ಗಡಿ ಸ್ಥಿರತೆಗೆ ಆಂಟನಿ ಮನವಿ

ಬೀಜಿಂಗ್ (ಪಿಟಿಐ): ಉಭಯ ದೇಶಗಳು ಸೇನಾ ಒಪ್ಪಂದಗಳನ್ನು ಮಾಡಿಕೊಳ್ಳುವ ಮೂಲಕ ಗಡಿಯಲ್ಲಿ ಸ್ಥಿರತೆ ಕಾಣಬಹುದು ಎಂದು ರಕ್ಷಣಾ ಸಚಿವ ಎ.ಕೆ ಆಂಟನಿ ಇಂದಿಲ್ಲಿ  ತಿಳಿಸಿದರು.



ಇಲ್ಲಿನ ರಾಷ್ಟ್ರೀಯ ರಕ್ಷಣಾ ವಿಶ್ವವಿದ್ಯಾಲಯದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ಸೇನಾ ಒಪ್ಪಂದಗಳಿಂದ ಗಡಿಯಲ್ಲಿ ಶಾಂತಿ ನೆಲಸಲಿದ್ದು, ಉಭಯ ದೇಶಗಳ ಸೇನೆಯ ನಡುವೆ ಸೌಹಾರ್ದತೆ ಬೆಳೆಯಲಿದೆ ಎಂದು ರಾಷ್ಟ್ರೀಯ ರಕ್ಷಣಾ ವಿಶ್ವವಿದ್ಯಾಲಯದ ಮುಖ್ಯಸ್ಥರಾದ ಲಿಯೂ ಆಂಟನಿ ಅವರ ಮಾತನ್ನು ಸಮರ್ಥಿಸಿದರು.



ಗಡಿಯಲ್ಲಿ ಸ್ಥಿರತೆ ಮತ್ತು ಶಾಂತಿ ಕಾಪಾಡಲು ಎರಡು ದೇಶಗಳ ಸೇನೆಯ ಮಧ್ಯೆ ಸಮನ್ವಯತೆ ಅಗತ್ಯ. ಇದಕ್ಕಾಗಿ ಚೀನಾ ಭಾರತೀಯ ಸೇನೆಗೆ ತರಬೇತಿ ನೀಡಲು ಮುಂದಾಗಿದೆ ಎಂದು ಲಿಯೂ ತಿಳಿಸಿದರು.