<p>ಅಲ್ಲಿ ಯಾವುದೇ ಹಾಯ್, ಹಲೋಗಳ ವಿನಿಮಯವಿರಲಿಲ್ಲ. ಮಾತು ಆರಂಭವಾಗಿದ್ದು ಸ್ಫುಟವಾದ ಕನ್ನಡದಲ್ಲಿ; `ನಮಸ್ಕಾರ~ ಎನ್ನುವ ಮೂಲಕ. ವಿನಯ ಬೆರೆತ ಗಾಂಭೀರ್ಯ ಮುಖದಲ್ಲಿ. `ಕನ್ನಡ ನನ್ನ ಮಾತೃಭಾಷೆ. ಕನ್ನಡ ಮಾತನಾಡಿದಷ್ಟು ಸರಾಗವಾಗಿ ಬೇರೆ ಭಾಷೆ ಮಾತನಾಡುವುದಕ್ಕೆ ಆಗುವುದಿಲ್ಲ. <br /> <br /> ನಾನು ಬೇರೆ ಭಾಷೆ ಸಿನಿಮಾ ಮಾಡಿದಾಗಲೆಲ್ಲ ಅಮ್ಮನ ಒತ್ತಾಯ ಒಂದೇ, ಕನ್ನಡದಲ್ಲಿ ಮಾಡು ಎಂದು... ಹೀಗೆ ಟೇಬಲ್ ಮೇಲಿದ್ದ ಹೂವನ್ನು ನಾಜೂಕಾಗಿ ಸವರುತ್ತಾ ತುಟಿಯಂಚಲ್ಲಿ ನಗು ಚೆಲ್ಲುತ್ತಾ ಮಾತಾಡಿದವರು ಅರ್ಜುನ್ ಸರ್ಜಾ...<br /> <br /> ತುಂಬಾ ದಿನಗಳ ನಂತರ ಕನ್ನಡಕ್ಕೆ ಬಂದಿದ್ದಿರಿ ಎಂಬ ಪ್ರಶ್ನೆಗೆ `ಹೌದಾ~ ಎಂಬ ಉದ್ಗಾರದ ಜತೆಗೆ ಮತ್ತದೇ ನಗು. `ಪ್ರಸಾದ್~ ಸಿನಿಮಾದ ಕತೆ ತುಂಬಾನೇ ಚೆನ್ನಾಗಿದೆ. ಅದರಲ್ಲಿ ನನ್ನ ಹೆಸರು ಶಂಕರ್. ಗಂಡು ಮಗುವಿಗಾಗಿ ಹಂಬಲಿಸುತ್ತೇನೆ. ಕೊನೆಗೆ ಕಿವುಡ, ಮೂಗ ಮಗು ಹುಟ್ಟಿದಾಗ ತಲ್ಲಣಗೊಳ್ಳುವ ಪಾತ್ರವದು. ವೃತ್ತಿಯಲ್ಲಿ ನಾನು ಮೆಕ್ಯಾನಿಕ್. ಒಂದು ಮಧ್ಯಮ ವರ್ಗದ ಚಿತ್ರಣವನ್ನು ಕಟ್ಟಿಕೊಡುತ್ತದೆ ಸಿನಿಮಾ.<br /> <br /> ಚಿತ್ರದಲ್ಲಿ ನಾನು ಎಂದೂ ಮರೆಯಲಾಗದ ವ್ಯಕ್ತಿ ಎಂದರೆ `ಸಂಕಲ್ಪ್~. ಈ ಕತೆ ಹೆಣೆದುಕೊಂಡಿರುವುದು ಇವನ ಸುತ್ತ. ವಾಸ್ತವದಲ್ಲೂ ಇವನು ಕಿವುಡ, ಮೂಗ. ನನಗೆ ಮೊದಲಿನಿಂದಲೂ ಮಕ್ಕಳೆಂದರೆ ತುಂಬಾನೇ ಇಷ್ಟ. ಆದರೆ ಇವನು ನನ್ನ ಮನಸ್ಸಿನಲ್ಲಿ ಬಹುಕಾಲ ನೆನಪಾಗಿ ಉಳಿಯುತ್ತಾನೆ. ಅವನು `ದೇವರ ಮಗು~ ಎಂದರೆ ತಪ್ಪಾಗಲಾರದು.