ಶುಕ್ರವಾರ, ಏಪ್ರಿಲ್ 16, 2021
31 °C

`ಎಸ್‌ಎಂಇ' ನೋಂದಣಿ ಬಿಗಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಂಬೈ (ಪಿಟಿಐ): ಮುಂಬೈ ಷೇರು ವಿನಿಮಯ ಕೇಂದ್ರದಲ್ಲಿ(ಬಿಎಸ್‌ಇ)  ಷೇರು ವಹಿವಾಟಿಗೆ ಸಂಬಂಧಿಸಿದಂತೆ ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಉದ್ಯಮ(ಎಸ್‌ಎಂಇ) ವಲಯದ  ಕಂಪೆನಿಗಳ ನೋಂದಣಿ ನಿಯಮವನ್ನು ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಇನ್ನಷ್ಟು ಬಿಗಿಗೊಳಿಸಿದೆ. 

ಇನ್ನು ಮುಂದೆ `ಎಸ್‌ಎಂಇ' ವಲಯದ ಕಂಪೆನಿಯೊಂದು ಷೇರು ವಹಿವಾಟಿಗೆ ನೋಂದಣಿ ಮಾಡಿಕೊಳ್ಳಬೇಕಿದ್ದರೆ, `ಬಿಎಸ್‌ಇ' ಅಧಿಕಾರಿಗಳು ಖುದ್ದಾಗಿ ಆ ಕಂಪೆನಿಗೆ ಭೇಟಿ ನೀಡಿ ಅದರ ಚಟುವಟಿಕೆ ಖಚಿತಪಡಿಸಿಕೊಳ್ಳಬೇಕು. ಜತೆಗೆ ಆ ಕಂಪೆನಿಯು ಸಚಿವಾಲಯ ನೀಡಿದ ಪ್ರಮಾಣಪತ್ರವನ್ನೂ `ಬಿಎಸ್‌ಇ'ಗೆ ಸಲ್ಲಿಸಬೇಕು. ಕನಿಷ್ಠ ಎರಡು ವರ್ಷ ಕಾಲ `ಎಸ್‌ಎಂಇ' ವಲಯದಲ್ಲಿ ವಹಿವಾಟು ನಡೆಸಿದ ನಂತರವೇ ಬೇರೆ ವಲಯಕ್ಕೆ ಬದಲಾಗಲು ಅವಕಾಶ ನೀಡಲಾಗುತ್ತದೆ ಎಂದು ಬಿಎಸ್‌ಇ ಪ್ರಕಟಣೆ ತಿಳಿಸಿದೆ.

`ಬಿಎಸ್‌ಇ' ಮಾರ್ಚ್‌ನಲ್ಲಿ ಪ್ರತ್ಯೇಕ  `ಎಸ್‌ಎಂಇ' ವಹಿವಾಟು ಆರಂಭಿಸಿದ್ದು, ಈವರೆಗೆ 11 ಕಂಪೆನಿಗಳು ನೋಂದಾಯಿಸಿಕೊಂಡಿವೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.