸಂಸ್ಥೆ ಇತ್ತೀಚಿನ ದಿನಗಳಲ್ಲಿ ನಷ್ಟ ಹೊಂದಲು ಮೂರು ಹಂತದ ಆಡಳಿತವನ್ನು ಜಾರಿಗೊಳಿಸಿರುವುದು ಕಾರಣ~ ಎಂದು ದೂರಿದರು.