ಕಿಂಗ್‌ಫಿಶರ್ ಷೇರು ಕುಸಿತ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ(ಪಿಟಿಐ): ಈಗಾಗಲೇ ಸಂಕಷ್ಟದಲ್ಲಿರುವ `ಕಿಂಗ್‌ಫಿಶರ್ ಏರ್‌ಲೈನ್ಸ್~ ಬುಧವಾರ ಮತ್ತಷ್ಟು ಹಿನ್ನಡೆ ಅನುಭವಿಸುವಂತಾಯಿತು.
ವಿಮಾನಗಳನ್ನು ಬಾಡಿಗೆಗೆ ನೀಡಿದ್ದ ಸಂಸ್ಥೆಯೊಂದು, ಬಾಕಿ ಹಣ ಪಾವತಿಸಿಲ್ಲ ಎಂಬ ಕಾರಣದ ಮೇಲೆ `ಕಿಂಗ್‌ಫಿಶರ್~ನ 34 ವಿಮಾನಗಳನ್ನು ವಾಪಸ್ ಪಡೆದುಕೊಂಡಿದೆ. ಈ ಸುದ್ದಿ ಹೊರಬೀಳುತ್ತಿದ್ದಂತೆಯೇ ಬುಧವಾರ ಮುಂಬೈ ಷೇರು ವಿನಿಮಯ ಕೇಂದ್ರದಲ್ಲಿ ಕಿಂಗ್‌ಫಿಶರ್‌ನ ಷೇರುಗಳು ದಿಢೀರ್ (ಶೇ 13.47ರಷ್ಟು) ಕುಸಿತ ಅನುಭವಿಸಿದವು.
ಮಧ್ಯಾಹ್ನ ರೂ. 11.62ರ ಬೆಲೆಯಲ್ಲಿ ಮಾರಾಟವಾದವು. `ಎನ್‌ಇಸಿ~ಯಲ್ಲಿಯೂ ಶೇ 13.05ರಷ್ಟು ಕುಸಿತ ಕಂಡು ರೂ. 11.65ರಷ್ಟು ಕಡಿಮೆ ಬೆಲೆಯಲ್ಲಿ ವಹಿವಾಟು ನಡೆಸಿದವು.
ವಿಜಯ್ ಮಲ್ಯ ಒಡೆತನದ ಕಂಪೆನಿ ಷೇರುಗಳು ದಿನದಂತ್ಯ ಅಲ್ಪ ಚೇತರಿಕೆ ಕಂಡು ರೂ. 12.35ರಲ್ಲಿ ಮಾರಾಟವಾ ದವು. ಬಿಎಸ್‌ಇಯಲ್ಲಿ ಒಂದು ಕೋಟಿ ಹಾಗೂ ಎನ್‌ಎಸ್‌ಇಯಲ್ಲಿ ಎರಡು ಕೋಟಿ ಕಿಂಗ್‌ಫಿಶರ್ ಷೇರುಗಳು ಬುಧವಾರ ಒಂದೇ ದಿನ ಕೈಬದಲಾದವು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
