ಟೀ–ಶರ್ಟ್‌ ಹಂಚಿಕೆ ವರದಿ ನೀಡಲು ಸೂಚನೆ

ಹುಬ್ಬಳ್ಳಿ: ನಗರದಲ್ಲಿ ಭಾನುವಾರ ನಡೆದ ‘ಹುಬ್ಬಳ್ಳಿ ಮ್ಯಾರಥಾನ್‌’ ವೇಳೆ ಸ್ಪರ್ಧಿಗಳಿಗೆ ವಿಭವ ಕಂಪೆನಿಯ ಹೆಸರುಳ್ಳ ಟೀ–ಶರ್ಟ್‌ಗಳನ್ನು ಹಂಚಿದ್ದು, ಈ ಸಂಬಂಧ ವರದಿ ನೀಡುವಂತೆ ಚುನಾವಣಾ ಅಧಿಕಾರಿ ಸಮೀರ್‌ ಶುಕ್ಲಾ ಅವರು ಹುಬ್ಬಳ್ಳಿ–ಧಾರವಾಡ ಸೆಂಟ್ರಲ್‌ ಕ್ಷೇತ್ರದ ಸಹಾಯಕ ಚುನಾವಣಾ ಅಧಿಕಾರಿಗೆ ಸೂಚಿಸಿದ್ದಾರೆ.



ಧಾರವಾಡ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಪ್ರಹ್ಲಾದ ಜೋಶಿ ವಿಭವ ಇಂಡಸ್ಟ್ರೀಸ್‌ ಕಂಪೆನಿಯ ನಿರ್ದೇಶಕರಾಗಿದ್ದಾರೆ. ನೀತಿ ಸಂಹಿತೆ ಹಿನ್ನೆಲೆಯಲ್ಲಿ ಚುನಾವಣಾ ಅಧಿಕಾರಿಗಳು ಈ ಸೂಚನೆ ನೀಡಿದ್ದಾರೆ.