ಶನಿವಾರ, ಜೂನ್ 19, 2021
27 °C
ಮುಂಗಡ ತೆರಿಗೆ ಪಾವತಿಯಲ್ಲಿ ಬ್ಯಾಂಕುಗಳು ಹಿಂದೆ

ಐ.ಟಿ ಕಂಪೆನಿಗಳೇ ನಂ.1

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಂಬೈ(ಪಿಟಿಐ): ಈ ಬಾರಿ ಮುಂಗಡ ತೆರಿಗೆ ಪಾವತಿಯಲ್ಲಿ ಮಾಹಿತಿ ತಂತ್ರ ಜ್ಞಾನ ಕಂಪೆನಿಗಳು (ಐ.ಟಿ) ಮುಂದಿವೆ. ಆದರೆ, ಹಲವು ಬ್ಯಾಂಕು­ಗಳು ಮತ್ತು ಸಿಮೆಂಟ್‌ ತಯಾರಿಕೆ ಕಂಪೆನಿಗಳು ಹಿಂದೆ ಬಿದ್ದಿವೆ ಎಂದು ಆದಾಯ ತೆರಿಗೆ ಇಲಾಖೆ ಹೇಳಿದೆ.



ಕೇಂದ್ರ ನೇರ ತೆರಿಗೆ ಮಂಡಳಿ (ಸಿಬಿ ಡಿಟಿ) ಪ್ರಸಕ್ತ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದ ಮುಂಗಡ ತೆರಿಗೆ ಪಾವತಿ ಗಡುವನ್ನು ಮಾ. ­15ರಿಂದ 18 ರವರೆಗೆ ಮೂರು ದಿನಗಳ ಕಾಲ  ವಿಸ್ತರಿಸಿತ್ತು. ಮಂಗಳವಾರ ತೆರಿಗೆ ಪಾವತಿಗೆ ಕೊನೆಯ ದಿನವಾಗಿತ್ತು.

ಭಾರತೀಯ ಸ್ಟೇಟ್‌ ಬ್ಯಾಂಕ್‌ (ಎಸ್‌ ಬಿಐ) ₨1,450 ಕೋಟಿ ಮುಂಗಡ ತೆರಿಗೆ ಪಾವತಿಸಿದೆ.



ಎಸ್‌­ ಬ್ಯಾಂಕ್‌  ₨200 ಕೋಟಿ ಮುಂಗಡ ತೆರಿಗೆ ಪಾವತಿ ಸಿದ್ದು ಕಳೆದ ವರ್ಷದ  ನಾಲ್ಕನೇ ತ್ರೈಮಾ ಸಿಕಕ್ಕೆ ಹೋಲಿಸಿದರೆ ಶೇ 20ರಷ್ಟು ಹೆಚ್ಚ ಳವಾಗಿದೆ. ಕಳೆದ ವರ್ಷ ₨600 ಕೋಟಿ ತೆರಿಗೆ ಪಾವತಿಸಿದ್ದ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್‌(ಟಿಸಿಎಸ್‌) ಈ ಬಾರಿ ₨1,130 ಕೋಟಿ ಮುಂಗಡ ತೆರಿಗೆ ಪಾವತಿಸಿದೆ.  ಭಾರತ್‌ ಪೆಟ್ರೋಲಿಯಂ ಕಳೆದ ವರ್ಷದ ₨230 ಕೋಟಿ ಬದಲಿಗೆ ಈ ಬಾರಿ ₨705 ಕೋಟಿ ತೆರಿಗೆ ಪಾವತಿ ಸಿದೆ.



ಬ್ಯಾಂಕ್‌ ಆಫ್‌ ಬರೋಡ ₨360 ಕೋಟಿ, ಬ್ಯಾಂಕ್‌ ಆಫ್‌ ಇಂಡಿಯಾ ₨500 ಕೋಟಿ,  ಸೆಂಟ್ರಲ್‌ ಬ್ಯಾಂಕ್‌ ಆಫ್‌ ಇಂಡಿಯಾ ₨158 ಕೋಟಿ  ಮುಂಗಡ ತೆರಿಗೆ ಪಾವತಿಸಿವೆ.  ಮುಂಬೈ ಆದಾಯ ತೆರಿಗೆ ವಲಯ ಈ ಬಾರಿ ತೆರಿಗೆ ಸಂಗ್ರಹದಲ್ಲಿ ಶೇ  19 ರಷ್ಟು ಏರಿಕೆ ದಾಖಲಿಸಿದೆ. ₨1.56 ಲಕ್ಷ ಕೋಟಿ ಗುರಿಗೆ ಬದಲಾಗಿ ₨2.09 ಲಕ್ಷ ಕೋಟಿ ತೆರಿಗೆ ಸಂಗ್ರಹವಾಗಿದೆ.

ಬ್ಯಾಂಕ್‌ಗೆ 3 ದಿನ ರಜೆ ಇಲ್ಲ

ಮಾ. 29 ಶನಿವಾರ, 30 ಭಾನು ವಾರ ಮತ್ತು 31 ಪ್ರಸಕ್ತ ಹಣಕಾಸು ವರ್ಷದ ಕೊನೆಯ ದಿನ ಹಾಗೂ ದೇಶದ ಕೆಲವೆಡೆ ಸಾರ್ವಜನಿಕ ರಜಾ ದಿನ. ಆದರೆ, ತೆರಿಗೆ ಪಾವತಿಸುವವರ ಅನುಕೂ­ಲಕ್ಕಾಗಿ ಬ್ಯಾಂಕುಗಳು ಈ ಮೂರೂ ದಿನ ಬೆಳಿಗ್ಗೆಯಿಂದ ಸಂಜೆವರೆಗೂ ಕಾರ್ಯ­­ನಿರ್ವಹಿಸಲಿವೆ ಎಂದು ಕೇಂದ್ರ ನೇರ ತೆರಿಗೆ ಮಂಡಳಿ (ಸಿಬಿಡಿಟಿ) ಹೇಳಿದೆ.

ತೆರಿಗೆದಾರರ ಹಿತದೃಷ್ಟಿಯಿಂದ ಈ ಮೂರು ರಜಾ ದಿನಗಳಲ್ಲೂ ಕಾರ್ಯ­ನಿರ್ವಹಿಸಲು ಬ್ಯಾಂಕ್‌ಗಳಿಗೆ ಸೂಚನೆ ನೀಡುವಂತೆ ‘ಸಿಬಿಡಿಟಿ’ ಹಣಕಾಸು ಸಚಿ ವಾಲಯಕ್ಕೆ ಮನವಿ ಮಾಡಿತ್ತು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.