<br /> <br /> ಮೊದಲ ಬಾರಿ ಅವನು ಸಿನಿಮಾದಲ್ಲಿ ನಟಿಸುತ್ತಿದ್ದಾನೆ. ಆದರೆ ಉಳಿದ ಮಕ್ಕಳಂತೆ ಇವನಿಗೆ ಹೇಳಿ ಕೊಡುವುದು ಕಷ್ಟವಾಗಲಿಲ್ಲ. ಎಷ್ಟು ಚೆನ್ನಾಗಿ ಪಾತ್ರಕ್ಕೆ ಜೀವ ತುಂಬಿದ್ದಾನೆ. ಚಿತ್ರೀಕರಣ ಮುಗಿದ ಬಳಿಕವೂ ನನ್ನ ಜತೆ ಮಾತನಾಡಬೇಕು ಎಂದು ತಾಯಿಯನ್ನು ಒತ್ತಾಯಿಸುತ್ತಾನಂತೆ. ಫೋನ್ ಮಾಡಿದಾಗ ದನಿ ಬರುವುದಿಲ್ಲ. <br /> <br /> ಮೂಕ ಭಾಷೆಯಲ್ಲಿ ಏನೋ ಹೇಳುವುದಕ್ಕೆ ಒದ್ದಾಡುತ್ತಾನೆ. ನಾನೇನಾದರೂ ಹೇಳಿದರೆ ಅವನಿಗೆ ಕೇಳಿಸೊಲ್ಲ ಎಂಬ ಭಾವೋದ್ವೇಗದ ನುಡಿಯೊಂದಿಗೆ ಕಪ್ಪು ಕನ್ನಡಕದ ಅಂಚಿನಲ್ಲಿ ಕಣ್ಣೀರ ಬಿಂದು ಅಡಗಿಸಿಕೊಳ್ಳುವ ಪ್ರಯತ್ನ ಸಾಗುತ್ತಿತ್ತು.<br /> <br /> `ಪ್ರಸಾದ್~ ಒಂದು ಸಕಾರತ್ಮಕ ಚಿತ್ರ. ಸಮಾಜಕ್ಕೆ ನೀತಿ ಹೇಳುವುದರೊಂದಿಗೆ ಸರ್ಕಾರಕ್ಕೂ ಪಾಠ ಹೇಳುತ್ತದೆ. ಈ ಚಿತ್ರದಲ್ಲಿರುವ ಪ್ರತಿಯೊಂದು ಸನ್ನಿವೇಶವು ಹೊಸತನದೊಂದಿಗೆ ಕೂಡಿದೆ. ಕನ್ನಡದಲ್ಲಿ ನನಗೆ ಬೇಕಾದಷ್ಟು ಅವಕಾಶಗಳು ಬಂದಿವೆ. ಆದರೆ ಒಳ್ಳೆ ಚಿತ್ರಗಳನ್ನು ಮಾತ್ರ ಆಯ್ಕೆಮಾಡಿಕೊಳ್ಳುವ ಇರಾದೆ ನನ್ನದು. ಜತೆಗೆ ಒಂದು ಕನ್ನಡ ಸಿನಿಮಾ ನಿರ್ದೇಶನ ಮಾಡುವ ಯೋಚನೆಯೂ ಇದೆ. <br /> <br /> ಪ್ರಶಸ್ತಿಗಾಗಿ ಸಿನಿಮಾ ಮಾಡುತ್ತಿಲ್ಲ. ಆದರೆ ಪ್ರಶಸ್ತಿ ಒಂದು ಟಾನಿಕ್ ಇದ್ದಂತೆ. ಹಲವಾರು ಸಿನಿಮಾ ಮಾಡಿದ್ದರೂ ನನ್ನಲ್ಲಿ ಉತ್ಸಾಹವಿನ್ನೂ ಬತ್ತಿಲ್ಲ. ರಾಜಕೀಯ ಪ್ರವೇಶಕ್ಕೆ ಅವಕಾಶ ಬಂದಿತ್ತು. ಆದರೆ ಅದರಲ್ಲಿ ನನಗೆ ಆಸಕ್ತಿ ಇಲ್ಲ.