<p><strong>ನವದೆಹಲಿ (ಪಿಟಿಐ):</strong> ಚಿನ್ನದ ಬೆಲೆಯು ಸತತ ಮೂರನೇ ವರ್ಷವೂ ಏರಿಕೆಯಾಗಲಿದ್ದು, ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಔನ್ಸ್ಗೆ ದಾಖಲೆ ಎನ್ನಬಹುದಾದ 2000 ಡಾಲರ್ವರೆಗೆ (ರೂ 1,04,000) ಹೆಚ್ಚಳಗೊಳ್ಳುವ ನಿರೀಕ್ಷೆ ಇದೆ.<br /> <br /> ಲಂಡನ್ ಚಿನಿವಾರ ಪೇಟೆ ಸಂಘದ (ಎಲ್ಬಿಎಂಎ) ಸಮೀಕ್ಷೆ ಪ್ರಕಾರ, ಚಿನ್ನ ಈ ವರ್ಷ ಇನ್ನಷ್ಟು ದುಬಾರಿಯಾಗುವ ಸಾಧ್ಯತೆಗಳಿವೆ. ಈ ಸಂಘವು ಅಂತರರಾಷ್ಟ್ರೀಯ ಚಿನ್ನ ಮತ್ತು ಬೆಳ್ಳಿಯ ಸಗಟು ಮಾರಾಟಗಾರರನ್ನು ಪ್ರತಿನಿಧಿಸುತ್ತದೆ.<br /> <br /> 26 ಪ್ರಮುಖ ಲೋಹಗಳ ವಿಶ್ಲೇಷಕರ ಅಭಿಪ್ರಾಯ ಆಧರಿಸಿ ಈ ನಿರ್ಧಾರಕ್ಕೆ ಬರಲಾಗಿದೆ. ಪ್ರಸಕ್ತ ಸಾಲಿನಲ್ಲಿ ಚಿನ್ನದ ಸರಾಸರಿ ಬೆಲೆಯು ಪ್ರತಿ ಔನ್ಸ್ಗೆ 1,766 ಡಾಲರ್ಗಳಷ್ಟು (ರೂ 92,352) ಇರಲಿದೆ. ಪ್ರತಿ ಗ್ರಾಂಗೆ ರೂ 3,257ರಷ್ಟು ಆಗಲಿದೆ. ಇದು 2011ರ ಸರಾಸರಿ ಬೆಲೆ ಮಟ್ಟಕ್ಕಿಂತ ಶೇ 12.34ರಷ್ಟು ಮತ್ತು ಈ ವರ್ಷದ ಜನವರಿ ತಿಂಗಳ ಮೊದಲ ವಾರದ ಬೆಲೆಗೆ ಹೋಲಿಸಿದರೆ ಶೇ 10.2ರಷ್ಟು ಹೆಚ್ಚಳ ಆಗಿರಲಿದೆ. <br /> ಸಮೀಕ್ಷೆಯಲ್ಲಿ ಚಿನ್ನದ ಬೆಲೆ ಅಂದಾಜು ಮಾಡಿರುವ ಹೆಚ್ಚಿನ ಪರಿಣತರು ಪ್ರತಿ ಔನ್ಸ್ಗೆ 2000 ಡಾಲರ್ ಮಟ್ಟವನ್ನೂ ದಾಟಬಹುದು ಎಂದೂ ಲೆಕ್ಕ ಹಾಕಿದ್ದಾರೆ.<br /> <br /> ದೇಶಿ ಚಿನಿವಾರ ಪೇಟೆಯಲ್ಲಿ ಒಂದು ಔನ್ಸ್ ಚಿನ್ನಕ್ಕೆ, 28.35 ಗ್ರಾಂ ಚಿನ್ನ ಎಂದು ಲೆಕ್ಕ ಹಾಕಲಾಗುತ್ತಿದ್ದು, ಇದರ ಆಧಾರದ ಮೇಲೆ ಹೇಳುವುದಾದರೆ 10 ಗ್ರಾಂ ಚಿನ್ನದ ಬೆಲೆ ರೂ 36,684 ರವರೆಗೂ ಏರಬಹುದು.