ಟೈಟಾನ್‌ ಹೊಸ ಮೈಲಿಗಲ್ಲು
Updated:
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ‘ಕೈಗಡಿಯಾರ ಖರೀದಿ ಆಧುನಿಕ ಜೀವನ ಶೈಲಿಯ ಭಾಗವಾಗಿ ಹೊಸ ರೂಪದಲ್ಲಿ ಬೆಳೆಯುತ್ತಿದೆ. ಹೊಸ ತಲೆಮಾರಿಗೆ ತಕ್ಕಂತೆ 5 ಬ್ರಾಂಡ್‌ಗಳಲ್ಲಿ ವಿಶೇಷ ವಿನ್ಯಾಸದ ಗಡಿಯಾರಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದೇವೆ” ಎಂದು ಟೈಟಾನ್‌ ಇಂಡಸ್ಟ್ರೀಸ್‌ನ ವ್ಯವಸ್ಥಾಪಕ ನಿರ್ದೇಶಕ ಭಾಸ್ಕರ್‌ ಭಟ್‌ ಹೇಳಿದರು. ಸೋಮವಾರ ಇಲ್ಲಿ ಕಂಪೆನಿಯ 1000 ನೇ ರಿಟೇಲ್‌ ಮಳಿಗೆ ಉದ್ಘಾಟಿಸಿ ಅವರು ಮಾತನಾಡಿದರು.
‘1000ನೇ ಮಳಿಗೆಗೆ ಚಾಲನೆ ನೀಡುವ ಮೂಲಕ ಟೈಟಾನ್‌ ರಿಟೇಲ್‌ ವಲಯದಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸಿದೆ. ಈ ಸಾಧನೆ ಮಾಡಿದ ದೇಶದ ಮೊದಲ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ’ ಎಂದು ಅವರು ಹೇಳಿದರು.
1988ರಲ್ಲಿ ಟೈಟಾನ್‌ ಮೊದಲ ಕೈಗಡಿಯಾರ ಮಳಿಗೆಯನ್ನು ಬೆಂಗಳೂರಿನ ಸಫೀನಾ ಪ್ಲಾಜಾದಲ್ಲಿ ಆರಂಭಿಸಿತು. ನಂತರ ಕಳೆದ 25 ವರ್ಷಗಳಲ್ಲಿ ಕಂಪೆನಿ ವಲಯದಲ್ಲಿ ಹಲವು ದಾಖಲೆಗಳನ್ನು ಬರೆದಿದೆ ಎಂದರು.
ಪ್ರತಿಕ್ರಿಯಿಸಿ (+)
