ಜಪಾನ್‌ಗೆ ರಾಜ್ಯದ ಪರಿಹಾರ, ನೆರವು

ಬೆಂಗಳೂರು: ಭೂಕಂಪ, ಸುನಾಮಿ ಮತ್ತು ಅಣು ವಿಕಿರಣದಿಂದ ತತ್ತರಿಸಿರುವ ಜಪಾನ್ ದೇಶಕ್ಕೆ ನೆರವಾಗಲು ರಾಜ್ಯ ಸರ್ಕಾರ ಮುಂದೆ ಬಂದಿದೆ.



ಜಪಾನ್‌ಗೆ  ಅಗತ್ಯ ಮಾನವೀಯ ನೆರವು ಒದಗಿಸಲು ಸನ್ನದ್ಧವಾಗಿರುವಂತೆ ರಾಜ್ಯದ ಸರ್ಕಾರಿ ಮತ್ತು ಖಾಸಗಿ ವೈದ್ಯಕೀಯ ಕಾಲೇಜುಗಳು, ಅರೆವೈದ್ಯಕೀಯ ಸಂಸ್ಥೆಗಳು, ನರ್ಸಿಂಗ್ ಸಂಸ್ಥೆಗಳು ಮತ್ತು ರಾಜೀವ್ ಗಾಂಧಿ ಆರೋಗ್ಯ ವಿ.ವಿ.ಯಂತಹ ಸಂಸ್ಥೆಗಳಿಗೆ ಸೂಚನೆ ನೀಡಲಾಗಿದೆ ಎಂದು ವೈದ್ಯಕೀಯ ಶಿಕ್ಷಣ ಸಚಿವ ಎಸ್.ಎ. ರಾಮದಾಸ್ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.