<br /> ಕಳೆದ ವರ್ಷ `ಸುರಕ್ಷಿತ ಹೂಡಿಕೆ ಸ್ವರ್ಗ~ ಎನ್ನುವ ಕಾರಣಕ್ಕೆ ಚಿನ್ನದ ಬೆಲೆ ಸಾರ್ವಕಾಲಿಕ ದಾಖಲೆ ಬರೆದಿತ್ತು. <br /> ಜಾಗತಿಕ ಆರ್ಥಿಕ ಹಿನ್ನಡೆ ಮತ್ತು ಹೆಚ್ಚುತ್ತಿರುವ ಹಣದುಬ್ಬರದ ಕಾರಣಕ್ಕೆ ದೇಶದಲ್ಲಿ ಚಿನ್ನದ ಬೆಲೆಯು (ಶೇ 99.5ರಷ್ಟು ಶುದ್ಧತೆ) ತಲಾ 10 ಗ್ರಾಂಗಳಿಗೆ 29,000ದ ಗಡಿ ದಾಟಿತ್ತು. ಡಿಸೆಂಬರ್ ತಿಂಗಳಿನಲ್ಲಿ 29,155ಕ್ಕೆ ಏರಿಕೆ ಕಂಡಿತ್ತು.<br /> <br /> ಚಿನ್ನ ದುಬಾರಿಯಾಗುತ್ತಿದ್ದರೂ ಇತರ ಅಪೂರ್ವ ಲೋಹಗಳಾದ ಬೆಳ್ಳಿ, ಪ್ಲ್ಯಾಟಿನಂಗೆ ಇಂತಹ ಅದೃಷ್ಟ ಇಲ್ಲ ಎಂದೂ ಪರಿಣತರು ವಿಶ್ಲೇಷಿಸಿದ್ದಾರೆ. ಬೆಳ್ಳಿ ಬೆಲೆಯು ಶೇ 3.2ರಷ್ಟು ಕುಸಿತವಾಗುವ ಸಾಧ್ಯತೆ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ಚಿನ್ನದ ಬೆಲೆಯು ಸತತ ಮೂರನೇ ವರ್ಷವೂ ಏರಿಕೆಯಾಗಲಿದ್ದು, ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಔನ್ಸ್ಗೆ ದಾಖಲೆ ಎನ್ನಬಹುದಾದ 2000 ಡಾಲರ್ವರೆಗೆ (ರೂ 1,04,000) ಹೆಚ್ಚಳಗೊಳ್ಳುವ ನಿರೀಕ್ಷೆ ಇದೆ.<br /> <br /> ಲಂಡನ್ ಚಿನಿವಾರ ಪೇಟೆ ಸಂಘದ (ಎಲ್ಬಿಎಂಎ) ಸಮೀಕ್ಷೆ ಪ್ರಕಾರ, ಚಿನ್ನ ಈ ವರ್ಷ ಇನ್ನಷ್ಟು ದುಬಾರಿಯಾಗುವ ಸಾಧ್ಯತೆಗಳಿವೆ. ಈ ಸಂಘವು ಅಂತರರಾಷ್ಟ್ರೀಯ ಚಿನ್ನ ಮತ್ತು ಬೆಳ್ಳಿಯ ಸಗಟು ಮಾರಾಟಗಾರರನ್ನು ಪ್ರತಿನಿಧಿಸುತ್ತದೆ.