ಶುಕ್ರವಾರ, ಜನವರಿ 24, 2020
18 °C

ಥಾಯ್ಲೆಂಡ್‌: ಚುನಾವಣೆಗೆ ಬಹಿಷ್ಕಾರದ ಬೆದರಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬ್ಯಾಂಕಾಕ್‌ (ಪಿಟಿಐ): ಸಾವಿರಾರು ಪ್ರತಿಭಟನಾಕಾರರು ಭಾನುವಾರ ಪ್ರಧಾನಿ ಯಿಂಗ್ಲುಕ್‌ ಶಿನವಾತ್ರ ನೇತೃತ್ವದ ಉಸ್ತುವಾರಿ ಸರ್ಕಾರದ ರಾಜೀ­ನಾಮೆಗೆ ಒತ್ತಾಯಿಸಿದ್ದಾರೆ. ಜತೆಗೆ, ಪ್ರಮುಖ ವಿರೋಧ ಪಕ್ಷವು ಫೆ.2ರಂದು ನಡೆಯಲಿರುವ ಕ್ಷಿಪ್ರ ಚುನಾವಣೆ­ಯನ್ನು ಬಹಿಷ್ಕರಿಸು­ವುದಾಗಿ ಹೇಳಿದೆ.



ಸಂವಿಧಾನ ಸುಧಾರಣೆಗಾಗಿ ಮಾರ್ಗ­­ದರ್ಶಿ ಸೂತ್ರಗಳನ್ನು ಪ್ರಸ್ತಾ­ಪಿಸಿ­ರುವ  ಶಿನವಾತ್ರ ಅವರು, ಚುನಾ­ವಣೆಯ ನಂತರ ಈ ಸುಧಾರಣೆ­ಯನ್ನು ಎಲ್ಲಾ ರಾಜಕೀಯ ಪಕ್ಷಗಳು ಗೌರವಿಸಬೇಕು ಎಂದು ಕೋರಿದ್ದಾರೆ.



ಈ ಮಧ್ಯೆ, ಪ್ರತಿಭಟನೆಯ ನೇತೃತ್ವ ವಹಿಸಿರುವ ಮಾಜಿ ಉಪಪ್ರಧಾನಿ ಸುಥೆಪ್‌ ತಾಗ್ಸುಬಾನ್‌ ಅವರು ಪ್ರತಿ­ಭ­ಟನಾ ರ್‍್ಯಾಲಿ­ಯು ಶಿನವಾತ್ರ  ಅವರ ಸರ್ಕಾರದ ಮೇಲೆ ಖಂಡಿತ ಒತ್ತಡ ಹೇರಲಿದೆ ಎಂದಿದ್ದಾರೆ.



ಫೆ.2ರಂದು ನಡೆಯಲಿರುವ ಚುನಾ­ವಣೆಗೆ ಬ್ಯಾಂಕಾಕ್‌ನ ಕ್ರೀಡಾಂಗಣ­ದಲ್ಲಿ ಸೋಮವಾರ (ಡಿ.23) ಅಭ್ಯ­ರ್ಥಿ­ಗಳ ಹೆಸರು ನೋಂದಣಿ ನಡೆಯ­ಲಿದ್ದು, ಈ ಸಂದರ್ಭದಲ್ಲೇ ಕ್ರೀಡಾಂಗ­ಣಕ್ಕೆ ಮುತ್ತಿಗೆ ಹಾಕಲು ಪ್ರತಿಭಟನಾ­ಕಾರರು ಸಿದ್ಧತೆ ನಡೆಸಿದ್ದಾರೆ ಎಂದು ತಿಳಿದು ಬಂದಿದೆ.

ಪ್ರತಿಕ್ರಿಯಿಸಿ (+)