<br /> <br /> ಸಿಕ್ಸ್ ಪ್ಯಾಕ್ ನನಗೆ ಹದಿನಾರನೇ ವಯಸ್ಸಿನಲ್ಲೇ ಇತ್ತು. ಆದರೆ ಅದು ಗೊತ್ತಾಗಿದ್ದು ಇತ್ತೀಚೆಗೆ; ಮೊದಲಿನ ಫೋಟೋದ ಸುತ್ತ ಕಣ್ಣಾಡಿಸಿದಾಗ. ಕಟ್ಟು ಮಸ್ತಾದ ದೇಹವನ್ನು ಒಮ್ಮೆ ಹಿಗ್ಗಿಸಿದ ಅರ್ಜುನ್ ಸರ್ಜಾ ಕಣ್ಣಲ್ಲಿ ಈ ಸಿನಿಮಾ ನೀಡಿದ ತೃಪ್ತಿಯ ನಗುವಿತ್ತು.<br /> <br /> `ಇದು ಒಂದು ನಿಜ ಘಟನೆಯಿಂದ ಪ್ರೇರಿತವಾದ ಚಿತ್ರಕತೆ. ಸರಳವಾಗಿ ಹೆಣೆದಿದ್ದೇನೆ. ಅಶೋಕ್ ಖೇಣಿ ಇದರ ನಿರ್ಮಾಪಕರು. ಈ ಚಿತ್ರಕತೆ ಮಾಡುತ್ತೇನೆ ಎಂದು ಕೈಗೆತ್ತಿಕೊಂಡಾಗ ನಿನಗೆ ಅಸಾಧ್ಯ ಎಂಬ ಮಾತು ಸ್ನೇಹಿತರಿಂದ ಬಂದಿತ್ತು. ಆದರೆ ನಾನು ಮಾಡಿಯೇ ತೀರುತ್ತೇನೆ ಎಂಬ ಹಟಕ್ಕೆ ಬಿದ್ದು ಮಾಡಿದೆ. ಇದು ನನ್ನ ಕನಸು. ಚಿತ್ರ ಈ ವಾರ ತೆರೆ ಕಾಣಲಿದೆ~ ಎಂದು ನಿರ್ದೇಶಕ ಮನೋಜ್ ಸತಿ ಮಾತನ್ನು ಚುಟುಕಾಗಿಸಿದರು. <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಲ್ಲಿ ಯಾವುದೇ ಹಾಯ್, ಹಲೋಗಳ ವಿನಿಮಯವಿರಲಿಲ್ಲ. ಮಾತು ಆರಂಭವಾಗಿದ್ದು ಸ್ಫುಟವಾದ ಕನ್ನಡದಲ್ಲಿ; `ನಮಸ್ಕಾರ~ ಎನ್ನುವ ಮೂಲಕ. ವಿನಯ ಬೆರೆತ ಗಾಂಭೀರ್ಯ ಮುಖದಲ್ಲಿ. `ಕನ್ನಡ ನನ್ನ ಮಾತೃಭಾಷೆ. ಕನ್ನಡ ಮಾತನಾಡಿದಷ್ಟು ಸರಾಗವಾಗಿ ಬೇರೆ ಭಾಷೆ ಮಾತನಾಡುವುದಕ್ಕೆ ಆಗುವುದಿಲ್ಲ. <br /> <br /> ನಾನು ಬೇರೆ ಭಾಷೆ ಸಿನಿಮಾ ಮಾಡಿದಾಗಲೆಲ್ಲ ಅಮ್ಮನ ಒತ್ತಾಯ ಒಂದೇ, ಕನ್ನಡದಲ್ಲಿ ಮಾಡು ಎಂದು... ಹೀಗೆ ಟೇಬಲ್ ಮೇಲಿದ್ದ ಹೂವನ್ನು ನಾಜೂಕಾಗಿ ಸವರುತ್ತಾ ತುಟಿಯಂಚಲ್ಲಿ ನಗು ಚೆಲ್ಲುತ್ತಾ ಮಾತಾಡಿದವರು ಅರ್ಜುನ್ ಸರ್ಜಾ...