<br /> <br /> 26 ಪ್ರಮುಖ ಲೋಹಗಳ ವಿಶ್ಲೇಷಕರ ಅಭಿಪ್ರಾಯ ಆಧರಿಸಿ ಈ ನಿರ್ಧಾರಕ್ಕೆ ಬರಲಾಗಿದೆ. ಪ್ರಸಕ್ತ ಸಾಲಿನಲ್ಲಿ ಚಿನ್ನದ ಸರಾಸರಿ ಬೆಲೆಯು ಪ್ರತಿ ಔನ್ಸ್ಗೆ 1,766 ಡಾಲರ್ಗಳಷ್ಟು (ರೂ 92,352) ಇರಲಿದೆ. ಪ್ರತಿ ಗ್ರಾಂಗೆ ರೂ 3,257ರಷ್ಟು ಆಗಲಿದೆ. ಇದು 2011ರ ಸರಾಸರಿ ಬೆಲೆ ಮಟ್ಟಕ್ಕಿಂತ ಶೇ 12.34ರಷ್ಟು ಮತ್ತು ಈ ವರ್ಷದ ಜನವರಿ ತಿಂಗಳ ಮೊದಲ ವಾರದ ಬೆಲೆಗೆ ಹೋಲಿಸಿದರೆ ಶೇ 10.2ರಷ್ಟು ಹೆಚ್ಚಳ ಆಗಿರಲಿದೆ. <br /> ಸಮೀಕ್ಷೆಯಲ್ಲಿ ಚಿನ್ನದ ಬೆಲೆ ಅಂದಾಜು ಮಾಡಿರುವ ಹೆಚ್ಚಿನ ಪರಿಣತರು ಪ್ರತಿ ಔನ್ಸ್ಗೆ 2000 ಡಾಲರ್ ಮಟ್ಟವನ್ನೂ ದಾಟಬಹುದು ಎಂದೂ ಲೆಕ್ಕ ಹಾಕಿದ್ದಾರೆ.<br /> <br /> ದೇಶಿ ಚಿನಿವಾರ ಪೇಟೆಯಲ್ಲಿ ಒಂದು ಔನ್ಸ್ ಚಿನ್ನಕ್ಕೆ, 28.35 ಗ್ರಾಂ ಚಿನ್ನ ಎಂದು ಲೆಕ್ಕ ಹಾಕಲಾಗುತ್ತಿದ್ದು, ಇದರ ಆಧಾರದ ಮೇಲೆ ಹೇಳುವುದಾದರೆ 10 ಗ್ರಾಂ ಚಿನ್ನದ ಬೆಲೆ ರೂ 36,684 ರವರೆಗೂ ಏರಬಹುದು.<br /> ಕಳೆದ ವರ್ಷ `ಸುರಕ್ಷಿತ ಹೂಡಿಕೆ ಸ್ವರ್ಗ~ ಎನ್ನುವ ಕಾರಣಕ್ಕೆ ಚಿನ್ನದ ಬೆಲೆ ಸಾರ್ವಕಾಲಿಕ ದಾಖಲೆ ಬರೆದಿತ್ತು. <br /> ಜಾಗತಿಕ ಆರ್ಥಿಕ ಹಿನ್ನಡೆ ಮತ್ತು ಹೆಚ್ಚುತ್ತಿರುವ ಹಣದುಬ್ಬರದ ಕಾರಣಕ್ಕೆ ದೇಶದಲ್ಲಿ ಚಿನ್ನದ ಬೆಲೆಯು (ಶೇ 99.5ರಷ್ಟು ಶುದ್ಧತೆ) ತಲಾ 10 ಗ್ರಾಂಗಳಿಗೆ 29,000ದ ಗಡಿ ದಾಟಿತ್ತು. ಡಿಸೆಂಬರ್ ತಿಂಗಳಿನಲ್ಲಿ 29,155ಕ್ಕೆ ಏರಿಕೆ ಕಂಡಿತ್ತು.<br /> <br /> ಚಿನ್ನ ದುಬಾರಿಯಾಗುತ್ತಿದ್ದರೂ ಇತರ ಅಪೂರ್ವ ಲೋಹಗಳಾದ ಬೆಳ್ಳಿ, ಪ್ಲ್ಯಾಟಿನಂಗೆ ಇಂತಹ ಅದೃಷ್ಟ ಇಲ್ಲ ಎಂದೂ ಪರಿಣತರು ವಿಶ್ಲೇಷಿಸಿದ್ದಾರೆ. ಬೆಳ್ಳಿ ಬೆಲೆಯು ಶೇ 3.2ರಷ್ಟು ಕುಸಿತವಾಗುವ ಸಾಧ್ಯತೆ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
