ಗ್ರೆನೇಡ್ ಅಲ್ಲ, ಅದು ಆಫ್ಟರ್‌ಶೇವ್ ಶೀಷೆ!
ಅಕ್ಷರ ಗಾತ್ರ :ಆ |ಆ |ಆ
ಲಂಡನ್ (ಪಿಟಿಐ): ಪ್ರಯಾಣಿಕರೊಬ್ಬರ ಲಗೇಜ್ ತಪಾಸಣೆ ವೇಳೆ ಕಂಡ `ಕ್ಷೌರದ ದ್ರಾವಣ(ಆಫ್ಟರ್‌ಶೇವ್)ದ ಶೀಷೆಯನ್ನು~ ಭದ್ರತಾ ಸಿಬ್ಬಂದಿ ಕೈ ಬಾಂಬ್ ಎಂದು ತಪ್ಪಾಗಿ ಅರ್ಥೈಸಿಕೊಂಡ ಪರಿಣಾಮವಾಗಿ ಇಲ್ಲಿನ ವಿಮಾನ ನಿಲ್ದಾಣದಲ್ಲಿ ಕೆಲ ಕಾಲ ಗೊಂದಲದ ವಾತಾವರಣ ಉಂಟಾಯಿತು.
ಎಡಿನ್‌ಬರೊ ವಿಮಾನ ನಿಲ್ದಾಣದಿಂದ ಲಂಡನ್‌ಗೆ ಹೊರಟಿದ್ದ ಜಿಮ್ಮಿ ಹೊ ಎಂಬ ಪ್ರಯಾಣಿಕರೊಬ್ಬರ ಚೀಲವನ್ನು ಸ್ಕಾನ್ ಮಾಡುವಾಗ ಯಂತ್ರ, ಗ್ರೆನೇಡ್ ಆಕಾರದ ಶೀಷೆಯೊಂದು ಗುರುತಿಸಿತು.
`ತಕ್ಷಣ ವಿಮಾನ ನಿಲ್ದಾಣ ಪೊಲೀಸರು ನನ್ನನ್ನು ಸುತ್ತವರೆದರು. ಸುತ್ತಲಿದ್ದ ಪ್ರಯಾಣಿಕರೆಲ್ಲ ನನ್ನತ್ತ ನೋಡುತ್ತಿದ್ದರೆ. ಅಲ್ಲಿ ಏನು ನಡೆಯುತ್ತಿದೆ ಎಂದು ತಿಳಿಯದೇ, ಒಂದು ಕ್ಷಣ ಗಾಬರಿಗೊಳಗಾದೆ~ ಎಂದು ಹೋ ಸುದ್ದಿಗಾರರಿಗೆ ತಿಳಿಸಿದ್ದಾರೆ.
ಕೈಬಾಂಬ್ ತರಹದ ಶೀಷೆಯನ್ನು ಹೊರಕ್ಕೆ ತೆಗೆದುಕೊಂಡು ಹೋಗಿ 30 ನಿಮಿಷಗಳ ಕಾಲ ತಪಾಸಣೆ ನಡೆಸಿದರು. ನಂತರ ಅದು ಆಫ್ಟರ್‌ಶೇವ್ ಶೀಷೆ ಎಂದು ಗೊತ್ತಾಯಿತು. 45 ನಿಮಿಷಗಳ ನಂತರ ಹೋ ಅವರಿಗೆ ಮುಂದಿನ ಪ್ರಯಾಣಕ್ಕೆ ಅನುಮತಿ ನೀಡಲಾಯಿತು.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