<br /> <br /> ತುಂಬಾ ದಿನಗಳ ನಂತರ ಕನ್ನಡಕ್ಕೆ ಬಂದಿದ್ದಿರಿ ಎಂಬ ಪ್ರಶ್ನೆಗೆ `ಹೌದಾ~ ಎಂಬ ಉದ್ಗಾರದ ಜತೆಗೆ ಮತ್ತದೇ ನಗು. `ಪ್ರಸಾದ್~ ಸಿನಿಮಾದ ಕತೆ ತುಂಬಾನೇ ಚೆನ್ನಾಗಿದೆ. ಅದರಲ್ಲಿ ನನ್ನ ಹೆಸರು ಶಂಕರ್. ಗಂಡು ಮಗುವಿಗಾಗಿ ಹಂಬಲಿಸುತ್ತೇನೆ. ಕೊನೆಗೆ ಕಿವುಡ, ಮೂಗ ಮಗು ಹುಟ್ಟಿದಾಗ ತಲ್ಲಣಗೊಳ್ಳುವ ಪಾತ್ರವದು. ವೃತ್ತಿಯಲ್ಲಿ ನಾನು ಮೆಕ್ಯಾನಿಕ್. ಒಂದು ಮಧ್ಯಮ ವರ್ಗದ ಚಿತ್ರಣವನ್ನು ಕಟ್ಟಿಕೊಡುತ್ತದೆ ಸಿನಿಮಾ.<br /> <br /> ಚಿತ್ರದಲ್ಲಿ ನಾನು ಎಂದೂ ಮರೆಯಲಾಗದ ವ್ಯಕ್ತಿ ಎಂದರೆ `ಸಂಕಲ್ಪ್~. ಈ ಕತೆ ಹೆಣೆದುಕೊಂಡಿರುವುದು ಇವನ ಸುತ್ತ. ವಾಸ್ತವದಲ್ಲೂ ಇವನು ಕಿವುಡ, ಮೂಗ. ನನಗೆ ಮೊದಲಿನಿಂದಲೂ ಮಕ್ಕಳೆಂದರೆ ತುಂಬಾನೇ ಇಷ್ಟ. ಆದರೆ ಇವನು ನನ್ನ ಮನಸ್ಸಿನಲ್ಲಿ ಬಹುಕಾಲ ನೆನಪಾಗಿ ಉಳಿಯುತ್ತಾನೆ. ಅವನು `ದೇವರ ಮಗು~ ಎಂದರೆ ತಪ್ಪಾಗಲಾರದು.<br /> <br /> ಮೊದಲ ಬಾರಿ ಅವನು ಸಿನಿಮಾದಲ್ಲಿ ನಟಿಸುತ್ತಿದ್ದಾನೆ. ಆದರೆ ಉಳಿದ ಮಕ್ಕಳಂತೆ ಇವನಿಗೆ ಹೇಳಿ ಕೊಡುವುದು ಕಷ್ಟವಾಗಲಿಲ್ಲ. ಎಷ್ಟು ಚೆನ್ನಾಗಿ ಪಾತ್ರಕ್ಕೆ ಜೀವ ತುಂಬಿದ್ದಾನೆ. ಚಿತ್ರೀಕರಣ ಮುಗಿದ ಬಳಿಕವೂ ನನ್ನ ಜತೆ ಮಾತನಾಡಬೇಕು ಎಂದು ತಾಯಿಯನ್ನು ಒತ್ತಾಯಿಸುತ್ತಾನಂತೆ. ಫೋನ್ ಮಾಡಿದಾಗ ದನಿ ಬರುವುದಿಲ್ಲ. <br /> <br /> ಮೂಕ ಭಾಷೆಯಲ್ಲಿ ಏನೋ ಹೇಳುವುದಕ್ಕೆ ಒದ್ದಾಡುತ್ತಾನೆ. ನಾನೇನಾದರೂ ಹೇಳಿದರೆ ಅವನಿಗೆ ಕೇಳಿಸೊಲ್ಲ ಎಂಬ ಭಾವೋದ್ವೇಗದ ನುಡಿಯೊಂದಿಗೆ ಕಪ್ಪು ಕನ್ನಡಕದ ಅಂಚಿನಲ್ಲಿ ಕಣ್ಣೀರ ಬಿಂದು ಅಡಗಿಸಿಕೊಳ್ಳುವ ಪ್ರಯತ್ನ ಸಾಗುತ್ತಿತ್ತು.