ಕಂಬಾರರು
ಶಿವಾಪುರವನ್ನು ತಾವು ಧೇನಿಸುತ್ತಲೇ
ಅದನ್ನು ಎಲ್ಲರ ಕಣ್ಣೆದುರಿಗೆ
ತಂದವರಿವರು
ನವಿಲಿನ ಸಾವಿರ ಕಣ್ಣುಗಳನ್ನು
ವರ್ಣಿಸುತ್ತಲೇ
ಅದನ್ನು ನಮ್ಮೆಲ್ಲರ
ಕಣ್ಣ ಮುಂದೆ ಕುಣಿಸಿದವರು
ಬಿಂಬ ಪ್ರತಿಬಿಂಬಗಳ ಮಾಯಕ
ಹೇಳುವುದೂ ಅವರ ಕಾಯಕ
ಅಲ್ಲಿಂದ ಮುಂದೆ ಚಕೋರಿಯ ಚುರುಕು
ಚಂದ್ರಶಿಕಾರಿಯ ಬೇಟೆ, ಬೇಟ
ಯಾವ ವಸ್ತುವಿಗಿಲ್ಲ ಫರಕು
ಎಲ್ಲ ಮಾಯಾಲೋಕವನ್ನು
ಚುಂಬಕದಂತೆ ಸೆಳೆವ ತಾವನ್ನು
ಅರ್ಧ ಶತಮಾನದಿಂದ ಮುಂದೆ
ಇಡುತ್ತಲೇ ಇರುವವರು
ನಮ್ಮ ಘೋಡಗೇರಿಯ
ಚಂದ್ರಶೇಖರ ಕಂಬಾರರು
ಬರಹ ಇಷ್ಟವಾಯಿತೆ?
0
0
0
0
0