<br /> <br /> `ಪ್ರಸಾದ್~ ಒಂದು ಸಕಾರತ್ಮಕ ಚಿತ್ರ. ಸಮಾಜಕ್ಕೆ ನೀತಿ ಹೇಳುವುದರೊಂದಿಗೆ ಸರ್ಕಾರಕ್ಕೂ ಪಾಠ ಹೇಳುತ್ತದೆ. ಈ ಚಿತ್ರದಲ್ಲಿರುವ ಪ್ರತಿಯೊಂದು ಸನ್ನಿವೇಶವು ಹೊಸತನದೊಂದಿಗೆ ಕೂಡಿದೆ. ಕನ್ನಡದಲ್ಲಿ ನನಗೆ ಬೇಕಾದಷ್ಟು ಅವಕಾಶಗಳು ಬಂದಿವೆ. ಆದರೆ ಒಳ್ಳೆ ಚಿತ್ರಗಳನ್ನು ಮಾತ್ರ ಆಯ್ಕೆಮಾಡಿಕೊಳ್ಳುವ ಇರಾದೆ ನನ್ನದು. ಜತೆಗೆ ಒಂದು ಕನ್ನಡ ಸಿನಿಮಾ ನಿರ್ದೇಶನ ಮಾಡುವ ಯೋಚನೆಯೂ ಇದೆ. <br /> <br /> ಪ್ರಶಸ್ತಿಗಾಗಿ ಸಿನಿಮಾ ಮಾಡುತ್ತಿಲ್ಲ. ಆದರೆ ಪ್ರಶಸ್ತಿ ಒಂದು ಟಾನಿಕ್ ಇದ್ದಂತೆ. ಹಲವಾರು ಸಿನಿಮಾ ಮಾಡಿದ್ದರೂ ನನ್ನಲ್ಲಿ ಉತ್ಸಾಹವಿನ್ನೂ ಬತ್ತಿಲ್ಲ. ರಾಜಕೀಯ ಪ್ರವೇಶಕ್ಕೆ ಅವಕಾಶ ಬಂದಿತ್ತು. ಆದರೆ ಅದರಲ್ಲಿ ನನಗೆ ಆಸಕ್ತಿ ಇಲ್ಲ.<br /> <br /> ಸಿಕ್ಸ್ ಪ್ಯಾಕ್ ನನಗೆ ಹದಿನಾರನೇ ವಯಸ್ಸಿನಲ್ಲೇ ಇತ್ತು. ಆದರೆ ಅದು ಗೊತ್ತಾಗಿದ್ದು ಇತ್ತೀಚೆಗೆ; ಮೊದಲಿನ ಫೋಟೋದ ಸುತ್ತ ಕಣ್ಣಾಡಿಸಿದಾಗ. ಕಟ್ಟು ಮಸ್ತಾದ ದೇಹವನ್ನು ಒಮ್ಮೆ ಹಿಗ್ಗಿಸಿದ ಅರ್ಜುನ್ ಸರ್ಜಾ ಕಣ್ಣಲ್ಲಿ ಈ ಸಿನಿಮಾ ನೀಡಿದ ತೃಪ್ತಿಯ ನಗುವಿತ್ತು.<br /> <br /> `ಇದು ಒಂದು ನಿಜ ಘಟನೆಯಿಂದ ಪ್ರೇರಿತವಾದ ಚಿತ್ರಕತೆ. ಸರಳವಾಗಿ ಹೆಣೆದಿದ್ದೇನೆ. ಅಶೋಕ್ ಖೇಣಿ ಇದರ ನಿರ್ಮಾಪಕರು. ಈ ಚಿತ್ರಕತೆ ಮಾಡುತ್ತೇನೆ ಎಂದು ಕೈಗೆತ್ತಿಕೊಂಡಾಗ ನಿನಗೆ ಅಸಾಧ್ಯ ಎಂಬ ಮಾತು ಸ್ನೇಹಿತರಿಂದ ಬಂದಿತ್ತು. ಆದರೆ ನಾನು ಮಾಡಿಯೇ ತೀರುತ್ತೇನೆ ಎಂಬ ಹಟಕ್ಕೆ ಬಿದ್ದು ಮಾಡಿದೆ. ಇದು ನನ್ನ ಕನಸು. ಚಿತ್ರ ಈ ವಾರ ತೆರೆ ಕಾಣಲಿದೆ~ ಎಂದು ನಿರ್ದೇಶಕ ಮನೋಜ್ ಸತಿ ಮಾತನ್ನು ಚುಟುಕಾಗಿಸಿದರು. <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
